Apocalipsis 21:23 - Bible in Tzeltal Bachajón

²³ Te muc'ul pueblo ma xtuhun yu'un te sts'anabul te c'ahc'al o te u, como ha sacuben q'uinal yu'un te yutsilal te Diose, soc ha jsacubtesej q'uinal te Jcolel Tuminchij.

Nuevo Testamento Tzeltal de Amatenango

²³ Te mukꞌul jtejklume ma puersaukix yuꞌun te kꞌajkꞌale ni te xojobil ue. Porke jaꞌ ya sakutes te xojob yuꞌun te Diose, y te sakil kꞌinal yuꞌune jaꞌ te Chꞌin Karnerae.

Bible in Tzeltal de Oxchuc y Tenejapa

²³ Ma xtuun xojobil c'aal soc xojobil u tey a. Melel ja' sacuben q'uinal yu'un te yutsil xojobil te Diose soc te xojobil te Alalchije.

Apocalipsis 21:23 Referans Kwoze

Apocalipsis 22:5

Mayuquix ahc'abal; ma xtuhun yu'unic tsumbil c'ahc' o te sc'ahc'alel te c'ahc'al, como te Cajwaltic Dios ya me sacubtes q'uinal ta stojolic, soc ya me ya'iyic cuentahinwanej ta sbahtel q'uinal.

Apocalipsis 21:11

Yich'beyej yutsilal te Diose, soc te sts'anabul hich yilel bin ut'il buen t'ujbil ton, sjel ta sts'aylajan-ton, sts'ayts'on hich te bin ut'il cristal.

San Juan 1:9

Te smelelil sacal q'uinal te ya sacubtes q'uinal ta stojol spisil ants-winiquetic yac ta talel ta bahlumilal.

Isaías 24:23

Ya xtsajub yu'un q'uexlal te u, ya xq'uexaw te c'ahc'al te c'alal ya x'och ta ajwalil ta wits Sión, ta Jerusalén te Jehová te scuentahinej spisil, soc te ya xtihl yutsilal ta stojol te mamaletic yu'une.

Apocalipsis 18:1

Patil la jquil co tal ta ch'ulchan yan ch'ul a'bat te tulan ya'tel yich'oj, soc sacub q'uinal ta bahlumilal yu'un te sts'anabule.

San Lucas 2:32

Ha luz te ya sacubtes q'uinal ta stojol jyanlumetic, soc ha yutsilal te Israel te pueblo awu'une, xchi.

Apocalipsis 21:25

Mayuc bin ora ya xmacbot te ochibaletic yu'un ta c'ahc'alel, como mayuc ahc'abal tey a.

San Juan 5:23

scuenta yu'un spisil ya me yich'ic ta muc' te Nich'anil, hich te bin ut'il ya yich'ic ta muc' te Tatile. Te mach'a ma ba ya yich' ta muc' te Nich'anil, ma ba yich'oj ta muc' te Tatil te ticonot tal yu'une.

San Juan 1:18

Mayuc mach'a yiloj te Diose, pero te hip jtuhl Snich'an te jun ay soc te Tatil, ha la yac' ta na'beyel sba.

San Juan 1:14

Te C'opil la yich' sbaq'uetal soc nahin ta cohliltic, nojel ta yutsil-o'tanil soc ta bin smelelil. La jquilbetic yutsilal, hich yutsilal te bin ut'il yutsilal te hip jtuhl Snich'an te Tatile.

San Juan 1:4

Ay cuxlejal ta stojol, soc te cuxlejal ha nix te sacal q'uinal ta stojol ants-winiquetic.

Habacuc 3:3

Ya xloc' tal Dios ta Temán, ya xloc' tal te Ch'ul Dios ta wits Parán. Te yutsilal la snojes te ch'ulchan, noj te bahlumilal ta halbeyel yutsil sc'oblal.

Hechos 22:11

Te bin ut'il ma ba ya quilix q'uinal ta scaj te yip te sacal q'uinale, te mach'atic sjoquinejonic la snitonic bahel ta jc'ab ta Damasco.

San Marcos 8:38

Teme ay mach'a ya xq'uexaw ta jcuenta soc ta scuenta te jc'op ta yohlil te jcaj ts'umbalil ini te ha j'antsiwejetic soc jmulawiletic, ha nix hich te Nich'anil ay ta scuenta winic ya me xq'uexaw yu'un te c'alal ya xtal soc yutsilal te Stat soc te ch'ul a'batetique, xchi.

San Mateo 16:27

como te Nich'anil ay ta scuenta winic ya xtal soc yutsilal te Stat, sjoquinej te ch'ul a'batetic yu'un, hich ya yac'ticlambe stojol sc'ab jujutuhl, ha chican bin yilel ya'telic.

San Juan 17:24

Jtat, te mach'atic awa'beyejon ta jcuenta, ya jc'an te tey nix ya sjoquinonic a ta banti ayon, scuenta yu'un ya yilbonic te cutsilal te awa'beyejon, como stalel c'uxon ta awo'tan te c'alal ma to ayuc a te bahlumilale.

Isaías 2:21

Ya x'ochic ta ch'entiquil soc ta banti jamajtic tontiquil ta scuenta te xi'el te Jehová soc te sts'anabul te smuc'ul yutsilal, te c'alal ya xhahch ya'be castigo te lumq'uinale.

Isaías 2:19

Te ants-winiquetic ya me x'ochic bahel ta ch'entiquil soc ta banti jamajtic te lumq'uinal, ta scuenta te xi'el te Jehová soc te sts'anabul te smuc'ul yutsilal, te c'alal ya xhahch ya'be castigo te lumq'uinale.

Isaías 2:10

¡Ochan bahel ta ch'en, nac'a aba ta lumq'uinal ta stojol te Jehová te xiweltic sba, ta stojol te sts'anabul te smuc'ul yutsilale!

Salmos 84:11

Como ha c'ahc'al soc mahquilal te Jehová Dios; ha ya yac' yutsil-o'tanil soc utsilal. Ma ba ya sloq'uesbe te bin lec te mach'atic mayuc bin smulinejic.

Isaías 30:26

Te sc'ahc'al te u hich ya xc'oht te bin ut'il sc'ahc'al te c'ahc'ale, soc te sc'ahc'al te c'ahc'al huqueb buelta ya xtohy xan yip, hich te bin ut'il sc'ahc'al huqueb c'ahc'al, te bin ora te Jehová ya spoxtaybe yehchen te pueblo yu'un soc te ya spoxtaybe te sc'a'el te a'botic yu'une.

Apocalipsis 5:6

La jquil ta yohlil te muc'ul-huctajibal te joytaybil yu'un te chaneb bintic cuxajtic soc te mamaletic, tey teq'uel a te Jcolel Tuminchij te yich'oj milel yilel; ay huqueb xulub soc huqueb sit, ha te huqueb espírituhetic yu'un Dios ticombilic bahel ta swohlol bahlumilal.

Apocalipsis 7:17

como te Jcolel Tuminchij te ay ta yohlil te muc'ul-huctajibal ha ya scanantay soc ya me stojobteslan bahel ta banti ay sloq'uib ha'etic scuenta cuxlejal. Soc ya me xcusticlambot ya'lel sitic yu'un te Diose, xchi.

Apocalipsis 14:4

Ha'ic te ma ba la sbohlobtes sc'oblalic ta scuenta antsetic, yu'un la stsahtay sbahic. Ha'ic te ya st'unic ta bayuc ya xbaht te Jcolel Tuminchij. Mambil scolelic ta yohlil ants-winiquetic scuenta sba sit ya xc'oht ta stojol Dios soc ta stojol te Jcolel Tuminchij.