Apocalipsis 3:2 - Bible in Tzeltal Bachajón

² Cuxa awo'tan, a'beya yich' yip te bintic hilemic to, te lajelix, como la jta te ma ba ts'acal awa'tel ta stojol Dios.

Nuevo Testamento Tzeltal de Amatenango

² Kuxa awoꞌtan y aꞌbe xan spuersa te tutik kuxul to awuꞌune te jmel ya xlajixe. Yuꞌun kiloj te tut ya apase ma tojuk ta sit te Dios kuꞌune.

Bible in Tzeltal de Oxchuc y Tenejapa

² Wic'a me asit. Ac'beya xan yip te bila cuxul to awu'une, te melel jlajelix ta jc'axel. Yu'un quiloj te ma lecuc te awat'el ta stojol te Diose.

Apocalipsis 3:2 Referans Kwoze

1 Pedro 5:8

P'ijanic me soc wic'sitaya me abahic, como te acontrahic, ha te pucuj, bayuc yac ta behel, hich te bin ut'il choj, ta slehel mach'a ya slajin.

Apocalipsis 16:15

Ya xtalon hich te bin ut'il j'elec'. Bayel me yutsil te mach'a wiq'uil sit soc te ya scanantay sc'u' spac', scuenta yu'un ma ba watal ya xbehen, te q'uexlaltic sba ya x'ilot, xchi te Cajwaltique.

1 Pedro 4:7

Nopol ya sta yorahil te ya xlaj spisil bintic ay; ha yu'un na'ahic me q'uinal soc wic'sitaya me abahic scuenta yu'un ya xhu' yac ac'oponic Dios.

Isaías 35:3

¡A'beyahic yip te sc'abic te mayuc yipic, a'beyahic yip sjol yacanic te ya xnihquique!

2 Crónicas 25:2

Toj bin la spas ta stojol Jehová, aunque ma ba spisil yo'tan.

Hechos 18:23

Halaj tey a, patil loc' bahel, xtiq'uet la yocliy bahel te sq'uinal Galacia soc Frigia, la ya'be yich' yip yo'tan spisil te jnopojeletique.

San Mateo 25:13

Ha yu'un cuxuluc me awo'tanic, como ma na'biluc awu'unic bin orahil soc bin c'ahc'alil ya xtal te Nich'anil ay ta scuenta winic.

Deuteronomio 3:28

Pasa ta mandar te Josué, a'beya smuc'ul yo'tan soc yip yo'tan, como ha ya yic' bahel te pueblo ini soc ha ya ya'be yich'ic te q'uinal yac awil yo'tic, xchi.

Apocalipsis 2:4

Pero ay bin ma ba lec co'tan awu'un: ha te hilix awu'un te sc'uxul awo'tan te ay ta nahil to.

Ezequiel 34:16

Ya jle te tuminchij te ch'ayem, ya jsuhtes tal te howiyemic bahel, ya jpotsbe te banti waq'uem soc ya ca'be yip te banti mayuc yip; pero ya jlajin te juhp'en soc te ay yipe. Stojil me ya jcanantay.

San Mateo 23:5

Ya spas spisil ya'telic yu'un nax ya yac' sbahic ta ilel yu'un te ants-winiquetique. Ya smuc'ubtesic te yawil mandariletic soc ya snahtubtesic te smehyil paq'uique;

Daniel 5:27

TEKEL: la awich' p'isbeyel awalal ta balanza, chicnaj te ya spas falta, xchi.

Isaías 57:12

Ya jpuc ta halel te ma lecuc te bintic toj yac apas ta ac'op soc te awa'tele, te mayuc bin ya scoltayat a.

Isaías 56:10

Ha ts'o'sitetic te j'il-q'uinaletic yu'unique, spisilic ma sna'ic q'uinal; spisilic uma' ts'i'etic, ma xhu' yu'unic wohwonel; metselic a ya ya'iyic wayich, ya smulanic te wayele.

1 Reyes 15:3

Ha nix la spas te bin muliletic la spas te stat ta nahil to, ma ba jun yo'tan ta stojol Jehová te Dios yu'un, ma hichuc te bin ut'il te yo'tan David te state.

1 Reyes 11:4

Te c'alal mamalix a te Salomón, te antsetic yu'un la showiytesbeyic yo'tan ta stojol yantic diosetic, ma spisiluc yo'tan la yac' sba ta stojol te Jehová te Dios yu'un, ma hichuc te bin ut'il yo'tan te David te state.

Zacarías 11:16

Como ya jchicnajtes ta q'uinal jtuhl jcanan te ma ba ya scanantay te tuminchijetic te howiyemic, ma ba ya sle te alal tuminchij, ma ba ya spoxtay te waq'uem sbaquel, ma ba ya yic' bahel te lajem yip; ha ya swe'be sbaq'uetal te banti juhp'enic, soc ya sbots'be loq'uel te slots'.

Job 16:5

Pero ya ca'beyex yip awo'tanic ta scuenta bintic ya cal, soc ya xch'ay sc'uxul awocol yu'un te smuc'ul q'uinal yu'un te jc'op te hichuque.

Apocalipsis 3:1

Ts'ihbabeya te ch'ul a'bat yu'un te iglesia ta Sardis: Hich ya yal te Mach'a yich'oj te huqueb espírituhetic yu'un Dios soc te huqueb eq'uetic: Ya jna' bin yilel awa'tel; cuxul, xchi ac'oblal, pero chamenat.

Apocalipsis 3:3

Na'a me hiche te bin awich'oj soc awa'iyej; pasa soc suhtesa awo'tan. Teme ma ba yac acux awo'tan, ya xtalon ta atojol hich te bin ut'il j'elec', ma na'biluc awu'un bin ora ya xtalon.

San Mateo 25:7

Hich hahch spisil te ach'ixetic, och schahpan yawil sc'ahq'uic.