Apocalipsis 19:11 - Bible in Tzeltal Bachajón

¹¹ La jquil jamal te ch'ulchan, soc ay saquil cawu. Te mach'a cajal tey a, ha Stalel Jun Yo'tan soc Smelelil, xchi te sbihile; stojil ya x'ich'awan ta c'op soc ya yac' guerra.

Nuevo Testamento Tzeltal de Amatenango

¹¹ La kil jamal te chꞌulchane, y teꞌ chiknaj jkojt sakil kawu a. Y te machꞌa moem aye: “Jun Yoꞌtan” y “Batsꞌi Jich” te sbiile. Porke ta stojil ya spasawan ta mantal y ya xjuꞌ yuꞌun tsalaw.

Bible in Tzeltal de Oxchuc y Tenejapa

¹¹ Soc la quil jamal te ch'ulchane. Chicnaj cojt' saquil caballo. Te mach'a cajal ta spate “Jun yo'tan”, soc “Smelelil”, xi' te sbiile. Yu'un toj ya yaiy chajbanwanej soc toj ya yaiy tsalaw.

Apocalipsis 19:11 Referans Kwoze

Salmos 96:13

ta stojol Jehová, como ya xtal, ya xtal ta schahpanel te bahlumilale. Stojil me ya schahpan te bahlumilal soc te pueblohetic ta scuenta smelelil.

Apocalipsis 6:2

Hich la jquil ay jcoht saquil cawu. Te mach'a cajal tey a yich'oj st'ihmalte' soc a'bot scorona, ha jtsalawal te loc' bahel ta ya'iyel tsalaw.

Salmos 98:9

ta stojol te Jehová, yu'un ya xtal schahpan te bahlumilale. Stojil me ya schahpan te bahlumilal, pajal me ya schahpan te pueblohetique.

Apocalipsis 3:14

Ts'ihbabeya te ch'ul a'bat yu'un te iglesia ta Laodicea: Hich ya yal te mach'a Hichuc, ha te testigo te stalel jun yo'tan soc te melel, te shahchibal te bintic pasticlambil yu'un Dios:

Salmos 50:6

¡Te ch'ulchan ya me yal ta jamal te toj bin ya spas, como ha jchahpanwanej te Diose! Selah

Jeremías 33:15

Ta hich sc'ahc'alel soc ta hich ora ya cac' puhlinuc ta stojol David te Spuhl te toj yo'tan, te stojil ya schahpanwan soc toj bin ya spas ta q'uinal.

Isaías 32:1

Ilawil, ay jtuhl ajwalil te toj ya xcuentahinwan soc príncipaletic te toj ya xchahpanwanic.

Apocalipsis 4:1

Patil la jquil, ay jamal ti'nahil ta ch'ulchan. Te c'op la jca'iy ta nahil te sjel ta yoq'uel corneta, hich la yal: Mohan tal li'i, ya ca'bat awil bintic ya xc'oht ta pasel ta patil, xchi.

Apocalipsis 3:7

Ts'ihbabeya te ch'ul a'bat yu'un te iglesia ta Filadelfia: Hich ya yal te Mach'a ch'ultesbil, te smelelil c'op, te yich'oj te llave yu'un David, te mach'a ya sjam, te mayuc mach'a ya xhu' ya smac, soc te ya smac, te mayuc mach'a ya xhu' ya sjam:

Isaías 45:21

C'opojanic, ac'a ta ilel pruebahetic, ac'a snopic ta comon. ¿Mach'a la yal ini c'alal ta shahchibal? ¿Mach'a la yalbe sc'oblal ta namey? ¿Ma bal ho'ucon, Jehovahon? Mayuc yan Dios ta jtojol, ha Dios te toj soc te ya xcoltaywan, mayuc yan ta jtojol.

Apocalipsis 1:5

soc yu'un te Jesucristo, te testigo te stalel jun yo'tan, te ba-nich'anil te cha'cuxaj tal ta yohlil mach'atic chamenic soc te ha jcuentahinwanej yu'un te ajwaliletic ayic ta bahlumilal. Ayuc me yutsilal soc yu'el sbahtel q'uinal te mach'a la sc'uxultayotic soc te la yac'otic ta libre yu'un te jmultic ta scuenta sch'ich'el,

Salmos 99:4

Ha'at ajwalilat te ay awu'el te c'ux ta awo'tan te bin toj ta pasel; ha'at la achahpan te pajal ay ta c'uxultayel spisilic; yac apas ta stojol Jacob te bin stojil soc te bin lec.

San Juan 14:6

La yal te Jesús: Ho'on te behon, ho'on te smelelil-c'opon, soc ho'on te cuxlejalon; mayuc mach'a ya xtal ta stojol te Tatil teme ma ha'ucon ta jcuenta.

Ezequiel 1:1

Ta yo'ebal c'ahc'al ta schanebal u, ta slajunebal scha'winic (30) ha'bil te ayon ta yohlil te mach'atic ayic ta chuquel, ayon ta ti' muc'ul-ha' Quebar a, la sjam sba te ch'ulchan, la jquil nahalsitetic yu'un Dios.

Apocalipsis 11:19

Jahm te templo yu'un Dios te ay ta ch'ulchan, chican ta yutil te templo te scaxahul te chapbil-c'op. Xliplajan tsantsehwaletic, xjuyet hahchel c'opetic, stsanlajan ta t'ohmel chahwuc, xyuq'uinaj nihquel, soc co tal niwac bat.

Zacarías 1:8

La jquil nahalsitil ta ahc'abal: la jquil jtuhl winic cajal ta tsajal cawu, ay ta yohlil bic'tal te'etic ta jun sjuclej, ta spat ay cawuhetic te tsaj, ihc' ta tsaj, soc sac.

Éxodo 15:3

Te Jehová ha te mach'a ya yac' guerra; ha Jehová te sbihile.

San Juan 1:51

Soc hich la yal xan te Jesús: Tulan sc'oblal ya calbeyex, ya me awilic jamal te ch'ulchan, soc te ch'ul a'batetic yu'un Dios yacalic ta mohel soc cohel ta stojol te Nich'anil ay ta scuenta winic, xchi.

Apocalipsis 19:19

La jquil te chambahlam te xiweltic sba soc te ajwaliletic ayic ta bahlumilal soc spisil te soldadohetic yu'unic, stsoboj sbahic yu'un ya ya'beyic guerra te mach'a cajal ta cawu soc te soldadohetic yu'une.

Apocalipsis 19:21

Te jayeb xan hilic, lajic ta milel ta espada te yac ta loq'uel ta ye te mach'a cajal ta cawu; soc spisil te mutetic noj sch'uhtic yu'un sti'beyel sbaq'uetalic.