Apocalipsis 17:6 - Bible in Tzeltal Bachajón

⁶ La jquil te ants yacuben yu'un te sch'ich'el te mach'atic ch'uhltesbilic soc te sch'ich'el te mach'atic lajemic ta milel ta scuenta Jesús. Mero xcham co'tan yu'un te c'alal la jquil te antse.

Nuevo Testamento Tzeltal de Amatenango

⁶ Te nax a la jnaꞌ te yakubenix te antse. Jaꞌ yakuben yuꞌun te xchꞌichꞌel te machꞌatik yuꞌunik te Diose y sok te xchꞌichꞌel te machꞌatik miltalanot yuꞌun te la yalik ta jamal te skꞌoplal te Jesuse. Te kꞌalal la kile, lom cham a kaꞌiy yuꞌun.

Bible in Tzeltal de Oxchuc y Tenejapa

⁶ La quil te antse yacuben yu'un xch'ich'el te mach'atic ch'ul lum yu'un te Diose soc te xch'ich'el te mach'atic la yich'ic milel yu'un te la yalic ta jamal te xch'uunejic te Jesuse. Te c'alal la quile, cham nax la caiy yu'un.

Apocalipsis 17:6 Referans Kwoze

Apocalipsis 16:6

como la smalbeyic sch'ich'el te mach'atic ch'uhltesbilic soc te jalwanejetic; ha nix hich ch'ich' la awa'be yuch'ic, como hich ya sc'an pasel ta stojolic, xchi.

Apocalipsis 13:15

A'bot te ya ya'be yich' ic' te sloc'ombahil te chambahlam te xiweltic sba, scuenta yu'un ya xhu' ya xc'opoj te loc'omba soc ya yac'ticlan ta milel spisil te mach'atic ma ba ya xch'uhuntayot yu'une.

Apocalipsis 2:13

Ya jna' banti nahinemat, ta banti ay te shuctajib te Satanás. Pero stalel jun awo'tan ta jtojol, ma ba amucoj ta awo'tan te ach'uhunejon, ni ha'uc te c'alal laj ta awohlilic te Antipas te testigo cu'un te jun yo'tan ta jtojol, tey ta banti nahinem te Satanás.

Apocalipsis 13:7

A'bot permiso te ya ya'be guerra te mach'atic ch'uhltesbilic, soc te ya stsalticlan. Soc a'bot ya'tel ta stojol spisil ta chahp ts'umbaliletic, pueblohetic, c'opiletic soc nacionetic.

Apocalipsis 12:11

Ha'ic la stsalic ta scuenta sch'ich'el te Jcolel Tuminchij soc ta scuenta te testigo-c'op la yalique. La sloq'ues sbahic ta yo'tanic, ma ba la xi'ic lajel.

Hechos 22:20

Soc te c'alal malbot sch'ich'el te Esteban te testigo awu'un, ha nix hich tey teq'uelon a soc lec co'tan yu'un te la yich' milel, soc la jcanantaybe sc'u'ic te mach'atic la smilic, xchihon.

Daniel 7:25

Ya scontrac'optay te Mach'a mero toyol ay, ya me yuts'inlan te mach'atic ch'uhltesbilic te ha yu'unic te Mach'a mero toyol ay, soc ya snop te ya sjeltay te tiempohetic soc te Ley; te mach'atic ch'uhltesbilic ya x'a'botic ta sc'ab jun tiempo, cheb tiempo soc ohlil tiempo.

Habacuc 1:13

C'ax lec asit ta yilel te bin ma lecuc, ma xhu' yac awil te bin chopole; ¿bin yu'un hiche te yac awil te j'uts'inwanejetic, soc te ma xc'opojat c'alal te mach'atic chopol yo'tanic ya sjinic te mach'a c'ax hich toj xan a te bin ut'il ayique?

Daniel 7:21

La jquil te xulubil ini yac ta ya'beyel guerra te mach'atic ch'uhltesbilic, soc yac stsalbel,

San Juan 2:10

hich la yalbe: Spisilic ha nahil ya yaq'uic te lequil vino; te c'alal bayel la yuch'iquix a, ha to ya yac' te banti ma lequil vinohuc; pero ha'at aq'uejoj te lequil vino c'alal ora, xchi.