Apocalipsis 16:15 - Bible in Tzeltal Bachajón

¹⁵ Ya xtalon hich te bin ut'il j'elec'. Bayel me yutsil te mach'a wiq'uil sit soc te ya scanantay sc'u' spac', scuenta yu'un ma ba watal ya xbehen, te q'uexlaltic sba ya x'ilot, xchi te Cajwaltique.

Nuevo Testamento Tzeltal de Amatenango

¹⁵ “Aꞌiya awaꞌiyik, te joꞌone ya me xtalon, te ma naꞌbiluk tut orae, te jachik tutꞌil jtul jꞌeleke. Ben tsaꞌam slekil te machꞌa xkuxoj yoꞌtane y sok te slapoj skꞌuꞌ-spakꞌe, yuꞌun ma me tꞌaxaluk a y ma me sta kꞌexlal te ya xꞌilot te tꞌaxale”, xchi te Kajwaltike.

Bible in Tzeltal de Oxchuc y Tenejapa

¹⁵ “Aiya awaiyic stojol, jich me ya xtalon te bit'il j'eleq'ue. Bin nax me yutsil te mach'a wiq'uil sit soc te slapoj sc'u' swenta yu'un ma me t'analuc ta comonsitil ya x'ilot yu'un ants-winiquetic te sbaq'uetale”, xi' te Cajwaltique.

Apocalipsis 16:15 Referans Kwoze

Apocalipsis 3:18

Ha yu'un ya calbat te yacuc amambon oro te lecubtesbil ta c'ahc', scuenta yu'un jc'uhlej ya xc'ohat a; soc yacuc amambon sac ac'u' apac' te yac alap, scuenta yu'un ma ba ya xchicnaj te aq'uexlal te bin ut'il watalat; soc yacuc amambon spoxil asit scuenta yu'un yac awil q'uinal a.

2 Pedro 3:10

Pero te c'alal ya xtal te Cajwaltic hich ya xtal te bin ut'il j'elec' ta ahc'abal. Ta hich ora ya xch'ay bahel te ch'ulchan soc tulan c'op, spisil bintic pasbil ya xlaj ta c'ahc', soc te bahlumilal soc spisil te bintic pasticlambil tey a ya me xlajic ta chiq'uel.

San Mateo 25:13

Ha yu'un cuxuluc me awo'tanic, como ma na'biluc awu'unic bin orahil soc bin c'ahc'alil ya xtal te Nich'anil ay ta scuenta winic.

2 Corintios 5:3

como te c'alal hich jc'u'inejtic, ma ba watalotic ya xtahotic.

San Marcos 14:38

Cuxuluc awo'tanic soc c'oponahic Dios, scuenta yu'un hich ma ba yac atahic sujel ta mulil a. Ay yip stuquel te awo'tanic, pero mayuc yip te abaq'uetalique, xchi.

Hechos 20:31

Ha yu'un tsahtaya me abahic, soc na'ahic me te oxeb ha'bil te c'ahc'al ahc'abal ma ba la jquehchan jtsitsbelex ta tuhlutuhl soc ya'lel jsit.

1 Tesalonicenses 5:6

Ha yu'un ma me xwayotic hich te bin ut'il te yantique, wiq'uiluc me jsitic soc p'ijuc me x'ayinotic.

San Lucas 21:36

Ha yu'un wihc'a me asitic, c'oponahic Dios spisil ora scuenta yu'un ma ba ya xc'oht ta acuentahic spisil te bintic ya xc'oht ta pasel, soc yu'un hich ya xhu' yac atehc'an abahic ta stojol te Nich'anil ay ta scuenta winic, xchi te Jesús.

San Mateo 26:41

Cuxuluc me awo'tanic soc c'oponahic Dios, scuenta yu'un ma ba yac atahic sujel ta mulil a; melel te espíritu ya sc'an stuquel, pero te baq'uet jteb nax stahel, la yut.

Isaías 47:3

Jamal ya xchicnaj te watalat, ya x'ilot aq'uexlal. Ya ca'be castigo, mayuc mach'a ya xcol,

1 Pedro 4:7

Nopol ya sta yorahil te ya xlaj spisil bintic ay; ha yu'un na'ahic me q'uinal soc wic'sitaya me abahic scuenta yu'un ya xhu' yac ac'oponic Dios.

Ezequiel 16:37

ha yu'un ya me jtsob spisil te mach'atic la smulanat, te la amulan aba soc, spisil te mach'atic la amulan, soc spisil te mach'atic la ap'aj. Ya jtsob talel ta ajoyobal, soc ta scomon sitic ya jwahtambat abaq'uetal, ya me yilic te watalat.

Habacuc 2:15

¡Obol sba te mach'a ya ya'be yuch' te spat-xuhque! ¡Obol aba te yac awa'be te bin ch'a, te yac ayacubtes scuenta yu'un yac awilbe te sbaq'uetale!

Oseas 2:3

Teme ma'uque, ya jwahtan, hich watal ya xhil cu'un te bin ut'il te c'alal ayine; hich ya cac' te bin ut'il jochol taquin q'uinal, ya jc'atp'un ta taquin q'uinal, soc ya jmil ta taquinti'il.

Éxodo 32:25

Te c'alal la yil Moisés te ma ba ya scom sbahic te pueblo, yu'un ma ba comotic yu'un Aarón, te la yac' sbahic ta q'uexlal yu'un te scontrahic,

1 Tesalonicenses 5:4

Yan te ha'exe, quermanotac, ma ba ayex ta yihc'al q'uinal, yu'un te ch'ayal awo'tanic a ya xtal sc'ahc'alel hich te bin ut'il j'elec'.

Apocalipsis 3:11

Nopol ya xtalon. Ma me xch'ay awu'un te bin ay awu'un, scuenta yu'un mayuc yan mach'a ya yich'bat te acorona.

Apocalipsis 22:7

¡Ilawil, nopol ya xtalon! Bayel me yutsil te mach'a ya scanantay te sc'op-jalwanej te ay ta libro ini, xchi te Jesús.