Apocalipsis 18:14 - Bible in Tzeltal Bachajón

¹⁴ Hich me ya yalbeyic te muc'ul pueblo: Ch'ayix te bintic sc'anoj te awo'tane; tup'ix spisil ac'uhlejal soc bintic bayel yutsil, ma xatahix xan, xchihic.

Nuevo Testamento Tzeltal de Amatenango

¹⁴ Y ya me yalbeyik te mukꞌul jtejklume: —Maꞌyukix awuꞌun spisil te sit loꞌbajeletik te ben ya akꞌane, yuꞌun la achꞌayix spisil te atsaꞌamul y te akꞌulejale —xchi me.

Bible in Tzeltal de Oxchuc y Tenejapa

¹⁴ Jich me ya yalbeyic te muc'ul lume: “Ma'yuquix awu'un spisil te sit awal-ts'unubil te mulanbil awu'un. Lajix yutsil spisil te ac'ulejal soc te bila bayal yutsilal te ay awu'une. Jc'axel me ma'yuc bi ya ataix”, xi' sc'oplal.

Apocalipsis 18:14 Referans Kwoze

1 Corintios 10:6

Scuenta quich'o-q'uehltic te hich c'oht ta pasel, scuenta yu'un ma ba ya xbic'taj co'tantic yu'un bintic chopol, hich te bin ut'il bic'taj yo'tanic stuquel.

Santiago 4:2

Ay bin ya xbic'taj awo'tanic yu'un, pero ma ba yac atahic; ya xmilawanex soc ay sbic'tal awo'tanic, pero mayuc bin yac atahic a; yac atsal abahic soc ya xtsalawanex, pero ma ba yac atahic a te bin ya sc'an awo'tanic, como ma ba yac ac'ambeyic te Diose.

San Lucas 16:25

Pero halbot yu'un te Abraham: Jnich'an, na'a me te bayel bin lec la awich' te c'alal cuxulat a, yan te Lázaro ay bayel swocol; pero yo'tic a'botix smuc'ul yo'tan li'i, yan te ha'ate, ayat ta wocol.

San Lucas 12:20

Pero hich halbot yu'un te Diose: Ma xana' q'uinal. Yo'tic ta ahc'abal ya xtalat ta c'ambeyel ach'uhlel, ha yu'un te bin q'uejbil awu'un, ¿mach'a ya yich'bat hilel? xchi sc'oblal.

Salmos 106:14

Ta jochol taquin q'uinal la yac' sbahic ta spasel te bintic la sc'an yo'tanic, la stsajic te Dios ta jochol q'uinal.

Números 11:4

Te jyanlumetic te scapoj sbahic soc, bayel bic'taj yo'tanic yu'un yan we'elil, soc ha nix hich te snich'nab Israel hahchic ta oq'uel yan buelta, hich la yalic: ¡Te ayuc ti'bal ya jti'tic!

Salmos 78:18

La stsajic te Diose, ha te la sc'an swe'ic te bin la smulan yo'tanic.

Números 11:34

Ha yu'un la ya'beyic sbihil Kibrot-hataava te lugar, yu'un tey la yich' muquel a te mach'atic ay sbic'tal yo'tanique.

San Mateo 11:8

¿Bin tal awilic, ha bal jtuhl winic te slapoj buen fino pac'? Te mach'atic slapojic buen fino pac', ayic ta sna ajwaliletic stuquelic.

Apocalipsis 18:13

canela, pimienta clavo, pom, mirra, perfume, vino, aceite, trigo soc lequil juch'bil trigo; wacaxetic, tuminchijetic, cawuhetic soc carretahetic; soc ants-winiquetic te ya yich'ic chonel yu'un mosohinel.

Apocalipsis 18:15

Te jchombajeletic te ya schonic ini, te c'uhlejubenic yu'un, namal ya stehc'an sbahic yu'un xi'beyel te swocole; ya smel yo'tanic soc ya yoq'uetayic,