Apocalipsis 3:18 - Bible in Tzeltal Bachajón

¹⁸ Ha yu'un ya calbat te yacuc amambon oro te lecubtesbil ta c'ahc', scuenta yu'un jc'uhlej ya xc'ohat a; soc yacuc amambon sac ac'u' apac' te yac alap, scuenta yu'un ma ba ya xchicnaj te aq'uexlal te bin ut'il watalat; soc yacuc amambon spoxil asit scuenta yu'un yac awil q'uinal a.

Nuevo Testamento Tzeltal de Amatenango

¹⁸ “Jaꞌ yuꞌun ya kalbeyat te ya amanbon te oro te pasbilix tal ta kꞌajkꞌe, yuꞌun jich batsꞌi kꞌulejat a. Y sok te ya amanbon te sakil kꞌuꞌul-pakꞌal yuꞌun ya alap y ya amuk aba a te kꞌexlaltik sba te tꞌaxalate. Y sok ya amanbon te jun pox yuꞌun te ya awaꞌbey asit te ya awil kꞌinal ae.

Bible in Tzeltal de Oxchuc y Tenejapa

¹⁸ Jich yu'un ya calbat te ya amanbon te oro cu'un te lecubtesbil ta c'ajq'ue, swenta yu'un ay me ac'ulejal ta mero melel. Soc ya calbat te ya amanbon uuc te saquil c'u'ul ya alape, swenta yu'un ma ba ya xq'uexawat te bit'il t'analate. Soc ya me amanbon uuc spoxil asit swenta yu'un jich me ya apoxtay asit a. Yu'un jich ya xju' awu'un te ya awil q'uinale.

Apocalipsis 3:18 Referans Kwoze

Apocalipsis 16:15

Ya xtalon hich te bin ut'il j'elec'. Bayel me yutsil te mach'a wiq'uil sit soc te ya scanantay sc'u' spac', scuenta yu'un ma ba watal ya xbehen, te q'uexlaltic sba ya x'ilot, xchi te Cajwaltique.

1 Pedro 1:7

scuenta yu'un teme la yich'ix tsajel te sch'uhunel awo'tanic, te c'ax hich yutsil a te bin ut'il oro, (aunque ya xlaj, pero ya xtsajot ta c'ahc'), lec me sc'oblal ya xc'oht, soc ay me yutsilal soc ich'bil ta muc' ya xc'oht te c'alal ya xchicnaj tal te Jesucristo.

Isaías 55:1

¡Ha'ex te taquin awo'tanic, la'ic, la'ic ta banti ay te ha'e; ha'ex te mayuc ataq'uinic, la'ic, manahic soc we'anic! ¡La'ic, ma ta taq'uinuc yac amanic, mayuc stojol te vino soc te leche!

Apocalipsis 19:8

A'botix slap lequil lino-pac' te buen xlipet sacal soc mayuc yabaquil, xchihic. (Te lino-pac', ha seña te stojil ya'telic te mach'atic ch'ultesbilique.)

Malaquías 3:3

Ya shuhcan sba yu'un ya yuhltes soc ya slecubtes te plata, ha ya slecubtes te sts'umbal Leví hich te bin ut'il oro soc plata, hich stojil ya ya'beyic smahtan te Jehová.

Apocalipsis 7:13

Ay jtuhl te mamaletic la sjoc'obon: ¿Mach'atic a ini te sac sc'u' spac' slapojic soc banti talemic? xchi.

San Mateo 13:44

Te cuentahinel yu'un te ch'ulchan hich c'ohem te bin ut'il c'uhlejalil mucul ta lum, te ay mach'a la sta soc la scha'muc xan hilel; tse'el yo'tan a baht schon spisil bintic ay yu'un, ha baht sman te q'uinale.

Daniel 12:2

Tsobol te mach'atic wayalic ta ts'ubil lum ya xhahchic: ay mach'atic ya yich' scuxlejalic scuenta sbahtel q'uinal, te yantic ya xbahtic ta q'uexlal soc ta p'ajel sbahtel q'uinal.

Salmos 32:8

Ya ca'bat ana' soc ya ca'bat awil te be te banti ya sc'an ya xbehenat; ya cac' jsit ta atojol.

Santiago 2:5

Quermanotac te c'uxex ta co'tan, a'iya me awa'iyic: ¿Ma bal ha'uc tsahbil yu'un Dios te pobrehetic ta bahlumilal te ha' c'uhlejetic ta scuenta sch'uhunel yo'tanic soc ya x'a'bot yich'ic te cuentahinel yu'un Dios te yaloj te ya yich'ic te mach'a c'ux ta yo'tanic te Diose?

Miqueas 1:11

¡C'axan bahel, ha'at te nahinemat ta Safir, watalat soc q'uexlal! ¡Ma ba ya xloc' tal te mach'a nahinem ta Zaanán! ¡Ay oq'uel ta Bet-esel! Ya yich' loq'uesel te coltayel awu'unic.

Salmos 73:24

La atojobteson ta scuenta bin yac awa'bon jna', ta patil yac awic'on ta utsilal.

Apocalipsis 3:17

Hich yac awal: Jc'uhlejon, la jtahix jc'uhlejal, mayuc bin ya spason falta, xchihat. Pero ma xana' te mayuc bin ay awu'un, c'ux obol aba, pobrehat, ts'o'sitat soc watalat.

Apocalipsis 2:9

Ya jna' bin yilel awa'tel, ya jna' te awocol, soc te pobre ayat (aunque c'uhlejat); ya jna' bin ut'il ayat ta labanel yu'un te mach'atic judíohetic ta sc'opic pero ma ha'uquic, ha sinagoga yu'un Satanás.

2 Corintios 8:9

Ana'ojiquix te yutsil yo'tan te Cajwaltic Jesucristo, aunque jc'uhlej, ha pobre c'oht ta acuentahic, scuenta yu'un ha'ex jc'uhlejex ya xc'ohex ta scuenta spobrehil.

Isaías 47:3

Jamal ya xchicnaj te watalat, ya x'ilot aq'uexlal. Ya ca'be castigo, mayuc mach'a ya xcol,

Proverbios 23:23

Mana te bin smelelil, ma me xachon; mana p'ijil-o'tanil, nohptesel soc sna'beyel scuentahil.

2 Corintios 5:3

como te c'alal hich jc'u'inejtic, ma ba watalotic ya xtahotic.

San Lucas 12:21

Hich nix sc'oblal a te mach'a ya stsob sc'uhlejal te ya xtuhun yu'un stuquel, te mayuc sc'uhlejal ta stojol te Diose, xchi.

Nahúm 3:5

¡Li' ayon yu'un ya jcuentahinat! xchi te Jehová te scuentahinej spisil, ya jolbat mohel atsec c'alal ta awelaw, ya ca'be yil abaq'uetal te nacionetic, ya ca'be yil aq'uexlal te ban c'alal cuentahimbilic.

San Mateo 25:9

Pero te mach'atic ay sp'ijilic hich la sjaq'uic: Scuenta yu'un ma ba ya spasotcotic falta soc ni ha'uquex ya spasex falta, bahan, manahic tal ta banti yac ta chonel, la yutic.

Jeremías 13:26

Ho'on nix ya jlicbat mohel atsec c'alal ta asit awelaw, hich ya xchicnaj aq'uexlal:

Eclesiastés 8:2

Ho'on ya cal te ch'uhumbeya smandar te ajwalil, yu'un hich awaloj ta jamal ta stojol Dios.

Proverbios 19:20

A'iya awa'iy te bin ya x'a'botat ana' soc ich'a te tojobtesel, hich me p'ij ya xc'ohat te jayeb xan c'ahc'al cuxulat.

Proverbios 1:30

ma ba la sc'anic te bin ya ca'be sna'ic soc la sp'ajic spisil te tojobtesel cu'une,

Proverbios 1:25

La ap'ajic spisil bintic ya ca'beyex ana'ic soc ma la ac'an te tojobtesel cu'une.

Salmos 107:11

ta scaj te la stoy sbahic ta stojol te sc'op te Jehová, la sp'ajic te bin a'bot sna'ic yu'un te Mach'a mero toyol ay.

Salmos 16:7

Ya calbe yutsilal te Jehová te ya ya'bon jna' bin lec ta pasel, ta ahc'abal ya snohpteson te co'tane.

1 Timoteo 6:18

Halbeya mandar te ac'a spasic te bin lec, ha'uc me sc'uhlejalic te lequil a'teliletic, soc te bayeluc bintic ya yaq'uic soc orahuc ay bin ya sq'uebenic.

Apocalipsis 4:4

Ta sjoyobal te muc'ul-huctajibal ay chaneb scha'winic (24) muc'ul huctajibaletic soc ay chaneb scha'winic (24) ta tuhl mamaletic huhcajtic tey a, slapojic sac sc'u' spaq'uic soc ay ta sjolic coronahetic pasbilic ta oro.