Apocalipsis 14:14 - Bible in Tzeltal Bachajón

¹⁴ Patil la jquil saquil tocal. Ay mach'a hucul ta sba te tocal, sjel ta Snich'an winic, ay corona ta sjol te pasbil ta oro, soc ta sc'ab ay hoz te ay ye.

Nuevo Testamento Tzeltal de Amatenango

¹⁴ La kil y la jta ta ilel jun sakil tokal, y ta sba te tokale, teꞌ nakal jtul te pajal sok gente yilele. Yichꞌoj jun skorona oro ta sjol y yichꞌoj ta skꞌab jun luk te beno yee.

Bible in Tzeltal de Oxchuc y Tenejapa

¹⁴ Ay yan la quil: Ja' te saquil tocale, soc ay mach'a nacal ta sba te ja' pajal soc te Nich'anile. Ay scorona ta sjol te pasbil ta oro, soc ay ta sc'ab te os te ay yee.

Apocalipsis 14:14 Referans Kwoze

Daniel 7:13

La jquil ta nahalsitil ta ahc'abal, ay mach'a yac ta talel ta tocal, pajal soc jtuhl snich'an winic; tal ta banti ay te Mamale, ac'ot te ya xnohpoj bahel ta stojol.

Isaías 19:1

Ha te bin halbot sc'oblal te Egipto: Ilawil te Jehová mohem ta sba tocal te ya x'ahnimaj bahel, ya x'och bahel ta Egipto. Te loc'ombahetic yu'un Egipto ya xnihquic ta stojol, soc xcham yo'tanic te egipciohetique.

Apocalipsis 1:13

soc ta yohlil te yawil c'ahc' ay mach'a hich yilel te bin ut'il snich'an winic, slapoj snahtil-c'u' te c'ohem c'alal ta yoc soc ay sbehch'il stahn pasbil ta oro.

Hebreos 2:9

Pero ya quiltic te Jesús, te peq'uel xan ac'ot jtebuc yu'un te ch'ul a'batetic, te a'botix yutsilal soc ich'el ta muc' ta scaj te c'ax swocol ta lajel, scuenta yu'un ya ya'iy lajel yu'un jpisiltic ta scuenta yutsil yo'tan Dios.

San Lucas 21:27

Ta hich ora ya me yilic te Nich'anil ay ta scuenta winic te yac ta talel ta tocal soc yu'el soc yutsilal.

San Mateo 17:5

Yac to ta c'op a, hulic ta axintesel yu'un tocal te ay sts'anabul, soc chicnaj c'op ta tocal te hich la yal: Ha Jnich'an ini te c'ux ta co'tan, te bayel yutsil co'tan yu'un. A'iybeya awa'iyic sc'op, xchi la ya'iyic.

Salmos 97:2

Ha joytaybil yu'un tocaletic soc yihc'al q'uinal; te bin toj ta pasel soc te stojil chahpanel ha yich'o-ip te smuc'ul-huctajibe.

Apocalipsis 6:2

Hich la jquil ay jcoht saquil cawu. Te mach'a cajal tey a yich'oj st'ihmalte' soc a'bot scorona, ha jtsalawal te loc' bahel ta ya'iyel tsalaw.

Apocalipsis 1:7

¡Ilawil! yac ta talel ta tocal; spisilic ya me yilic, soc nix te mach'atic la slowique; soc spisil ta chahp ants-winiquetic ta bahlumilal ya me yoq'uetay sbahic ta scuenta. Lec ay. Hichuc.

Ezequiel 1:26

Ta sba te bin limbil ta yahc'olal te sjolic ay bin chican te hich yilel te bin ut'il muc'ul huctajibal pasbil ta t'ujbil yaxal ton; soc ay mach'a te pajal soc winic yilel hucul ta bin pajal soc muc'ul huctajibal yilele.

Salmos 21:3

Yu'un loc'at ta stahel soc lequil bendicionetic, soc la awa'be scoronahin lequil oro.

Apocalipsis 20:11

La jquil muc'ul saquil huctajibal soc te mach'a hucul tey a; ahn bahel te ch'ulchan soc bahlumilal ta stojol, ma ba weht banti ya x'ayinic.

Apocalipsis 19:12

Hich yilel sit te bin ut'il yat c'ahc', soc ay bayel coronahetic ta sjol soc ts'ihbabil sbihil te mayuc mach'a yan ya sna', ha nax ya sna' stuquel.

Apocalipsis 11:17

hich la yalic: Ya calbatcotic wocol, Cajwaltic Dios te spisil ya xhu' awu'un, te atalel ayat soc te ayat ta namey, como la awich'ix te bayel awu'el soc hahchatix ta cuentahinwanej.

Apocalipsis 10:1

La jquil co tal ta ch'ulchan yan ch'ul a'bat te bayel yip, potsol ta tocal, soc ay xojob ta yahc'olal te sjole. Hich sit yelaw te bin ut'il c'ahc'al, soc hich yacan te bin ut'il bahlal c'ahc'.

San Marcos 4:29

C'alal yijubix a te site, ya yich' bojel ta hoz, yu'un la stahix yorahil ta tsobel, xchi.

San Mateo 13:30

Pajal ac'a coluc soc ha to ta yorahil ya yich' bojel; ta yorahil te ya yich' bojel hich ya calbe te jboj-trigohetic: Ha nahil xatsobic te aque, tomticlanahic ta chuquel yu'un ya yich' chiq'uel; yan te trigo tsobahic ochel ta snahul cu'un stuquel, ya me cut, xchi te Jesús.