Apocalipsis 20:11 - Bible in Tzeltal Bachajón

¹¹ La jquil muc'ul saquil huctajibal soc te mach'a hucul tey a; ahn bahel te ch'ulchan soc bahlumilal ta stojol, ma ba weht banti ya x'ayinic.

Nuevo Testamento Tzeltal de Amatenango

¹¹ La kil jun mam mukꞌul sakil naktajibal, y te machꞌa teꞌ nakal aye. Ta sit lokꞌ bael ta anel ta stojol te chꞌulchan sok te balmilale, y ni maꞌ ba staikix sluwarik a.

Bible in Tzeltal de Oxchuc y Tenejapa

¹¹ La quil ay mero muc'ul saquil nactijibal te ay mach'a nacal tey a. Loc' bael ta anel ta stojol te ch'ulchan balumilale, ma ba wejt' xan yawilic ta banti ya x'ainique.

Apocalipsis 20:11 Referans Kwoze

Apocalipsis 21:1

La jquil yach'il ch'ulchan soc yach'il bahlumilal, como c'axix te ch'ulchan soc te bahlumilal te ay ta nahil to, soc mayuquix mar.

2 Pedro 3:7

Yan te ch'ulchan soc bahlumilal te ay ta ora ini, ha nix ta scuenta te sc'op Dios quechel te ya xlajic ta c'ahc', ha quechelic yu'un te yorahil ich'el ta c'op soc sjinel te chopol ants-winiquetique.

San Mateo 25:31

C'alal ya xtal soc yutsilal te Nich'anil ay ta scuenta winic soc spisil te ch'ul a'batetic, ya shuhcan sba ta smuc'ul-huctajib ta utsilal,

Daniel 2:35

La yich'ic wuyticlanel te hierro, chic'bil lum, bronce, plata soc te oro, hich c'oht te bin ut'il suhlil trigo ta swuyojibal ta yorahil snahtil c'ahc'al, jc'axel lichot bahel ta ic', mayuc bin chican hilel. Pero te ton te la smaj te loc'omba c'atp'uj ta muc'ul wits te la snojes spisil te bahlumilale.

Romanos 2:5

Pero ta scaj te tonoben awo'tan soc te ma ba suhtem awo'tan, ha'at nix yac atsobel ilimba ta yorahil ya xchicnaj te ilimba soc te stojil chahpanel yu'un Dios,

San Mateo 24:35

Ya xlaj ch'ulchan soc bahlumilal, pero ma ba ya xlaj stuquel te jc'ope.

Apocalipsis 16:20

Ahn bahel spisil te q'uinal joytaybilic ta ha', soc ma chicanuc banti baht te witsetique.

Apocalipsis 6:14

Te ch'ulchan ch'ay bahel hich te bin ut'il ya yich' balel hun, soc jeltaybot yawilic spisil witsiltic soc te q'uinaletic joytaybilic ta ha'.

Apocalipsis 20:2

La stsac te dragón, te antiguo chan, ha te pucuj o Satanás, la schuc lajunwinic yoxbahc' (1,000) ha'bil.

Apocalipsis 12:8

pero ma ba hu' yu'unic, soc mayuquix lugar yu'unic ta ch'ulchan.

Salmos 97:2

Ha joytaybil yu'un tocaletic soc yihc'al q'uinal; te bin toj ta pasel soc te stojil chahpanel ha yich'o-ip te smuc'ul-huctajibe.

Salmos 89:14

Ha yich'o-ip te amuc'ul-huctajib te bin toj ta pasel soc te stojil chahpanel; te c'uxul-o'tanil soc te bin smelelil ya xnahilijic bahel ta atojol.

Salmos 47:8

Te Dios ay ta ajwalil yu'un te nacionetic; te Dios hucul ta ch'ul smuc'ul-huctajib.

Apocalipsis 4:2

Ora la scuentahinon te Espíritu, la jquil ay muc'ul-huctajibal ta ch'ulchan soc ay Mach'a hucul tey a.

Job 9:6

Ha ya sloq'ues te bahlumilal ta yawil, soc ya ya'be snihc sba te yich'o-ip.

Apocalipsis 19:11

La jquil jamal te ch'ulchan, soc ay saquil cawu. Te mach'a cajal tey a, ha Stalel Jun Yo'tan soc Smelelil, xchi te sbihile; stojil ya x'ich'awan ta c'op soc ya yac' guerra.

Génesis 18:25

Ma hichuc ay ta pasel awu'un te pajal yac awac' lajuc soc te mach'a chopol yo'tan te mach'a toj yo'tan, te pajal bin ya xc'oht ta stojol te mach'a toj yo'tan soc te mach'a chopol yo'tan. ¡Mayuc bin ora te hich yac apas! Te Jchahpanwanej yu'un swohlol te bahlumilal ¿ma bal ha'uc ya spas te bin toj ta pasele? xchi.

Salmos 102:26

Ya xlajic stuquelic, yan te ha'ate atalel ayat; ta spisilic ya xpoco'ub hich te bin ut'il c'u'ul; yac ajeltay hich te bin ut'il c'u'ul, hich ya xhil awu'un.

Isaías 6:1

Ta ha'bil te cham te ajwalil Uzías, la jquil ta jnahalsit te Cajwaltic hucul ta huctajibal te toyol soc toybil sc'oblal, soc noj te templo ta sti'il snahtil-c'u'.

Daniel 7:10

Ay muc'ul-ha' yu'un c'ahc' yac ta oc loq'uel tal ta stojol; bayel ta mil ta mil ta tuhl ya yac' sbahic ta a'batinel yu'un, soc bayel ta millón ta millón tec'ajtic ta stojol. La shuhcan sba te Jchahpanwanej, soc la yich' jamticlanel te librohetique.

San Mateo 11:22

Ha yu'un ya calbeyex te ta yorahil ich'el ta c'op ha peq'uel castigo ya yich' te Tiro soc te Sidón te bin ut'il ya yich' te Corazín soc te Betsaida.

Apocalipsis 21:5

Hich la yal te mach'a hucul ta muc'ul-huctajibal: Ya jpas ta yach'il spisil, xchi. Soc hich la yalbon: Ts'ihbaya ini, como te c'op ini ay ta ich'el ta cuenta soc smelelil, xchi.