Apocalipsis 18:19 - Bible in Tzeltal Bachajón

¹⁹ Ya me sbuhquiylanic mohel ts'u'lum ta sjolic, ya me xhahchic ta oq'uel soc ta mel-o'tan, hich me ya yalic ta aw: ¡Obol sba, obol sba te muc'ul pueblo, te banti spisil mach'atic ay barcohetic ta mar la sta sc'uhlejalic ta scuenta te sc'uhlejale! ¡Ta junax ora jc'axel jihn! xchihic.

Nuevo Testamento Tzeltal de Amatenango

¹⁹ Y ya me smukik ta tsꞌubil lum te sjolike, y ya xꞌokꞌik yuꞌun te yajtal yoꞌtanike. Y xꞌawlajan: —¡Ay, oꞌol me sba te jtejklum te lom mukꞌe. Sok te skꞌulejale la yakꞌ kꞌulejubuk spisil te machꞌatik ay sbarkoik ta mare. Y ta jtsꞌin nax a laj ta jimel! —xchiik.

Bible in Tzeltal de Oxchuc y Tenejapa

¹⁹ Soc la sjopic ts'ubilum, la sbusq'uin ta sjolic ta oq'uel yu'un te muc'ul lume. Bayal la smel yo'tanic soc la yoq'uetayic. Jich la yalic xan ta aw: “Mero obol sba te muc'ul lume. Ta swenta te sc'ulejale la sta sc'ulejalic spisil a te mach'atic ay sbarcoic ta mare. Ja'uc me to, ora nax laj ta spisil te lume”, xiic.

Apocalipsis 18:19 Referans Kwoze

Apocalipsis 18:10

Namal to ya me stehc'an sbahic yu'un ya xi'beyic te swocole, soc hich me ya yalic: ¡Obol sba, obol sba te muc'ul Babilonia, te muc'ul pueblo te bayel yip! ¡Como ta junax ora c'oht te castigo ta atojol! xchihic.

Josué 7:6

Ha yu'un te Josué soc te mamaletic yu'un Israel la sch'i' sc'u'ic yu'un soc la spahcan sbahic ta lum ta stojol te scaxahul te chapbil-c'op yu'un Jehová yalel c'alal ta stibiltayel, soc la yaq'uic tan ta sjolic.

Ezequiel 27:30

Ya me yaq'uic ta a'iyel sc'op ta atojol, soc pich'il yo'tanic ya x'awonic; ya me yac' ts'u'lum ta sjolic, soc ya me sbal sbahic ta tan.

Apocalipsis 18:3

Como spisil te nacionetic yuch'ojic te vino yu'un te yajmule. Te ajwaliletic ta bahlumilal spasojic mulil soc te antse, soc c'uhlejubenic te jchombajeletic ta bahlumilal yu'un te bayel bintic mulambil yu'une, xchi sc'oblal.

Job 2:12

C'alal namal to ayic a, la shach sitic, ma ba la sna'beyic sba te Job, hich hahchic ta tulan oq'uel. Jujutuhl la sch'i'ic snahtil-c'u'ic, soc yoxebalic la sbuhquiyic mohel ts'u'lum ta sjolic.

Apocalipsis 18:8

Ha yu'un ta junax c'ahc'al ya me xc'oht ta stojol te swocole: ha te lajel, oq'uel, wi'nal, soc ya me yich' chiq'uel ta c'ahc'; como bayel yu'el te Cajwaltic Dios te ya yich'be sc'op, xchi sc'oblal.

1 Samuel 4:12

Loc' ta ahnel ta guerra jtuhl winic yu'un Benjamín, c'oht ta Silo ta yorahil nix, ch'i'em sc'u' soc ay ts'u'lum ta sjol.

Nehemías 9:1

Ta chaneb scha'winic (24) c'ahc'al ta u nix a, te snich'nab Israel la stsob sbahic yu'un ya scom swe'elic, slapojic pac' yu'un mel-o'tan soc yac'ojic ts'ubil lum ta sjolic.

2 Samuel 13:19

Te Tamar la yac' tan ta sjol, la sch'i' te snahtil-c'u' slapoj, la yac' sc'ab ta sjol, yac ta aw bahel.

Apocalipsis 17:16

Te lajuneb xulubiletic soc te chambahlam te xiweltic sba te la awile ya me yilintayic te j'antsinel-ants, jimbil soc mayuc sc'u' ya xhil yu'unic; ya me sti'beyic sbaq'uetal soc ya me schiq'uic ta c'ahc'.

Isaías 13:19

Te Babilonia, te t'ujbil perla yu'un te nacionetic, te yutsilal soc stoybahil te caldeohetic, hich ya xc'ohtic te bin ut'il Sodoma soc Gomorra te jinotic yu'un Dios.

Lamentaciones 2:10

Te mamaletic yu'un te yantsil-nich'an Sión ya shuhcan sbahic ta lum soc ma ba ya xc'opojic; ya yaq'uic tan ta sjolic soc ya slapic pac' yu'un mel-o'tan. Te ach'ixetic yu'un Jerusalén ya snijan sbahic c'alal ta lum.