Apocalipsis 16:21 - Bible in Tzeltal Bachajón

²¹ Xtitet cohel tal ta ch'ulchan ta stojol ants-winiquetic niwac bat te jun talento yalal te jujune. Te ants-winiquetic la sbohlc'optayic Dios yu'un te wocol yu'un te bate, como c'ax tulan te wocole.

Nuevo Testamento Tzeltal de Amatenango

²¹ Y ta chꞌulchan chꞌay tal koel ta sba te gentee mukꞌul bat te kꞌaxem yalal ta kuarenta kiloe. Y te genteetike la yalik tutik la stoyba-kꞌoptay ta skontrainel te Dios yuꞌun te tulan wokol yuꞌun te bate, porke jun tulan kastigo a kꞌot.

Bible in Tzeltal de Oxchuc y Tenejapa

²¹ Soc ch'ay coel ta ch'ulchan niwac bat te ay cha'winic (40) kilo yalal te juju-jp'ije. Te ants-winiquetique la stoybac'optayic Dios yu'un te muc'ul bate, te melel c'ax tulan te castigoe.

Apocalipsis 16:21 Referans Kwoze

Apocalipsis 11:19

Jahm te templo yu'un Dios te ay ta ch'ulchan, chican ta yutil te templo te scaxahul te chapbil-c'op. Xliplajan tsantsehwaletic, xjuyet hahchel c'opetic, stsanlajan ta t'ohmel chahwuc, xyuq'uinaj nihquel, soc co tal niwac bat.

Apocalipsis 16:9

Hich chic'otic yu'un te tulan sc'ahc'al, hahch sbohlc'optaybeyic sbihil te Dios te scuentahinej te wocoletic ini, ma ba la suhtes yo'tanic yu'un soc ma ba la yalbeyic yutsil sc'oblal.

Apocalipsis 16:11

soc la sbohlc'optayic Dios te ay ta ch'ulchan ta scaj sc'uxul te swocolic soc te schacalique; ma ba la suhtes yo'tanic yu'un te bintic spasojique.

Apocalipsis 8:7

Te sbabayal ch'ul a'bat la yoq'uesin te scorneta; xbuquet cohel ta lum q'uinal bat soc c'ahc' capal soc ch'ich'. Laj ta c'ahq'uel jun ta yoxeht'el te q'uinal, te'etic soc laj spisil te yaxal ha'maletic.

Josué 10:11

C'alal yacalic ta ahnel loq'uel a ta stojol te snich'nab Israel ta cohel bahel yu'un Bet-horón, te Jehová la yac' tal ta ch'ulchan niwac batetic ta stojolic c'alal ta Azeca, hich lajic. C'ax hich lajic ta niwac batetic a te bin ut'il milotic ta espada yu'un te snich'nab Israel.

Ezequiel 13:13

Ha yu'un hich yaloj te Jehová, te Ajwalil: Ta scuenta quilimba ya cac' taluc tulan ic' soc ta scuenta sc'ahc'al co'tan ya cac' taluc tulan ic'al ha'al, soc niwac bat capal ta ilimba te ya slajin.

Ezequiel 13:11

Halbeya te mach'atic ya sbonic ta tan, te ya me xbusq'uij cohel. Ya xtal tulan ic'al ha'al soc ya jticon tal niwac bat soc ya xtal tulan ic'.

Isaías 8:21

Ay swocolic soc swi'nalic a ya xc'axic ta q'uinal; c'alal ay swi'nalic a ya me x'ilinic, ya x'ilinic soc ya yalbeyic chopol sc'oblal te ajwalil soc te Dios yu'unique.

Isaías 30:30

Te Jehová ya me yac' ta a'iyel te tulan sc'op soc ya me yac' ta ilel bin ut'il ya xco te sc'ab soc tulan yilimba soc c'ahc' te ya xlajinwan, soc sutu-ic', ic'al ha'al soc bat.

Éxodo 9:18

Ta hich ora pajel ya cac' tal bat te mero al te mayuc hich c'axem ta Egipto c'alal shahchibal c'alal ora.

Éxodo 9:22

Te Jehová hich la yalbe te Moisés: Toya mohel ac'ab scuenta yu'un ya xtal bat ta spahmal sq'uinal Egipto, ta stojol ants-winiquetic, chambahlametic soc spisil bintic ya xcol ta sq'uinal Egipto, xchi.

Job 38:22

¿Ay bal ochemat c'alal ta sq'uejojibal te me'sic, awiloj bal te sq'uejojibal te bat

Job 38:23

te q'uejbil cu'un yu'un yorahil wocol, yu'un te yorahil guerra soc tsaltamba?