Apocalipsis 16:7 - Bible in Tzeltal Bachajón

⁷ Soc la jca'iy ay mach'a c'opoj talel tey ta scajtajib ta chiq'uel mahtanil, hich la yal: Melel, Cajwaltic Dios te spisil ya xhu' awu'un, smelelil soc stojil te chahpanel awu'une, xchi.

Nuevo Testamento Tzeltal de Amatenango

⁷ Jich a kaꞌiy xan te ba altar te jich a yale: —Jich, Kajwal, te Diosat te spisil ya xjuꞌ awuꞌune, jaꞌat la awakꞌix kastigo ta stojil sok batsꞌi jich —xchi.

Bible in Tzeltal de Oxchuc y Tenejapa

⁷ Soc la caiy stojol te ay mach'a c'opoj tey a ta bay xchic'jibal milbil smajt'an te Diose, te jich la yale: “Melel nix a Cajwal, te Diosat te Spisil ya xju' awu'une, toj awo'tan la awaq'uix castigo ta swenta te bila smelelile”, xi' ta yalel.

Apocalipsis 16:7 Referans Kwoze

Apocalipsis 19:2

como smelelil soc stojil te chahpanel yu'une. La ya'beyix castigo te muc'ul j'antsinel-ants te la sbohlobtes te bahlumilal ta scuenta te yajmule. La ya'beyix stoj te la smalbe sch'ich'el te a'batetic yu'une, xchihic.

Apocalipsis 6:9

C'alal la sjam te yo'ebal sello, la jquil ayic ta ye'tal te scajtajib ta chiq'uel mahtanil te sch'uhlelic mach'atic la yich'ic milel ta scuenta te sc'op Dios soc te testigo-c'op la yalique.

Isaías 6:6

Hich wihl tal ta jtojol jtuhl serafín, yich'oj ta sc'ab tsumbil ac'al te la yich' tal soc tenaza ta scajtajib ta chiq'uel mahtanil.

Apocalipsis 14:18

Soc ay yan ch'ul a'bat te scuentahinej te c'ahc' te loc' tal ta stojol te scajtajib ta chiq'uel mahtanil, tulan la yawtay te mach'a yich'oj hoz te ay ye: Ochan ta sbojel soc te hoz awu'un te ay ye, tsoba te ts'usub ta bahlumilal, yu'un syijilix te ts'usube, xchi.

Apocalipsis 14:10

ha nix hich ya me yuch' te vino scuenta yilimba Dios te mayuc scahp a ya xcohcombot ta stasahil te yilimba Dios. Ya x'a'bot swocolic ta c'ahc' soc azufre ta stojol te ch'ul a'batetic soc ta stojol te Jcolel Tuminchij.

Apocalipsis 13:10

Te mach'a ya x'ic'awan bahel ta chuquel, ya me x'ic'ot bahel ta chuquel. Te mach'a ya yich' milel ta espada, ya me yich' milel ta espada. Ha ini ya sc'an te ay yip yo'tanic soc te ay sch'uhunel yo'tanic te mach'atic ch'ultesbilique.

Ezequiel 10:7

Jtuhl querubín la shach bahel sc'ab ta stojol te c'ahc' ay ta yohlilic, la stsac jtebuc te c'ahc', la ya'be ta sc'ab te winic te slapoj lino-pac'. Te winic la stsac te c'ahc', loc' bahel.

Ezequiel 10:2

Te Jehová la sc'opon te winic te slapoj lino-pac', hich la yalbe: Ochan ta yohlil te yoc carretahetic te ay ta ye'tal te querubinetic, nojesa ta ac'ab te tsumbil ac'al te ay ta yohlil te querubinetic, puca bahel ta stojol te pueblo, xchi. La jquil te och bahel te winique.

Apocalipsis 1:8

Ho'on te Alfa soc te Omega, te shahchibal soc te slajibal, xchi te Cajwaltic Dios, te mach'a ay ta ora ini, ta namey soc te ya xtale, ha te Dios te spisil ya xhu' yu'une.