Apocalipsis 14:5 - Bible in Tzeltal Bachajón

⁵ Ma sna'ic lot; mayuc yabaquilic.

Nuevo Testamento Tzeltal de Amatenango

⁵ Ni maꞌyuk a yalik te le-lot ta stiꞌik, yuꞌun maꞌyuk smulik ta stojol te Diose.

Bible in Tzeltal de Oxchuc y Tenejapa

⁵ Xujt' ma'yuc banti la yalic lotil c'op ta yeic. Xujt' ma'yuc smulic ta stojol te smuc'ul nactijib te Diose.

Apocalipsis 14:5 Referans Kwoze

Efesios 5:27

scuenta yu'un ya stehc'an te iglesia ta stojol, ha jun iglesia te ay yutsilal, te mayuc yabaquil, mayuc bin jihnem o yan bin ma lecuc, ha ch'ultesbil soc mayuc bin chopol ay ta stojol.

Sofonías 3:13

Te mach'atic cuxul hilic yu'un Israel ma ba ya spasic te bin ma stojiluc ta pasel soc ma ba ya ya'iyic lot, ma ba ya xloc' ta yehic lo'loywanej, como ya xwe'ic soc ya scux yo'tanic, mayuc mach'a ya x'a'bot xiwel yu'un.

Salmos 32:2

Bayel me yutsil te mach'a ma ba ya x'a'bot scuch smul yu'un Jehová, soc te mayuc lo'loyel ta yo'tan.

Judas 1:24

Te Dios te ya xhu' ya scanantayex yu'un ma ba xyahlex soc te ya xhu' yu'un te mayuc awabaquil a ya stehc'anex ta stojol te yutsilal soc bayel yutsil-o'tanil,

San Juan 1:47

C'alal la yil te Jesús te yac ta nohpojel tal te Natanael, hich la yal: Ilawil, ha mero israel-winic te ma sna' lo'loywanej stuquel, xchi.

Colosenses 1:22

pero ta ora ini, la scha'lecubtesbeyex awo'tanic soc ta scuenta te sbaq'uetal Cristo te laje, scuenta yu'un ch'ultesbilex soc mayuc banti jihnem awu'unic soc mayuc bin quechel ta acuentahic a ya stehc'anex ta stojol.

San Lucas 23:4

Te Pilato la yalbe te principal sacerdotehetic soc te ants-winiquetic: Mayuc smul la jtahbe ha'i winic ini, xchi.

1 Pedro 3:10

como hich ya yal: Te mach'a ya sc'an ya sc'uxultay te scuxlejal soc te ya yil te lec ya xc'ax jujun c'ahc'al yu'un, ac'a scom ye ta yalel bin chopol, soc ma me xloc' lo'loywanej ta ye.

San Mateo 12:34

¡Sts'umbalex jti'awal chanetic! ¿Bin ut'il c'an lecuc ac'opic te chopolexe? Como ya xloc' ta ehal te bintic nojel ta o'tanil.

Oseas 10:2

Cheb yo'tanic, yo'tic ya xtahbot smulic. Te Jehová ya sjin cohel te scajtajib ta chiq'uel mahtaniletic soc ya sjinticlambe te loc'ombahetic yu'unique.

Daniel 6:4

Te gobernadoretic soc te schebal ajwaliletic la slehic bin ut'il ya slehbeyic smul ta scuenta ya'tel ta stojol te ajwalil; pero ma ba hu' yu'unic stahbeyel smul o falta yu'un, como jun yo'tan, hich mayuc bin chopol la stahic o te ma ts'acaluc la spas te ya'tele.

Proverbios 8:8

Spisil te jc'op mero stojil ay, mayuc bin chopol o te ma tojuc.

Salmos 34:13

Coma awe ta yalel bin chopol, soc te sti'il awe te ma ba ya yal lo'loywanej.

Isaías 53:9

A'bot smuquenal ta yohlil te mach'atic chopolic, baht ta muquel soc jc'ulejetic, aunque mayuc bin chopol spasoj soc mayuc la ya'iy lo'loywanej.

Salmos 55:11

Ay lajinel tey a, stalel ay uts'inel soc lo'loyel ta callehetic yu'un.

Cantares 4:7

¡C'ax t'ujbilat, ha'at te c'uxultaybilat cu'un! mayuc banti jihnem awu'un.

Malaquías 2:6

Ay ta ye te smelelil ley, mayuc bin chopol tahbot ta ye. Behen ta jtojol ta scuenta lamal q'uinal soc ta scuenta bin toj ta pasel, ay tsobol mach'atic la ya'be yihquitayic hilel te bin chopole.

Hebreos 9:14

¿ha'uc to balix a te sch'ich'el te Cristo, te ha ta scuenta te Espíritu sbahtel q'uinal ay la yac' sba ta lajel ta stojol Dios scuenta milbil mahtanil te mayuc bin jihnem, ya spocbeyex awo'tanic yu'un awa'telic scuenta lajel, scuenta yu'un yac awac' abahic ta a'batinel ta stojol te cuxul Diose?

1 Pedro 1:19

pero ta scuenta sch'ul sch'ich'el te Cristo, te hich c'ohem te bin ut'il tuminchij te mayuc yabaquil soc mayuc bin jihnem yu'un.

1 Pedro 2:22

Mayuc la sle smul soc mayuc lotil c'op loc' ta ye.