Apocalipsis 19:14 - Bible in Tzeltal Bachajón

¹⁴ T'umbil yu'un te soldadohetic ta ch'ulchan, cajajtic ta saquil cawuhetic soc slapojic lequil lino-pac' te buen sac soc mayuc yabaquil.

Nuevo Testamento Tzeltal de Amatenango

¹⁴ Tsꞌaklibil yuꞌun bayal soltaroetik te ay ta chꞌulchane. Slapojik lino pak te ben fino sok te limpio aye, y moemik ta sakil kawuetik.

Bible in Tzeltal de Oxchuc y Tenejapa

¹⁴ Ts'aclinot yu'un tsobol soldadoetic te ayic ta ch'ulchan. Slapojic lequil lino-pac' te buen saque, soc cajalic ta saquil caballoetic.

Apocalipsis 19:14 Referans Kwoze

Apocalipsis 19:8

A'botix slap lequil lino-pac' te buen xlipet sacal soc mayuc yabaquil, xchihic. (Te lino-pac', ha seña te stojil ya'telic te mach'atic ch'ultesbilique.)

Judas 1:14

Te Enoc, te shuc-cajal patil al-nich'an yu'un te Adán, hich nix la yalbe sc'oblalic ta sc'op-jalwanej: Ilawil, talix te Cajwaltic soc tsobol ta mil ta mil te mach'atic yu'un te ch'uhltesbilic,

Apocalipsis 7:9

Patil la jquil c'ax tsobolic, mayuc mach'a ya xhu' ya yahtay, talemic ta spisil ta chahp nacionetic, ts'umbaliletic, pueblohetic soc c'opiletic; tec'ajtic ta stojol te muc'ul-huctajibal soc ta stojol te Jcolel Tuminchij, slapojic sac sc'u' spaq'uic soc stuchticlanejic xahn ta sc'abic.

Apocalipsis 17:14

Ya me ya'beyic guerra te Jcolel Tuminchij, pero ya me xtsalotic yu'un, como ha principal yu'un principaletic soc ha Ajwalil yu'un ajwaliletic; soc te mach'atic sjoquinejic, ha'ic te mach'atic ic'bilic, tsahbilic soc te jun yo'tanic ta stojol, xchi.

San Mateo 28:3

Hich yilel te bin ut'il tsantsehwal, soc sac sc'u' spac' hich te bin ut'il me'sic.

Apocalipsis 19:11

La jquil jamal te ch'ulchan, soc ay saquil cawu. Te mach'a cajal tey a, ha Stalel Jun Yo'tan soc Smelelil, xchi te sbihile; stojil ya x'ich'awan ta c'op soc ya yac' guerra.

Apocalipsis 4:4

Ta sjoyobal te muc'ul-huctajibal ay chaneb scha'winic (24) muc'ul huctajibaletic soc ay chaneb scha'winic (24) ta tuhl mamaletic huhcajtic tey a, slapojic sac sc'u' spaq'uic soc ay ta sjolic coronahetic pasbilic ta oro.

Apocalipsis 3:4

Pero ay cha'oxtuhlic ta Sardis te ma ba ya'beyej yatin abac sc'u' spaq'uic, slapojic sac sc'u' spaq'uic a ya me sjoquinonic ta behel, como hich ya sc'an ta stojolic.

Zacarías 14:5

Ya me x'ahnex bahel ta spamlej yu'un te witsiltique, como te spamlej yu'un te witsiltic ya xc'oht c'alal ta Azal. Hich ya x'ahnex bahel te bin ut'il ahnex bahel ta scaj te nihquel ta yorahil Uzías, ajwalil yu'un Judá. Soc ya xtal te Jehová te Dios cu'un, sjoquinejix tal spisil te mach'atic ch'ultesbilique.

Apocalipsis 14:20

La yich' p'e'el ta sp'e'ojibal ts'usub ta spat te muc'ul pueblo, oquin loq'uel tal ch'ich' tey a, tohy mohel c'alal ta freno yu'un te cawuhetic, chanbahc' (1,600) estadiohetic oquin bahel.

Apocalipsis 14:1

Patil la jquil teq'uel ta wits Sión te Jcolel Tuminchij, joquimbil yu'un waxaclajunpic (144,000) ta tuhl te ts'ihbalambil ta sti'bahic te sbihil soc te sbihil te State.

2 Tesalonicenses 1:7

soc te ha'ex te ay awocolic ya ya'beyex acux awo'tanic soc ho'otcotic te c'alal ya xchicnaj cohel tal ta ch'ulchan ta yohlil yat c'ahc' te Cajwaltic Jesús soc te ch'ul a'batetic yu'un te ay yipic,

San Mateo 26:53

¿Yu'un bal ma xana' te ya xhu' ya jc'opon te Jtat te ora ya ya'bon talel c'axem ta lahchaychahp ch'ul a'batetic te hichuque?

Salmos 68:17

Te carretahetic yu'un Dios c'ax bayel ta mil; te Cajwal loc' tal ta Sinaí, hul ta templo yu'un.

Proverbios 31:22

Ya spas sehnil swayib, ha sc'u'inej lino fino soc chi'in-yaxal pac'.

San Mateo 21:5

Halbeyahic te yantsil-nich'an Sión: Yac ta talel ta atojolic te Ajwalil awu'unic, ha manso soc cajal ta burra, cajal ta yal burra, ha yal j'ihcatsijel chambahlam, te xchihe.

Isaías 3:23

te espejohetic soc lequil paq'uetic, te spohtsil sjolic soc te schuhquilique.