Apocalipsis 20:2 - Bible in Tzeltal Bachajón

² La stsac te dragón, te antiguo chan, ha te pucuj o Satanás, la schuc lajunwinic yoxbahc' (1,000) ha'bil.

Nuevo Testamento Tzeltal de Amatenango

² Te ángel to la stsak te chanbalam te xiꞌbentik sbae, jaꞌ te antibo chan te pukuj sok Satanas sbiile, y la xchuk ta kadena jmil jaꞌbil.

Bible in Tzeltal de Oxchuc y Tenejapa

² Te ch'ul abate la stsac te muc'ul chan te xiweltic sba ta ilele, te ja' te namey q'uinal chan te pucuj soc Satanás xi' te sbiile. Te ch'ul abate la xchuc ta cadena jmil (1,000) ja'wil.

Apocalipsis 20:2 Referans Kwoze

2 Pedro 2:4

Dios ma ba la spasbe perdón te ch'ul a'batetic te la sta smulic, la sch'ojticlan bahel ta infierno, la yac'ticlan ta chuquel ta yihc'al q'uinal te banti ya smahliyic ich'el ta c'op.

Apocalipsis 12:9

La yich' ch'ojel cohel te muc'ul dragón, ha te antiguo chan, te Pucuj soc Satanás sbihil, ha te ya slo'loy spisil te bahlumilale. Ch'ojot cohel ta bahlumilal soc te a'batetic yu'une.

Judas 1:6

Ha nix hich te ch'ul a'batetic te ma ba la scanantayic te ya'tel yich'ojic, la yihquitayic hilel te yawilic, ha q'uejbilic yu'un Dios ta yihc'al q'uinal, stalel chuculic ha to ta yorahil ich'el ta c'op ta smuc'ul c'ahc'alel.

San Juan 12:31

La stahix yorahil te ya x'och ta ich'el ta c'op te mach'atic ayic ta bahlumilal; la stahix yorahil te ya yich' loq'uesel te principal yu'un te bahlumilal ini.

Isaías 27:1

Ta hich ora te Jehová ya me ya'be castigo ta espada yu'un te ha muc' soc te ay yip, ya me ya'be castigo te Leviatán, te chan te ya x'ahn bahel, te Leviatán, te chan te xotoj sba, ya me smil te dragón te ay ta mar.

Génesis 3:15

Soc ya cac' te contra yac awil aba soc te antse, soc te ats'umbal contra ya yil sba soc te sts'umbale; ha ya yehchentesbat ajol, yan te ha'ate yit nax yoc yac awehchentesbe stuquel, xchi sc'oblal.

1 Pedro 5:8

P'ijanic me soc wic'sitaya me abahic, como te acontrahic, ha te pucuj, bayuc yac ta behel, hich te bin ut'il choj, ta slehel mach'a ya slajin.

Hebreos 2:14

Te bin ut'il ch'ich'-baq'uet te al-nich'anetic, ha nix hich la yac' sba te Jesús scuenta yu'un, ta scuenta te laj stuquel, tey ya slajin a te mach'a scuentahinej te lajele, ha te pucuje,

Romanos 16:20

Te Dios yu'un lamal q'uinal nopolix ya ya'beyex ats'o'ic ta teq'uel te Satanás. Ac'a sjoquinex te yutsil yo'tan te Cajwaltic Jesucristo.

San Juan 16:11

soc ya ya'be sna'ic bin ut'il ay sc'oblal schahpanel mulil, como chahpambilix te principal yu'un te bahlumilale.

Apocalipsis 13:2

Te chambahlam te xiweltic sba la jquil sjel ta ti'awal c'an bo'olay choj, sjel ta yoc oso te yoc soc sjel ta ye choj te yehe. Te dragón la ya'be yich' yu'el, te smuc'ul-huctajib soc te tulan ya'tele.

Apocalipsis 12:17

Te dragón bayel ilin yu'un ta stojol te antse, hich baht ya'be guerra te jayeb xan sts'umbal te antse, ha te mach'atic ya sch'uhumbeyic te smandar Dios soc te yich'ojic te testigo-c'op yu'un te Jesucristo.

Apocalipsis 12:15

Te chan la smal loq'uel ha' ta ye hich te bin ut'il muc'ul-ha', ta banti baht te ants, yu'un yacuc xbaht ta ehanel ta ha'.

Apocalipsis 12:13

C'alal la yil te dragón te ch'ojotix cohel ta bahlumilal, hahch snuts te ants te la yayintes te squerem-al.

San Marcos 5:7

Tulan c'opoj, hich la yal: ¿Bin awochelon a, Jesús, Snich'anat Dios te mero toyol ay? ¡Hala ta jamal ta stojol Dios te ma ba yac awuts'inon! xchi,

San Mateo 8:29

Hich la yawtayic te Jesús: ¿Bin awochelotcotic a, Jesús Snich'anat Dios? ¿Tal bal awac'otcotic ta wocol te ma to ba stahoj yorahil? xchihic ta aw.

Job 1:7

Hich joc'obot yu'un Jehová te Satanás: ¿Banti talat? xchi sc'oblal. Te Satanás la sjac'be te Jehová: Ayon ta behel ta yocliyel swohlol te bahlumilale, xchi.

Apocalipsis 13:4

La sch'uhuntayic te dragón te la ya'be yich' ya'tel te chambahlam te xiweltic sba, soc la sch'uhuntayic te chambahlam te xiweltic sba, hich la yalic: ¿Mach'a a te pajal soc te chambahlam te xiweltic sba, soc mach'a ya xhu' ya ya'be guerra? xchihic.

Apocalipsis 9:11

Ha yajawic te jcanan-xahab, Abadón sbihil ta hebreo, Apolión sbihil ta griego.

San Mateo 19:29

Mach'ayuc a te yihquitayej hilel sna, sbanquiltac, swixitac, yihts'inab, stat, snan, yihnam, yal-snich'nab o sq'uinal ta scuenta te jbihile, ho'winic (100) xan buelta ya x'a'bot, soc ya me yich' scuxlejalic sbahtel q'uinal.

Génesis 3:1

Te chan ha bayel xan sp'ijil yu'un lo'loywanej a te bin ut'il spisil yantic chambahlametic ta q'uinal te pasticlambil yu'un Dios. Hich la yalbe te antse: ¿Hich bal la yalbat te Diose: Ma me xalo'be sit spisil te te'etic ayic ta ts'umbil q'uinal, xchi bal te Diose? xchi.

Isaías 24:22

Ya me yich'ic tsobel hich te bin ut'il ya yich'ic tsobel te jchuqueletic ta hotbil ch'en; tey macal ya xhilic a; c'alal c'axix bayel c'ahc'al a, ya me yich'ic castigo.

San Marcos 4:15

Te ts'unubil te c'oht ta ti'be ha te mach'atic la yich'ic ts'unel ta yo'tanic te c'ope, pero c'alal ya ya'iyic, ora ya xtal te Satanás, ya sloq'uesbe ta yo'tanic te c'op ts'umbil tey a.

Apocalipsis 12:3

Ay yan seña chicnaj ta ch'ulchan: jun tsajal dragón te ay huqueb sjol soc lajuneb xulub, soc jujun corona ta jujun sjol.

Apocalipsis 12:4

Jun ta yoxeht'el te eq'uetic ta ch'ulchan la swes cohel ta sne, la sch'oj cohel ta bahlumilal. Te dragón la stehc'an sba ta sit te ants ya x'ayinix yal, yu'un te c'alal ya x'ayin nax a te yale, ya sbic'be.

Apocalipsis 20:7

Te c'alal ya sts'acay te lajunwinic yoxbahc' (1,000) ha'bil, ya xcoltayot loq'uel ta chuquel te Satanás,

Apocalipsis 20:10

Soc te pucuj, te lo'loyotic yu'un, ch'ojot ochel ta banti yac ta tihlel pamal c'ahc' soc azufre, te banti ay te chambahlam te xiweltic sba soc te lotil jalwanej; c'ahc'al ahc'abal ya xc'ax swocolic sbahtel q'uinal tey a.

Ezequiel 47:5

La scha'p'is xan ohlil yoxbahc' (1,000) xuhc'ubil, muc'ul-ha'ix c'oht, ma ba hu'ix jc'axel a, como noj mohel te ha' te ma xhu' c'axel a, ha nax ta nuxel.