Apocalipsis 21:27 - Bible in Tzeltal Bachajón

²⁷ Ma x'och tey a te bin bohloben sc'oblal o te mach'a ya spas bin ilobtic sba o te mach'a ya ya'iy lot; ha nax te mach'atic ts'ihbabil sbihilic ta libro scuenta cuxlejal yu'un te Jcolel Tuminchij.

Nuevo Testamento Tzeltal de Amatenango

²⁷ Pero ma xjuꞌ ya xꞌoch teꞌa te tut ma lekuke, ni ma xjuꞌ ya xꞌoch teꞌa te machꞌatik ya spasik te tut ma tsaꞌamuke sok te jloꞌlawanejetike. Jaꞌ nax ya xꞌoch teꞌa te machꞌatik ay tsꞌibabil sbiilik te ba libro yuꞌun kuxlejal yuꞌun te Chin Karnerae.

Bible in Tzeltal de Oxchuc y Tenejapa

²⁷ Ja'uc me to, ma xju' ya x'och xujt'uc tey a te bila ma lecuque, soc ma xju' ya x'och te mach'a ilaybil sba te bila ya spase, soc te mach'a ya spas lote. Ja' nax ya x'och tey a te mach'atic ts'ibubil sbiilic ta bay te lista yu'un cuxinel te yich'oj te Alalchije.

Apocalipsis 21:27 Referans Kwoze

Isaías 52:1

¡Wic'a asit, wic'a asit, ich'a awip, Sión! Lapa at'ujbil c'u', ha'at Jerusalén, te ch'ul pueblo; como mayuc bin ora ya xtal xan ta atojol te mach'a ma ba yich'oj circuncisión o te bohloben sc'oblal.

Apocalipsis 20:15

Te mach'a ma ba ts'ihbabil sbihil ta libro scuenta cuxlejal, ch'ojotic ochel ta banti yac ta tihlel pamal c'ahc'.

Apocalipsis 3:5

Te mach'a ya ya'iy tsalaw, sac sc'u' spac' ya x'a'bot slap, soc ma ba ya jtup'be sbihil ta libro scuenta cuxlejal, soc jamal ya calbe sbihil ta stojol te Jtat soc te ch'ul a'batetic yu'une.

Isaías 35:8

Soc ay me muc'ul be tey a, ha Ch'ul Be ya xc'oht te sbihile. Ma ba ya xc'ax jtuhluc tey a te bohloben sc'oblal, ha nax te mach'atic st'unojic te behe, ma ba ya xbehenic tey a te mach'atic ma sna'ic q'uinal.

San Mateo 13:41

Te Nich'anil ay ta scuenta winic ya me sticon bahel te ch'ul a'batetic, ya me stsobic tey ta yohlil banti ay te cuentahinel yu'un spisil mach'atic ya ya'be sta smulic soc te ya spasic te bintic chopol,

Joel 3:17

Hich me yac ana'ic a te ho'on Jehovahon te Dioson awu'unic, te nahinemon ta Sión, te ch'ul wits cu'une. Te Jerusalén ha ch'ul pueblo ya xc'oht, ma me ayuquix bin ora ya x'u'untayotix yu'un jyanlumetic.

Ezequiel 44:9

Hich yaloj te Jehová, te Ajwalil: Mayuc jtuhluc jyanlum te ma ba yich'ojic circuncisión ta yo'tanic soc ta sbaq'uetalic ya xhu' ya x'och ta ch'ul awilal cu'un, ta spisil te jyanlumetic te nahinemic ta yohlil te israeletique.

Efesios 5:5

Como ana'ojic te ma xhu' ya x'ochic ta banti ay te cuentahinel yu'un Cristo soc yu'un Dios te j'antsinel soc j'antsiwej, te mach'a bohloben sc'oblal, o te ay sbic'tal yo'tan, te ha pajal soc sch'uhunel loc'omba.

Salmos 101:8

Ta jujun sab ya jlajinlan spisil te mach'atic chopolic ta q'uinal, scuenta yu'un ya xlaj ta muc'ul pueblo yu'un Jehová spisil mach'atic ya spasic te bin chopol.

Apocalipsis 21:8

Yan te mach'atic ay xiwel ta yo'tanic, te ma sch'uhunic, te chopolic, jmilawetic, j'antsiwejetic, j'antsineletic, j'ilojeletic, mach'atic sch'uhunejic loc'ombahetic soc spisil jlotetic ha yu'unic ya xc'oht te banti yac ta tihlel pamal c'ahc' soc azufre. Ha te schebal buelta lajel abi, xchi te Diose.

Apocalipsis 13:8

Spisil mach'atic nahinemic ta bahlumilal la sch'uhuntayic, spisil te mach'atic ma ba ts'ihbabil sbihilic te ma to ba pasbil a te bahlumilal ta libro scuenta cuxlejal yu'un te Jcolel Tuminchij te yich'oj milel.

Hebreos 12:14

Lehahic bin ut'il lamal awo'tanic soc spisil ants-winiquetic, soc lehahic te ch'ultesele; teme mayuc ch'ultesel, mayuc mach'a ya xhu' ya yil te Cajwaltique.

Apocalipsis 20:12

Soc la jquil te mach'atic chamenic, muc' biq'uitetic, tec'ajtic ta stojol te muc'ul-huctajibal. La yich' jamel te librohetic, soc ay yan libro la yich' jamel, ha te libro scuenta cuxlejal. La yich'ic ich'el ta c'op te mach'atic chamenic, ha chican te bintic ts'ihbalambil ta hunetic, ha chican bin la spasic.

Isaías 60:21

Spisil te pueblo awu'un toj yo'tanic ya xc'ohtic, ya me a'bot yich'ic te q'uinal sbahtel q'uinal. Ha spuhl ya xc'ohtic te la jts'un, ha ya'tel jc'ab, scuenta yu'un hich ya cac' ta ilel a te cutsilale.

Filipenses 4:3

Ha nix hich ya calbat wocol, ha'at te jmohlol jbahtic te jun awo'tan, te yacuc acoltaybon te cheb antsetic ini, ha'ic te la sjoquinlanonic ta a'tel ta scuenta te lec yach'il c'op, soc nix te Clemente soc te yantic jmohloltac ta a'tel te ay sbihilic ta libro yu'un cuxlejal.

Zacarías 14:21

Spisil te oxometic ta Jerusalén soc ta Judá ch'ultesbil ya xc'ohtic ta stojol Jehová te scuentahinej spisil; spisil te mach'atic ya yaq'uic milbil mahtanil, ha ya yich'ic yu'un ya spayic tey a. Ta hich ora mayuquix jmambajel jchombajel ta sna te Jehová te scuentahinej spisil.

Números 12:15

Ha yu'un te María la yich' loq'uesel ta campamento huqueb c'ahc'al. Ma ba behenic xan bahel te pueblo ha to c'alal suht xan tal te María.

Números 5:3

Ya me aloq'uesic ta fuera teme winic o ants, ya me aloq'uesic ta fuera ta campamento scuenta yu'un hich ma ba ya xbohlob sc'oblal a te campamento te banti ya xnahinon ta yohlilic, xchi.

Levítico 13:46

Te jayeb c'ahc'al yich'oj te c'a'ele, bohloben sc'oblal ya xhil. Stuquel ya xnahin ta fuera yu'un te campamento.

Éxodo 32:32

Ya calbat wocol te yacuc apasbe perdón; teme ma'uque, tup'bon jbihil ta libro te la ats'ihbay, xchi.

San Marcos 7:2

La yilic cha'oxtuhl te jnopojeletic yu'un Jesús te bohloben sc'oblal sc'abic a yacalic ta we'el, ha te ma ba spocoj sc'abic, ma lecuc la yilic.

San Lucas 10:20

Pero ma me ha'uc tse'el awo'tanic yu'un te ac'ot ta acuentahic espírituhetic, ha'uc me tse'el awo'tanic yu'un te ts'ihbabil ta ch'ulchan te abihilique, xchi sc'oblalic.

1 Timoteo 1:10

j'antsiwejetic soc j'antsineletic, te mach'atic smohlol nix ta winiquil te ya sjoquin sbahic soc, te mach'atic ya snaq'uic ants-winiquetic, jlotetic soc mach'atic ya spasic lot ta stojol Dios, soc biluc yan te ya scontrahin te lequil nohptesel,

2 Pedro 3:13

Pero te ho'otic yacotic ta smahliyel te bin yaloj te Diose, ha te yach'il ch'ulchan soc yach'il bahlumilal, te banti ya xnahin te bin toj ta pasele.