Apocalipsis 20:13 - Bible in Tzeltal Bachajón

¹³ Te mar la yac' loc'uc tal te mach'atic lajemic tey a, soc te lajel soc te stsobojibal mach'atic chamenic la yaq'uic loq'uel tal te mach'atic ayic tey a. Tuhlutuhl ochic ta ich'el ta c'op, ha chican bin la spasic.

Nuevo Testamento Tzeltal de Amatenango

¹³ Te mare la yakꞌ entregal te machꞌatik te chamenik aye. Te lajele y sok te yawil animaetike la yakꞌ entregal te machꞌatik teꞌeyik aye. Y spisilik a ichꞌtalanot jkuenta ta juju-tul, chikan te tut spasojike.

Bible in Tzeltal de Oxchuc y Tenejapa

¹³ Te mare la yac' loc'uc tel te animaetic te tey lajemic a. Te lajele soc te stsobjibal animaetique la yaq'uic loq'uel tel uuc te mach'atic ay yu'unic tey a. Spisilic la yich' alel te yat'elique, chican te bi yilel te bila spasojic ta juju-jtule.

Apocalipsis 20:13 Referans Kwoze

Apocalipsis 6:8

Hich la jquil ay jcoht c'anal cawu. Te mach'a cajal tey a, Lajel te sbihile, ha t'umbil yu'un te Yawil mach'atic chamenic. A'bot ta scuenta jun ta schanxeht'el te bahlumilal yu'un ya smil ta espada, ta wi'nal, ta tulan chamel soc ta ti'awal chambahlametic.

Oseas 13:14

Ya cac' ta libre ta sc'ab te stsobojibal mach'atic chamenic, ya jcoltay loq'uel ta lajel. Ho'on, jlajinwanejon awu'un, lajel; ho'on, jinawalon awu'un, stsobojibal mach'atic chamenic. Ma ba ya jna'be yo'bolil sbahic.

Apocalipsis 20:14

Te lajel soc te stsobojibal mach'atic chamenic ch'ojotic ochel ta banti yac ta tihlel pamal c'ahc'. Ha schebal buelta lajel abi.

Apocalipsis 20:12

Soc la jquil te mach'atic chamenic, muc' biq'uitetic, tec'ajtic ta stojol te muc'ul-huctajibal. La yich' jamel te librohetic, soc ay yan libro la yich' jamel, ha te libro scuenta cuxlejal. La yich'ic ich'el ta c'op te mach'atic chamenic, ha chican te bintic ts'ihbalambil ta hunetic, ha chican bin la spasic.

Isaías 26:19

Pero ya xcuxajic te mach'atic chamenic awu'un; ya xcha'cuxajic te schamen baq'uetalique. ¡Hahchanic, c'ayojinanic, ha'ex te nahinemex ta ts'ubilum! como te ats'ujulel pajal soc te ts'ujul ta sahb; soc te q'uinal ya yac' loq'uel te mach'atic chamenic tey a.

Apocalipsis 1:18

te mach'a cuxul. Lajon, pero cuxulonix sbahtel q'uinal. Quich'oj te llave yu'un lajel soc yu'un te yawil mach'atic chamenic.

San Mateo 11:23

Soc ha'at, Capernaum, te awich'oj tohytesel c'alal ta ch'ulchan, ya me awich' ch'ojel bahel c'alal ta stsobojibal mach'atic chamenic. Te teyuc la yich' pasel ta Sodoma te jchahp a'teliletic te la yich' pasel ta atojol, cuxul c'alal ora te hichuque.

San Mateo 16:27

como te Nich'anil ay ta scuenta winic ya xtal soc yutsilal te Stat, sjoquinej te ch'ul a'batetic yu'un, hich ya yac'ticlambe stojol sc'ab jujutuhl, ha chican bin yilel ya'telic.

1 Corintios 15:26

Te slajibal jcontrahinwanej te ya yich' lajinel, ha te lajele,

Apocalipsis 2:23

Ya cac' lajuc te yalatac, hich spisil te iglesiahetic ya me sna'ic te ho'on ya jtsahtay te snopojibal yu'unic soc te bin ay ta yo'tanic. Ho'on ya ca'beyex jujutuhl ha chican bin yilel te awa'telique.

Apocalipsis 21:4

Ya me xcusticlambot ya'lel sitic yu'un te Diose; mayuquix lajel, mel-o'tan, oq'uel o te bin c'ux, como c'axix spisil te bintic ay ta nahil to, xchi.