Apocalipsis 14:2 - Bible in Tzeltal Bachajón

² Soc la jca'iy xlamlon c'op ta ch'ulchan hich te bin ut'il ya xc'opoj swihlib ha' soc hich te bin ut'il tulan ya xc'opoj chahwuc. Hich la jca'iy te bin ut'il mach'atic yac stijbelic arpa yu'unic.

Nuevo Testamento Tzeltal de Amatenango

² Te nax a la kaꞌiy te ay tut ya xkꞌopoj ta chꞌulchan. Jachik tutꞌil skꞌop jun nojel jaꞌ te ya xchꞌay koel ta xchꞌenale, jachik tutꞌil ya xtꞌom jun tulan ay tut xpumumete. Jachik tutꞌil jun skꞌop te bayal arpistaetik te yipalik ta stijel te yarpaike.

Bible in Tzeltal de Oxchuc y Tenejapa

² Soc la caiy stojol ay bila c'opoj ta bay ch'ulchan te pajal sc'op soc te snojel ja'etique soc sc'op te tulan chawuque. Jich sc'op la caiy te bit'il ay tsobol mach'atic yac ta stijel te yarpaique.

Apocalipsis 14:2 Referans Kwoze

Apocalipsis 5:8

C'alal la yich' te hun, te chaneb bintic cuxajtic soc te chaneb scha'winic (24) ta tuhl mamaletic la spahcan sbahic ta stojol te Jcolel Tuminchij. Spisilic ay arpa yu'unic soc yich'ojic taza pasbil ta oro nojelic ta pom, ha te bin ya yalic ta sc'oponel Dios te mach'atic ch'ultesbilique.

Apocalipsis 1:15

Te yoc hich yilel te bin ut'il xlipet huxbil bronce te tsajubtesbil ta c'ahc' ta horno, soc te sc'op hich ya'iyel te bin ut'il xculet ya xc'opoj snojel ha'.

Apocalipsis 15:2

Soc la jquil jun mar sjel ta cristal capal soc c'ahc', soc tec'ajtic ta ti'mar te sjel ta cristal te mach'atic hu'em yu'unic stsalel te chambahlam te xiweltic sba soc te sloc'ombahil soc te snumerohil te sbihile. Yich'ojic arpahetic te a'botic yu'un Dios

Apocalipsis 11:15

Te shuquebal ch'ul a'bat la yoq'uesin te scorneta, ay mach'atic tulan c'opojic ta ch'ulchan, hich yacalic ta yalel: Te cuentahinel yu'un te bahlumilal, ha yu'unix te Cajwaltic Dios soc te Cristo yu'une, ha ya xcuentahinwan sbahtel q'uinal, xchihic.

Ezequiel 43:2

La jquil te yac ta talel ta stojol banti ya xloc' tal c'ahc'al te yutsilal te Dios yu'un Israel. Te sc'op pajal soc te sc'op bayel ha'etic, soc ay sts'anabul te lumq'uinal ta scaj te yutsilale.

Salmos 33:2

Halbeyahic yutsil Jehová ta arpa, c'ayojtaybeyahic c'ayojetic soc lira te ay lajuneb sc'ab.

2 Samuel 6:5

Te David soc spisil te pueblo Israel yacalic ta pas-q'uin soc spisil yipic ta stojol Jehová soc spisil ta chahp bintic ya yich' tijel te pasticlambil ta te', soc arpahetic, salteriohetic, panderohetic, castañuela soc platillo-taq'uinetic.

Éxodo 19:16

Ta sacubel q'uinal ta yoxebal c'ahc'al chicnaj tal chahwuc soc tsantsehwal, soc potsot ta pimil tocal te wits soc ay mero tulan yoq'uel xulubil. Nihquic yu'un spisil te mach'atic ayic ta campamento.

Apocalipsis 18:22

Te sc'ayoj mach'atic ya stijic arpa, te j'oq'uesinej amay soc corneta, ma ba ya x'a'iyotix ta awohlil. Mayuquix j'a'teletic ta awohlil, soc mayuquix sc'op molino ta awohlil.

Apocalipsis 11:12

Patil la ya'iyic ay mach'a tulan c'opoj ta ch'ulchan: La', mohanic tal li'i, xchi sc'oblalic. Hich q'uelel sit spisilic a te scontrahic, mohic bahel ta ch'ulchan ta tocal.

Apocalipsis 6:1

La jquil te Jcolel Tuminchij la sjam jun sello, soc la jca'iy te jun ta schanebal te bintic cuxajtic te c'opoj hich te bin ut'il chahwuc: La', xchi.

Apocalipsis 1:10

Ta sc'ahc'alel te Cajwaltic cuentahimbilon yu'un a te Espíritu, la jca'iy ay mach'a tulan c'opoj ta jpat hich te bin ut'il yoq'uel corneta,

Salmos 93:4

Te Jehová te ay ta toyol c'ax hich yip a te bin ut'il te sc'op bayel ha'etic, c'ax hich a te bin ut'il te tulan stselajan mar.

Salmos 92:3

ta scuenta sc'ayojil te decacordio soc te arpa, soc ta t'ujbil sc'op te lira.

Salmos 57:8

¡Cuxa awo'tan, jch'uhlel! ¡Cuxa awo'tan ha'ex arpa soc lira! Sahb me ya xhahchon.

Apocalipsis 8:7

Te sbabayal ch'ul a'bat la yoq'uesin te scorneta; xbuquet cohel ta lum q'uinal bat soc c'ahc' capal soc ch'ich'. Laj ta c'ahq'uel jun ta yoxeht'el te q'uinal, te'etic soc laj spisil te yaxal ha'maletic.

Zacarías 9:14

Te Jehová ya yac' sba ta ilel ta stojolic, hich ya xt'im bahel te ya'tejibal st'ihmalte' te bin ut'il tsantsehwal; Te Jehová, te Ajwalil, ya yoq'uesin te corneta, ya xbehen bahel ta guerra ta yohlil sutu-ic' ta stojol sur.

Isaías 17:13

Te pueblohetic hich ay yawic te bin ut'il xnilet ha'etic, pero Dios tulan me ya yutic, hich namal ya xloq'uic ta ahnel; ya xlichotic ta ic' hich te bin ut'il suhlil trigo ta witsiltic, hich te bin ut'il ts'u'lum ta stojol sutu-ic'.

Salmos 149:3

Halbeyahic yutsil sc'oblal ta scuenta ahc'ot, c'ayojtayahic soc pandero soc arpa,

Salmos 98:5

C'ayojtayahic c'ayojetic soc arpa te Jehová; soc arpa soc sc'ayojbil c'ayojetic.

Éxodo 20:18

Spisil te pueblo yac ya'iybelic st'ohmel te chahwuc soc te tsantsehwaletic, te yoq'uel te xulubil soc te wits yac ta loq'uel sch'ahilel. C'alal hich la yilic nihquic yu'un soc namal la yac' sbahic.

Salmos 147:7

Halbeya wocol ta c'ayoj te Jehová; c'ayojtayahic soc arpa te Dios cu'untique.

Salmos 43:4

Ya xnohpojon bahel ta stojol te scajtajib ta chiq'uel mahtanil yu'un Dios, ta stojol te Dios te ha tse'el co'tan soc te ha yutsil q'uinal ya ca'iy yu'un. Ya jc'ayojtayat soc arpa, Dios, Diosat cu'un.

1 Corintios 13:1

Teme ya xc'opojon ta sc'op winiquetic soc sc'op ch'ul a'batetic, pero teme mayuc sc'uxul co'tan, hich c'ohemon te bin ut'il campana te xcancon sc'op, o te bin ut'il platillo te stsintson sc'ope.

2 Crónicas 20:28

Ochic bahel soc salterio, arpa soc cornetahetic ta Jerusalén soc ta templo yu'un Jehová.