Apocalipsis 21:6 - Bible in Tzeltal Bachajón

⁶ Soc hich la yalbon xan: Hu'ix. Ho'on te Alfa soc te Omega, te shahchibal soc te slajibal. Te mach'a taquin yo'tan, smahtan ya ca'be yuch' ha' ta sloq'uib-ha' scuenta cuxlejal.

Nuevo Testamento Tzeltal de Amatenango

⁶ Ta patil la yalbon: —Juꞌix ta pasel joꞌon te ayon ta slijkibale y sok ta slajibale. Te machꞌa takin yoꞌtane, ta majtanil ya me kaꞌbe yuchꞌ te lokꞌi-jaꞌ yuꞌun te kuxlejale.

Bible in Tzeltal de Oxchuc y Tenejapa

⁶ Soc la yalbon xan: —Ju'ix cu'un. Jo'on Alfaon, jo'on Omegaon. Ayon ta xjajch'ibal soc ayon ta slajibal. Te mach'a taquin yo'tane, smajt'an me ya cac'bey yuch' te sloc'ja' te ya yac' cuxinele.

Apocalipsis 21:6 Referans Kwoze

San Juan 4:10

Te Jesús la yalbe te antse: Te yacuc ana'be sba te mahtanil yu'un Dios soc te mach'a a te hich ya yalbat: A'bon cuch' ha', te xchihe, ha'at la ac'ambe awuch' ha', soc ha ya ya'bat awuch' te cuxul ha' te hichuque, xchi.

Apocalipsis 7:17

como te Jcolel Tuminchij te ay ta yohlil te muc'ul-huctajibal ha ya scanantay soc ya me stojobteslan bahel ta banti ay sloq'uib ha'etic scuenta cuxlejal. Soc ya me xcusticlambot ya'lel sitic yu'un te Diose, xchi.

San Juan 4:14

Yan te mach'a ya yuch' te ha' te ho'on ya ca'be, mayuc bin ora ya xtaquij xan yo'tan. Te ha' te ho'on ya ca'be, hich ya xc'oht te bin ut'il sloq'uib ha' te ya x'oquin scuenta cuxlejal sbahtel q'uinal, xchi.

Salmos 36:9

Como ha'at ay ta acuenta te sloq'uib-ha' yu'un cuxlejal; ta sacal q'uinal awu'un ya quilcotic sacal q'uinal.

Romanos 8:32

Te mach'a la sloq'ues ta yo'tan te mero Snich'an, te la yac' ta c'abal ta jcuentatic jpisiltic, ¿bin ut'il ma ba pajal ya ya'botic spisil soc a?

Apocalipsis 22:17

Te Espíritu soc te Jnuhpunel Ach'ix ya yalic: La' me, xchihic. Te mach'a ya ya'iybe sc'op, hich ac'a yal: La' me, xchihuc. Ac'a taluc te mach'a taquin yo'tan. Mach'ayuc a te ya sc'an, smahtan ac'a yuch' te ha' scuenta cuxlejal.

Apocalipsis 1:8

Ho'on te Alfa soc te Omega, te shahchibal soc te slajibal, xchi te Cajwaltic Dios, te mach'a ay ta ora ini, ta namey soc te ya xtale, ha te Dios te spisil ya xhu' yu'une.

Romanos 3:24

pero ta scuenta yutsil yo'tan Dios ta mahtanil halbotic te toj ayic, ta scuenta stojel mulil ta scuenta Cristo Jesús.

Apocalipsis 22:13

Ho'on te Alfa soc Omega, te shahchibal soc te slajibal, te shahchibal ayon soc slajibal ayon.

Apocalipsis 16:17

Te shuquebal ch'ul a'bat la smal ta ic' te sbahl te copa yu'un, loc' tulan c'op ta templo, ta stojol te muc'ul-huctajibal, hich la yal: Hu'ix, xchi.

Isaías 12:3

Soc yutsil awo'tanic yac aloq'uesic ha' ta sloq'uib-ha'etic yu'un colel.

Apocalipsis 1:17

Te c'alal la jquile, puch'on ta ye'tal yoc, hich c'ohon te bin ut'il chamenon. La scajambon swa'el-c'ab ta jtojol, hich la yalbon: Ma me xiwat. Ho'on te shahchibalon soc te slajibalon,

1 Corintios 2:12

Te ho'otic ma ha'uc quich'ojtic te espíritu yu'un bahlumilal, ha quich'ojtic te Espíritu te talem ta stojol Dios, scuenta yu'un hich ya jna'tic a te bin ya'beyejotic te Diose.

Jeremías 2:13

Cha'chahp mulil la spas te pueblo cu'une: ha te la yihquitayon, ho'on te cuxul sloq'uib-ha'on, soc la shotic yawil ha' yu'unic, ha yawil ha'etic te lohmenic te ma xhil ha' tey a.

Apocalipsis 10:6

jc'axel la yal ta jamal ta scuenta te mach'a stalel cuxul sbahtel q'uinal, te la spas te ch'ulchan soc spisil bintic ay tey a, te bahlumilal soc spisil bintic ay tey a, soc te mar soc spisil bintic ay tey a, la yal te mayuquix yorahil,

Joel 3:18

Ya xc'oht ta pasel ta hich ora, te witsiltic ya xt'uhlajic ya'lel ts'usub, ya x'oquin leche ta tsehletic, soc ta spisil te uc'umetic yu'un Judá ya x'oquin ha'. Ya xloc' tal sloq'uib-ha' ta sna Jehová te ya yahts'es te spamlej yu'un Sitim.

Oseas 14:4

Ya jlecubtesbe te stoybahil, ta scuenta yutsil co'tan c'ux ya ca'iy ta co'tan, como te quilimba loc' bahel ta stojolic.

1 Corintios 3:12

Teme ay mach'a ya sts'ahcuy mohel ta oro, plata, t'ujbil ton, o ta te', ac o c'ajben ta sba te yich'o-ip,

Apocalipsis 1:11

te hich la yal: Ho'on te Alfa soc te Omega, te shahchibalon soc te slajibalon. Ts'ihbaya ta hun te bin yac awil soc ticona bahel ta stojol te huqueb iglesiahetic: ha te Éfeso, Esmirna, Pérgamo, Tiatira, Sardis, Filadelfia, soc te Laodicea, xchi la jca'iy.

1 Corintios 3:21

Ha yu'un ma me ayuc mach'a ya stoy sba yu'un te ay bin ya xhu' yu'un te ants-winiquetic, como ha awu'unic spisil:

1 Corintios 3:5

¿Mach'a a te Pablo, soc mach'a a te Apolos? Ha a'batetic te ha ta scuentahic te la ach'uhunique; soc ha chican te bin a'bot spas jujutuhl yu'un te Cajwaltique.

San Juan 4:11

Tatil, mayuc bin yac alic loq'uel tal a, como c'ubul te pozo. ¿Banti ay awu'un te cuxul ha'?

Apocalipsis 3:14

Ts'ihbabeya te ch'ul a'bat yu'un te iglesia ta Laodicea: Hich ya yal te mach'a Hichuc, ha te testigo te stalel jun yo'tan soc te melel, te shahchibal te bintic pasticlambil yu'un Dios: