Apocalipsis 20:9 - Bible in Tzeltal Bachajón

⁹ Hahchic tal ta sjamalil te bahlumilal soc la sjoytayic te campamento yu'un te mach'atic ch'uhltesbilic soc te muc'ul pueblo te c'ux ta yo'tan Dios. Pero tal c'ahc' ta ch'ulchan, jc'axel la slajinlan.

Nuevo Testamento Tzeltal de Amatenango

⁹ Jich moik bael ta ba sjoylejal te balmilale. Y la sjoyik te ba stsoboj sbaik te machꞌatik yuꞌun te Diose, y sok te mukꞌul jtejklum te kꞌux ta yoꞌtan stukele. Pero aꞌbot tal koel kꞌajkꞌ ta chꞌulchan yuꞌun te Diose, y laj ta kꞌajkꞌel ta spisil.

Bible in Tzeltal de Oxchuc y Tenejapa

⁹ Jich talic ta bay sjoylejal te balumilale. Tal sjoytayic ta bay ayic te mach'atic ch'ul lum yu'un te Diose soc te muc'ul lum yu'un te c'ux ta yo'tane. Ja'uc me to, Dios la yac' coel tel c'ajc' ta ch'ulchan. Jich jc'axel lajic ta c'ajq'uel ta spisilic.

Apocalipsis 20:9 Referans Kwoze

Ezequiel 38:16

ya xmohat tal ta scontrahinel te pueblo Israel cu'un hich te bin ut'il tocal te ya smac te q'uinale. C'alal ya sts'acay te sc'ahc'alel, ya quic'at tal ta jq'uinal scuenta yu'un ya me sna'bonic jba te nacionetic te c'alal ha'at ta acuenta, Gog, ya cac' ta ilel ta stojolic te Ch'ul Dioson.

Ezequiel 39:6

Ya jticon bahel c'ahc' ta stojol Magog soc ta stojol te mach'atic jun yo'tanic nahinemic ta ti'ti'mar. Hich me ya sna'ic a te ho'on Jehovahon.

Ezequiel 38:22

Ya ca'be castigo te Gog ta jmilawal-chamel soc malel ch'ich'; ya cac' tulan ha'al te ay yic'al, ay bat, c'ahc' soc azufre ta stojol Gog, ta stojol te soldadohetic yu'un soc te bayel pueblohetic te sjoquineje.

Ezequiel 38:9

Ya xmohat bahel hich te bin ut'il ic'al-ha'al; hich te bin ut'il tocal te ya smac te q'uinal ya xc'ohat soc spisil te soldadohetic awu'un, soc te bayel pueblohetic sjoquinejat.

2 Tesalonicenses 1:8

yu'un ya ya'be castigo te mach'atic ma ba la sna'beyic sba te Dios soc ma ba ya sch'uhunic spasel te lec yach'il c'op yu'un te Cajwaltic Jesucristo.

Salmos 106:18

Tihl c'ahc' ta stojol ta mach'atic la st'unic; laj ta chiq'uel te mach'atic chopolique.

Salmos 97:3

Ya xnahilij bahel c'ahc' ta stojol te ya schic' te scontratac te ayic ta sjoyobal.

Apocalipsis 13:13

Soc ya spas muc'ul señahiletic, ya yac' cohuc tal c'ahc' ta ch'ulchan q'uelel sit ants-winiquetic a.

Apocalipsis 11:5

Teme ay mach'a ya sc'an ya yuts'inlan, ya xloc' c'ahc' ta yehic, hich ya slajinic a te scontrahique. Hich me ya xlaj a te mach'a ya sc'an ya yuts'inlan.

San Lucas 17:29

Pero te bin c'ahc'alil loc' ta Sodoma te Lot, co tal c'ahc' soc azufre ta ch'ulchan, la slajin spisilic.

San Lucas 9:54

C'alal hich la yilic te cheb jnopojeletic yu'un, ha te Jacobo soc te Juan, hich la yalic: Cajwal, ¿ya bal ac'an te ya jc'ancotic tal c'ahc' ta ch'ulchan, hich te bin ut'il la spas te Elías, scuenta yu'un ya xlajinotic yu'un? xchihic.

Isaías 37:36

Hich te ch'ul a'bat yu'un Jehová baht smil oxeb scha'winic ta pic soc lajunwinic yoxbahc' (185,000) ta tuhl ta scampamento te asiriahetique. C'alal hahchic ta sab, tey ayic a spisil te chamen-baq'uetetic.

Números 16:35

Soc loc' tal c'ahc' ta stojol Jehová, la smil te lajuneb yoxlajunwinic (250) ta tuhl winiquetic te la yaq'uic te pome.

Números 11:1

Te pueblo hahch ta tulan c'op ta stojol Jehová. La ya'iy te Jehová, bayel ilin yu'un. Hich tihl c'ahc' yu'un Jehová ta yohlilic te la slajin te jun sti'il te campamento.

Hebreos 13:13

Ha yu'un ac'a loc'ucotic bahel ta stahel ta sti'il te campamento, pajal ac'a cuhchuc cu'untic te p'ajel yu'une,

Habacuc 1:6

Como ya jach te caldeohetic, jun nación te bayel ya x'uts'inwan soc ora ya suj sba, te ya xbehen ta sjamalil te q'uinal yu'un ya yu'untay q'uinaletic te ma yu'unuc.

Miqueas 2:13

Te mach'a ya sjam te be ya xnahilij bahel yu'unic; ya sjamic bahel te be, ya xc'axic ta yochibal, tey ya xloq'uic bahel a. ¡Ha ya xnahilij bahel te ajwalil yu'unic, soc ha jolal yu'unic te Jehová!

Isaías 30:33

Como ayix c'ahc'al chapal te Tofet, chapalix yu'un te ajwalile. Jamal soc c'ubul la yich' pasel te yawil c'ahc' yu'un, soc bayel c'ahc' soc si'. Te yic'al Jehová ya schic' te si' hich te bin ut'il bayel azufre te ya xmal bahel.

2 Reyes 6:15

Te a'bat yu'un te winic yu'un Dios hahch ta sab soc loc' bahel. C'alal la yil te soldadohetic, te jmoheletic ta cawu soc te carretahetic te sjoytayejic te pueblo, la yalbe te Eliseo: ¡Ay, cajwal! ¿bin ya jpastic? xchi.

Génesis 19:24

Hich te Jehová la yac' tal ta ch'ulchan azufre soc c'ahc' ta stojol Sodoma soc Gomorra.

San Lucas 21:20

Pero te c'alal yac awilic te joytaybilix yu'un soldadohetic te Jerusalén, na'ahic me te la stahix yorahil te ya yich' jinel.

San Lucas 19:43

Ya me sta yorahil te ya xtalat ta joytayel yu'un acontrahic, buen macbil ta bayuc ya xc'ohat yu'unic;

Deuteronomio 23:14

Como te Jehová te Dios awu'un ya xbehen ta yohlil te acampamento yu'un ya scoltayat soc ya ya'bat ta ac'ab te acontratac; ha scuentahil te ya sc'an ch'ultesbil te campamento awu'un, scuenta yu'un ma ba ya yil tey a te bin ma lecuc, te hich ya yihquitayat hilel.

Salmos 87:2

Te Jehová c'ux ta yo'tan te puertahetic yu'un Sión, c'ax hich a te bin ut'il spisil nahetic yu'un Jacob.

Job 38:18

¿Ana'oj bal te bin smuc'ul sjamalil te q'uinale? ¡Hala, teme ana'oj spisil ini!