Apocalipsis 18:11 - Bible in Tzeltal Bachajón

¹¹ Te jchombajeletic ta bahlumilal ya me smel yo'tanic soc ya me yoq'uetayic, como mayuquix mach'a ya xmambotic yu'un te bintic ya schonic:

Nuevo Testamento Tzeltal de Amatenango

¹¹ Te jchonbajeletik ta balmilale jich me ya yokꞌetay te mukꞌul jtejklume, y ya me yichꞌ yajtal yoꞌtanik yuꞌun. Porke maꞌyukix machꞌa ya sman a te tut xkuchojike:

Bible in Tzeltal de Oxchuc y Tenejapa

¹¹ Soc te jp'olmaletic ta balumilale ya me x'oq'uic yu'un te muc'ul lume soc bayal me ya smel yo'tanic yu'un. Melel ma'yuc mach'a ya xmanbotix yu'un te sp'olmalique.

Apocalipsis 18:11 Referans Kwoze

Apocalipsis 18:3

Como spisil te nacionetic yuch'ojic te vino yu'un te yajmule. Te ajwaliletic ta bahlumilal spasojic mulil soc te antse, soc c'uhlejubenic te jchombajeletic ta bahlumilal yu'un te bayel bintic mulambil yu'une, xchi sc'oblal.

Apocalipsis 18:23

Mayuquix tsumbil c'ahc' ta awohlil, soc ma ba ya x'a'iybotix sc'op jnuhpuneletic ta awohlil; te jchombajeletic awu'un ha'ic te ich'bilic ta muc' ta bahlumilal ta nahilal, soc ta scuenta te ilojel awu'un lajic ta lo'loyel spisil te nacionetique.

Apocalipsis 18:20

¡Tse'elucat me yu'un, ha'at ch'ulchan, soc ha'ex te ch'ultesbilex, jpuc-c'opex soc jalwanejex, como Dios la ya'be castigo ta acuentahic!

Apocalipsis 18:15

Te jchombajeletic te ya schonic ini, te c'uhlejubenic yu'un, namal ya stehc'an sbahic yu'un xi'beyel te swocole; ya smel yo'tanic soc ya yoq'uetayic,

Sofonías 1:11

Ahcanajanic ha'ex te nahinemex ta Mactes, como lajic spisil te jchombajeletique; lajic spisil te mach'atic ya ya'iyic mambajel chombajel ta plata.

Apocalipsis 18:9

Te ajwaliletic ta bahlumilal te la yantsinic soc te pajal ay bin la smulanic soc, ya me smel yo'tanic soc ya me yoq'uetayic te c'alal ya yilic xtomet ta loq'uel sch'ahilel sc'ahc'al te ya yich' chiq'uele.

2 Pedro 2:3

Ta scaj sbic'sitayel taq'uin ya me slo'loyex ta scuenta lotil c'op. Ayix ora te quechel yich'belic castigo yu'un, soc yac smahliybel te ch'ayel yu'unique.

Sofonías 1:18

Ta sc'ahc'alel yilimba te Jehová ma ba ya xcoltayotic yu'un te plata o te oro yu'unique; ya xlaj spisil te q'uinal ta sc'ahc'al te xut'et yo'tan, como ora nax jc'axel ya slajin spisil te mach'atic nahinemic ta q'uinal.

Isaías 47:15

Hich ya xc'ohtic ta atojol te jna'ojeletic awu'un, te bayel bintic la apas soc c'alal ta awalalil to. Jujutuhl ya st'unic bahel te be yu'unic, mayuc mach'a ya scoltayat.

San Mateo 22:5

Pero ma la yich'ic ta cuenta te yiq'uelique: jtuhl baht ta sc'al, yan baht ta chombajel;

San Juan 2:16

La yalbe te jchon-stsuhmutetic: Loq'uesahic ini, ma me xac'atp'unic ta mercado te Sna te Jtate, la yut.

Proverbios 3:14

como te bin ya sta a c'ax hich a te bin ut'il plata, te sit c'ax hich a te bin ut'il lequil oro.

Isaías 13:19

Te Babilonia, te t'ujbil perla yu'un te nacionetic, te yutsilal soc stoybahil te caldeohetic, hich ya xc'ohtic te bin ut'il Sodoma soc Gomorra te jinotic yu'un Dios.

Ezequiel 27:9

Te mamaletic yu'un Gebal soc te mach'atic yu'un te ya sna'ic ta lec a'tel, la ya'beyic xuch'il banti stahoj sbahic te ste'ele; spisil te barcohetic yu'un te mar soc te mach'atic ya stijic bahel talic ta banti ayat yu'un ya sjoquinat ta mambajel soc chombajel.