Apocalipsis 19:10 - Bible in Tzeltal Bachajón

¹⁰ La jpahcan jba ta ye'tal yoc yu'un ya jch'uhuntay, pero la yalbon: ¡Ma me hichuc xapas! Pajal ayotic ta a'batinel soc nix te awermanotac te ay ta yo'tanic te testigo-c'op yu'un te Jesús. Ch'uhuntaya te Diose, xchi. (Te testigo-c'op yu'un Jesús ha te espíritu yu'un te sc'op-jalwanej.)

Nuevo Testamento Tzeltal de Amatenango

¹⁰ La jkejan jba ta yok te ángele, yuꞌun ya kichꞌ ta mukꞌ. Pero te ángele la yalbon: —Ma xꞌapas jich. Yuꞌun te joꞌone yaj-aꞌtelon euk te Diose, jich mismo te tutꞌil jaꞌate y sok te awermanotak te sigue jun yoꞌtanik ta yalel ta jamal te skꞌoplal Jesuse. Jaꞌ me xꞌawichꞌ ta mukꞌ te Diose —xchi. Yuꞌun te skꞌoplal te Jesuse jaꞌ ya xꞌalbot ta yoꞌtanik te machꞌatik jꞌalwanejetik yuꞌun te Diose.

Bible in Tzeltal de Oxchuc y Tenejapa

¹⁰ La jpajc'an jba ta yacan te ch'ul abate, yu'un c'an jlajin jba ta stojol. Ja'uc me to, jich la yalbon: —Ma me xapas jich. Melel te jo'one, yabaton uuc te Diose, jich te bit'ilate soc spisil awermanotac te jun yo'tanic ta xch'uunel te testigo-c'op la yal te Jesuse. Ja' me x'alajin aba ta stojol te Diose —la yuton. Melel te testigo-c'op la yal te Jesuse, ja'ix te ya x'at'ej ta yo'tanic te mach'atic j'alwanejetic yu'un te Diose.

Apocalipsis 19:10 Referans Kwoze

San Juan 5:39

Yac anopilanic ta lec te Shun Dios yu'un yac awalic te tey yac awich' acuxlejalic sbahtel q'uinal a; tey nix halbil jc'oblal a,

Hebreos 1:14

¿Ma bal meleluc te spisil te ch'ul a'batetic ha espírituhetic te ayic ta a'batinel, te ticombilic ta scoltayel te mach'atic ya yich'ic te colele?

Apocalipsis 4:10

te chaneb scha'winic (24) ta tuhl mamaletic ya spahcan sbahic ta stojol te Mach'a hucul ta smuc'ul-huctajib, ya sch'uhuntayic te Mach'a stalel cuxul sbahtel q'uinal, ya xohtan scoronahic ta stojol te muc'ul-huctajibal soc hich ya yalic:

Apocalipsis 12:17

Te dragón bayel ilin yu'un ta stojol te antse, hich baht ya'be guerra te jayeb xan sts'umbal te antse, ha te mach'atic ya sch'uhumbeyic te smandar Dios soc te yich'ojic te testigo-c'op yu'un te Jesucristo.

Apocalipsis 12:11

Ha'ic la stsalic ta scuenta sch'ich'el te Jcolel Tuminchij soc ta scuenta te testigo-c'op la yalique. La sloq'ues sbahic ta yo'tanic, ma ba la xi'ic lajel.

1 Juan 5:10

Te mach'a ya sch'uhun te Snich'an Diose ay ta yo'tan te testigo-c'op ini; yan te mach'a ma ba ya sch'uhun Dios, ha yac ta lot te Dios ta sc'op, como ma ba sch'uhunej te testigo-c'op yu'un Dios te yalbeyej sc'oblal te Snich'ane.

Hebreos 12:25

Tsahtaya abahic te ma ba yac ap'ajic te mach'a yac ta c'op, como teme ma ba colic loq'uel ta c'abal te mach'atic la sp'ajic te mach'a tsitsotic yu'un ta bahlumilal, c'ax hich a te ho'otic teme ya jwalac'patiytic te mach'a ya stsitsotic c'alal ta ch'ulchan.

San Mateo 4:10

La yal te Jesús: Loc'an, Satanás, como hich ts'ihbabil: Ha nax me xach'uhuntay soc ha nax me xawac' aba ta a'batinel yu'un te Cajwaltic te Dios awu'un, la yut.

Éxodo 34:14

Ma me xanijan aba ta stojol junuc yan dios, como te Jehová, te ha Xut'et te sbihile, ha Dios te xut'et yo'tan.

Apocalipsis 14:7

Hich tulan yac ta yalel: Xi'ahic me te Diose soc halbeyahic yutsil sc'oblal, como la stahix yorahil te ya x'ich'awan ta c'op. Ch'uhuntayahic te mach'a la spas te ch'ulchan soc bahlumilal, te mar soc te sloq'uib ha'etic, xchi.

Apocalipsis 15:4

¿Mach'a a te ma ba ya xi'at, Cajwal, soc te ma ba ya yalbe yutsilal te abihile? como atuquel nax Ch'ul Diosat; spisil te nacionetic ya me xtal sch'uhuntayat, como chicanix te stojil chahpanel, xchihic ta c'ayoj.

Hechos 10:43

Ha me te halbil sc'oblal yu'un spisil jalwanejetic te ta scuenta sbihil Jesús ya xpasbot perdón yu'un smul spisil mach'atic ya sch'uhunic, xchi te Pedro.

Apocalipsis 1:9

Ho'on te Juan, awermanohon soc jmohlol jbahtic ta wocol, ta cuentahinel yu'un Dios soc te jun co'tantic yacotic ta smahliyel ta scuenta Jesús; ayon ta Patmos sbihil te tut q'uinal ay ta yohlil mar, ta scaj te sc'op Dios soc te testigo-c'op yu'un te Jesucristo.

Filipenses 3:3

Pues ho'otic te quich'ojtic te mero circuncisión, te ya jch'uhuntaytic te Dios ta scuenta te Espíritu yu'un Dios soc te bayel cutsilaltic ya ca'iytic ta scuenta Cristo Jesús, te ma ha'uc smuc'ulinej co'tantic te ch'ich'-baq'uet;

San Lucas 24:44

Patil hich la yalbe: Hich ay te bin la jcalbeyex te c'alal joquex to a, te ya sc'an te ts'acal ya xc'oht ta pasel te bin ya yalbon jc'oblal te ts'ihbabil ta Ley yu'un Moisés, ta shun jalwanejetic soc ta salmohetic, xchi.

San Lucas 1:19

La sjac' te ch'ul a'bat: Ho'on Gabrielon te teq'uelon ta stojol te Diose, soc ticombilon yu'un ya calbat te lequil ach' c'op ini.

San Marcos 5:22

Tal jtuhl principal yu'un te sinagoga, Jairo sbihil. C'alal la yil te Jesús la squejan sba ta ye'tal yoc,

2 Reyes 17:36

Ha nax me xawich'ic ta muc' te Jehová te la sloq'uesex tal ta sq'uinal Egipto ta scuenta smuc'ul yu'el soc te shachoj sc'ab, ya me aquejan abahic ta stojol soc ya me awa'beyic milbil mahtaniletic.

Hechos 13:27

como te mach'atic nahinemic ta Jerusalén soc te jcuentahinwanejetic yu'unic, ma ba la yich'ic ta cuenta mach'a a te Jesús soc te sc'op te jalwanejetic te ya yilic ta jujun sc'ahc'alel cux-o'tan, hich la yaq'uic ta milel.

Daniel 7:10

Ay muc'ul-ha' yu'un c'ahc' yac ta oc loq'uel tal ta stojol; bayel ta mil ta mil ta tuhl ya yac' sbahic ta a'batinel yu'un, soc bayel ta millón ta millón tec'ajtic ta stojol. La shuhcan sba te Jchahpanwanej, soc la yich' jamticlanel te librohetique.

Salmos 45:11

Te ajwalil ya smulambat at'ujbilal; nijana aba ta stojol como ha ajwalil awu'un.

1 Juan 5:21

Cal-jnich'nab, tsahtaya me abahic yu'un te loc'ombahetique. Hichuc.

1 Tesalonicenses 5:15

Tsahtayahic te mayuc mach'a ya sutbe spacol te bin chopol ya xpasbot, pero spisil ora talel c'axel xapasbe abahic te bin lec soc nix spisil te yantique.

Efesios 5:15

Ha yu'un tsahtaya me abahic ta lec bin ut'il ya x'ayinex ta q'uinal, p'ijanic me, ma me hichuquex te bin ut'il mach'atic ma sna'ic q'uinal,

2 Corintios 8:7

Ha yu'un hich te bin ut'il ta spisil c'ax bayel ya xhu' awu'unic: ha te ay sch'uhunel awo'tanic, te yac ana'ic c'op, te bin ana'ojic, te jun awo'tanic yac apasic spisil, soc te sc'uxul awo'tanic ta jtojolcotic, ha nix hich ac'a hu'uc awu'unic spasel bayel te yutsil a'tel ini.

San Marcos 7:25

Ay jtuhl ants te ay bohl espíritu ta yo'tan te yantsil-al, c'alal la ya'iybe sc'oblal te Jesús, ora tal squejan sba ta ye'tal yoc.

Efesios 5:33

Pero jujutuhlex c'ux me xawa'iy te awihnam hich te bin ut'il c'ux yac awa'iy aba; soc te antse ac'a yich' ta cuenta te smamalale.

Daniel 2:46

Hich te ajwalil Nabucodonosor la snijan cohel sjol c'alal ta lum ta stojol Daniel, la yich' ta muc', soc la yal mandar te ya x'a'bot mahtaniletic soc pom.

Apocalipsis 1:1

Ha te bin la yac' ta na'el te Jesucristo, te a'bot sna' yu'un Dios scuenta yu'un ya ya'be sna' te a'batetic yu'un te bintic c'ohel yac ta pasele. Ha la yac' ta na'el ta scuenta te ch'ul a'bat yu'un te la sticon tal ta stojol Juan, te ya'bat,

Apocalipsis 19:9

Soc hich la yalbon te ch'ul a'bat: Ts'ihbaya ini: Bayel me yutsilic te mach'atic ic'bilic ta we'el ta nuhpunel yu'un te Jcolel Tuminchij, xchi. Soc hich la yalbon xan: Ha smelelil c'op yu'un Dios ini, xchi.