Apocalipsis 18:13 - Bible in Tzeltal Bachajón

¹³ canela, pimienta clavo, pom, mirra, perfume, vino, aceite, trigo soc lequil juch'bil trigo; wacaxetic, tuminchijetic, cawuhetic soc carretahetic; soc ants-winiquetic te ya yich'ic chonel yu'un mosohinel.

Nuevo Testamento Tzeltal de Amatenango

¹³ sok kanela sok yan poxil weꞌelil te ben bujtsꞌan yikꞌe, sok pom, sok mirra y perfumeetik, sok bino, sok aseite, sok ben fino harina y triwu, sok chanbalametik yuꞌun ijkatsil, karneraetik, kawuetik sok karretaetik, y asta sok mosoetik, sok yan xan genteetik.

Bible in Tzeltal de Oxchuc y Tenejapa

¹³ canela, poxil te ay sbujts' yiq'ue, pom, mirra, perfumeetic, vino, aceite, lequil harina, trigo, wacaxetic, chijetic, caballoetic, carretaetic, mosoetic, soc yantic ants-winiquetic.

Apocalipsis 18:13 Referans Kwoze

Ezequiel 27:13

Te Grecia, Tubal soc Mesec la ya'iy mambajel chombajel ta atojol, la sjelbat ta mosohetic soc bintic pasticlambil ta bronce te bintic ay awu'un.

Amós 2:6

Hich yaloj te Jehová: Ta scuenta oxchahp mulil yu'un Israel, ta scuenta chanchahp, ma ba ya jcom te castigo yu'une; como la schonic ta taq'uin te mach'a toj yo'tan soc la schonic te pobre ta stojol jchahp zapato.

2 Pedro 2:3

Ta scaj sbic'sitayel taq'uin ya me slo'loyex ta scuenta lotil c'op. Ayix ora te quechel yich'belic castigo yu'un, soc yac smahliybel te ch'ayel yu'unique.

Nehemías 5:8

hich la jcalbeyic: Te ho'otcotic, te ban c'alal hu'em cu'uncotic, la jloq'uescotic ta sbetic te quermanotactic judiohetic te la yich'ic chonel ta stojol yantic nacionetic. ¿Yo'tic ha'ex bal yac achombelic te awermanotac scuenta yu'un te ho'otcotic ya jmancotic loq'uel? la jcut. Ch'abic, yu'un ma ba weht bin la yalic yu'un.

Isaías 50:1

Hich la yal te Jehová: ¿Banti ay te hun te ya yal te la jquihquitaybeyex hilel te ananique? O ¿mach'a a te ay jbet ta stojol te la jchonex hilel yu'un? Ha ta scaj amulic te chombilex, ta scaj ac'axun-mandaric te la yich' ihquitayel te ananique.

Deuteronomio 24:7

Teme ya xchicnaj te ay mach'a la yelc'an bahel jtuhl yermano Israel, teme la smosohin o la schon, ya me yich' milel te j'elec'. Hich me yac aloq'ues te bin chopol ta awohlil.

Éxodo 21:16

Te mach'a ya yelc'an loq'uel yan, teme ya schon o teme ay to ta sc'ab a ya xtahote, ya me yich' milel.

1 Timoteo 1:10

j'antsiwejetic soc j'antsineletic, te mach'atic smohlol nix ta winiquil te ya sjoquin sbahic soc, te mach'atic ya snaq'uic ants-winiquetic, jlotetic soc mach'atic ya spasic lot ta stojol Dios, soc biluc yan te ya scontrahin te lequil nohptesel,

Amós 8:6

ya jmantic ta taq'uin te pobrehetic, ya jeltic ta jchahp zapato te mach'atic mayuc bin ay yu'unic, soc ya jchontic te sts'ubil te trigohe, xchihex.

Amós 6:6

yac awuch'ic vino ta muc'ul vasohetic, soc yac amal abahic ta lequil perfumehetic, pero ma ba yac amel awo'tanic yu'un te jinel yu'un José.

Cantares 5:5

Hahchon ta sjambeyel puerta te mach'a c'ux ta co'tan, xt'uhlajan cohel mirra ta jc'ab, te yalatac jc'ab yatinej mirra te mahl cohel ta sba te sjamojibal puerta.

Proverbios 7:17

Te jwayib la jca'beyix mirra, áloe soc canela.

2 Crónicas 9:9

Hich te ants la ya'be te ajwalil wacwinic (120) talento oro, bayel bintic sumet yic' soc t'ujbil tonetic. Mayuc yan hich yipal bintic sumet yic' te bin ut'il la yac' te ajwalil-ants yu'un Sabá ta stojol te ajwalil Salomón.

1 Reyes 10:25

Ta jujun ha'bil ya yich'beyic tal smahtan: ha te bintic pasbil ta plata soc ta oro, c'u'uletic, a'tejibaletic yu'un guerra, bintic sumet yic', cawuhetic soc mulahetic.

1 Reyes 10:15

Ma ba ich'bil ta cuenta stuquel te pataniletic yu'un te jchombajeletic, jmambajeletic soc spisil te ajwaliletic yu'un Arabia, soc te jcuentahinwanejetic yu'un te q'uinale.

1 Reyes 10:10

Hich la ya'be te ajwalil oxwinic (120) talento oro, bayel bin sumet yic' soc t'ujbil tonetic. Mayuc yan hich yipal te bintic sumet yic' te bin ut'il a'bot te ajwalil Salomón yu'un te ajwalil-ants yu'un Sabá.

Deuteronomio 28:68

Te Jehová ya me yac' suhtat bahel ta barcohetic ta Egipto, tey nix ta be te hich la yalbe sc'oblal: Ma jaymehl ya suhtat xan bahel tey a, te xchihe. Tey yac awac' abahic ta chonel ta stojol a te acontrahic scuenta mosohil winiquetic antsetic, pero mayuc mach'a ya smanex, xchi te Moisés.

Cantares 1:3

Mero sumet yic' te perfumehetic awu'un, te abihile hich c'ohem te bin ut'il malem perfume. Ha yu'un te c'uxat ta yo'tanic te ach'ixetique.

1 Crónicas 5:21

La yic'beyic schansbahlamic, wacpic soc ho'bahc' (50,000) camellohetic, bulucheb scha'winic ta pic soc ho'bahc' (250,000) tuminchijetic, ho'bahc' (2,000) burrohetic, soc j'ohlil yoxlajunpic (100,000) ants-winiquetic.

Cantares 3:6

¿Mach'a a te yac ta talel ta jochol taquin q'uinal hich te bin ut'il xtomet ch'ahil, te yich'oj mirra soc sch'ahilel pom, soc spisil ta chahp perfumehetique?

Apocalipsis 18:14

Hich me ya yalbeyic te muc'ul pueblo: Ch'ayix te bintic sc'anoj te awo'tane; tup'ix spisil ac'uhlejal soc bintic bayel yutsil, ma xatahix xan, xchihic.

Apocalipsis 18:15

Te jchombajeletic te ya schonic ini, te c'uhlejubenic yu'un, namal ya stehc'an sbahic yu'un xi'beyel te swocole; ya smel yo'tanic soc ya yoq'uetayic,