Apocalipsis 22:17 - Bible in Tzeltal Bachajón

¹⁷ Te Espíritu soc te Jnuhpunel Ach'ix ya yalic: La' me, xchihic. Te mach'a ya ya'iybe sc'op, hich ac'a yal: La' me, xchihuc. Ac'a taluc te mach'a taquin yo'tan. Mach'ayuc a te ya sc'an, smahtan ac'a yuch' te ha' scuenta cuxlejal.

Nuevo Testamento Tzeltal de Amatenango

¹⁷ Te Chꞌul Espiritue y sok te machꞌa nujpunemix sok te Chꞌin Karnerae ya yalik: “La.” Te machꞌa ya yaꞌiye, a me yal: “La.” Y te machꞌa takin yoꞌtane, y te ya skꞌane, a me taluk y a yuchꞌ te jaꞌ yuꞌun kuxlejale ta majtanil nax.

Bible in Tzeltal de Oxchuc y Tenejapa

¹⁷ Te Ch'ul Espíritu soc te yinam te Alalchije ya yalic: “La' me”, xiic. Te mach'a ya yaiy stojol, jich ac'a yal uuc: “La' me”, xiuc me uuc. Te mach'a taquin yo'tane, ac'a taluc teme ya sc'an yo'tane. Smajt'an ya x'ac'bot yuch' te ja' te ya yac' cuxinele.

Apocalipsis 22:17 Referans Kwoze

San Juan 4:14

Yan te mach'a ya yuch' te ha' te ho'on ya ca'be, mayuc bin ora ya xtaquij xan yo'tan. Te ha' te ho'on ya ca'be, hich ya xc'oht te bin ut'il sloq'uib ha' te ya x'oquin scuenta cuxlejal sbahtel q'uinal, xchi.

Apocalipsis 21:6

Soc hich la yalbon xan: Hu'ix. Ho'on te Alfa soc te Omega, te shahchibal soc te slajibal. Te mach'a taquin yo'tan, smahtan ya ca'be yuch' ha' ta sloq'uib-ha' scuenta cuxlejal.

San Juan 7:37

Ta slajibal sc'ahc'alel te q'uin te tulan sc'oblal, la stehc'an sba te Jesús, tulan la yal: Te mach'a taquin yo'tan, ac'a taluc ta jtojol soc ac'a yuch'.

Isaías 12:3

Soc yutsil awo'tanic yac aloq'uesic ha' ta sloq'uib-ha'etic yu'un colel.

San Juan 4:10

Te Jesús la yalbe te antse: Te yacuc ana'be sba te mahtanil yu'un Dios soc te mach'a a te hich ya yalbat: A'bon cuch' ha', te xchihe, ha'at la ac'ambe awuch' ha', soc ha ya ya'bat awuch' te cuxul ha' te hichuque, xchi.

Salmos 34:8

Pasahic prueba, ilawilic te ha lec yo'tan te Jehová. ¡Bayel yutsil te mach'a ya smuc'ulin yo'tan!

Isaías 2:5

Conic, sna Jacob, behenucotic ta sacal q'uinal yu'un Jehová.

Apocalipsis 22:1

Patil te ch'ul a'bat la ya'bon quil te muc'ul-ha' scuenta cuxlejal, xleblon sjahts' hich te bin ut'il cristal, te yac ta loq'uel tal ta stojol te smuc'ul-huctajib Dios soc ta stojol te Jcolel Tuminchij,

Apocalipsis 21:9

Tal jtuhl te huqueb ch'ul a'batetic te yich'ojic te huqueb copahetic te nojel ta slajibal wocoletic, hich la yalbon: La', ya ca'bat awil te ach'ix te ya xnuhpun soc te Jcolel Tuminchij, xchi.

Apocalipsis 21:2

La jquil te ch'ul pueblo, te yach'il Jerusalén, yac ta cohel tal ta ch'ulchan ta stojol Dios, chahpambil hich te bin ut'il ya sch'ahl sba jtuhl ach'ix ta stojol te mach'a ya xnuhpun soque.

Romanos 3:24

pero ta scuenta yutsil yo'tan Dios ta mahtanil halbotic te toj ayic, ta scuenta stojel mulil ta scuenta Cristo Jesús.

Isaías 2:3

Ya xtalic bayel pueblohetic soc hich me ya yalic: La'ic, mohucotic ta wits yu'un Jehová, ta sna te Dios yu'un Jacob. Ha ya ya'botic jnoptic te behetic yu'un, hich ya xbehenotic ta tut behetic yu'un, xchihic. Como ya xloc' tal ta Sión te Ley, ta Jerusalén ya xloc' tal te sc'op te Jehová.

Apocalipsis 22:16

Ho'on Jesuson, jticonej tal te ch'ul a'bat cu'un scuenta yu'un ya yalbe te iglesiahetic ha'i testigo-c'op ini. Ho'on slohp'on soc sts'umbalon David, ho'on te jsacubel ec', xchi.

Apocalipsis 2:7

Te mach'a ay schiquin, ac'a me ya'iy te bin ya xhalbot yu'un te Espíritu te iglesiahetique. Te mach'a ya ya'iy tsalaw, ya ca'be slo'be sit te te' scuenta cuxlejal te ay ta yutsil ts'unubil q'uinal yu'un Dios, xchi.

Jeremías 50:5

Ya me sjoc'oyic bahel te sbehlal Sión, tey ya stojlinic bahel a, hich ya yalic: Conic, junax ya cac' jbahtic soc te Jehová ta scuenta chapbil-c'op te sbahtel q'uinal ay, te ma xch'ay ta o'tanil, xchihic me.

1 Corintios 2:12

Te ho'otic ma ha'uc quich'ojtic te espíritu yu'un bahlumilal, ha quich'ojtic te Espíritu te talem ta stojol Dios, scuenta yu'un hich ya jna'tic a te bin ya'beyejotic te Diose.

Miqueas 4:2

Ya xtal bayel nacionetic, hich ya yalic: La'ic, mohucotic bahel ta wits yu'un Jehová, ta sna te Dios yu'un Jacob, ha ya snohptesotic a te behetic yu'un, hich ya xbehenotic ta behetic yu'un, xchihic. Como ya xloc' tal ta Sión te Ley, ta Jerusalén ya xtal te sc'op Jehová.

San Juan 4:29

La'ic, ilawilic jtuhl winic te la yalbon spisil te bin jpasoje. ¿Ma bal ha'uc te Cristo? xchi.

Ezequiel 47:1

Patil te winic la yic'on suhtel ta yochibal te templo. La jquil yac ta loq'uel ha' ta ye'tal te smarcohil te templo, yac ta oc bahel ta stojol banti ya xloc' tal c'ahc'al, como te yochibal te templo ay ta stojol banti ya xloc' tal c'ahc'al; te ha' yac ta oc bahel ta ye'tal te swa'el te templo, ta stojol sur yu'un te scajtajib ta chiq'uel mahtanil.

San Juan 4:11

Tatil, mayuc bin yac alic loq'uel tal a, como c'ubul te pozo. ¿Banti ay awu'un te cuxul ha'?

Apocalipsis 7:17

como te Jcolel Tuminchij te ay ta yohlil te muc'ul-huctajibal ha ya scanantay soc ya me stojobteslan bahel ta banti ay sloq'uib ha'etic scuenta cuxlejal. Soc ya me xcusticlambot ya'lel sitic yu'un te Diose, xchi.

Apocalipsis 14:13

La jca'iy ay mach'a c'opoj tal ta ch'ulchan te hich la yalbon: Ts'ihbaya: Bayel me yutsilic te mach'atic ayic ta stojol Cajwaltic a te ya xway sbaq'uetalic li' bahele, xchi. Melel, xchi te Espíritu, ya me scux yo'tanic yu'un te ya'telic, como ya xt'unotic yu'un te ya'telique, xchi.

San Juan 1:37

C'alal hich la ya'iyic te cheb jnopojeletic yu'un, la st'unic bahel te Jesús.