Apocalipsis 14:13 - Bible in Tzeltal Bachajón

¹³ La jca'iy ay mach'a c'opoj tal ta ch'ulchan te hich la yalbon: Ts'ihbaya: Bayel me yutsilic te mach'atic ayic ta stojol Cajwaltic a te ya xway sbaq'uetalic li' bahele, xchi. Melel, xchi te Espíritu, ya me scux yo'tanic yu'un te ya'telic, como ya xt'unotic yu'un te ya'telique, xchi.

Nuevo Testamento Tzeltal de Amatenango

¹³ Jicha kaꞌiy jun xan kꞌop ta chꞌulchan te jich a yalbone: —Tsꞌibaya ta jun to: “Ben tsaꞌam slekil te ora to sok ta patil bael te machꞌatik ya xchamik ta skuenta te Kajwaltike —xchi. Sok la yal te Espiritue: —Ya me xkux yoꞌtanik yuꞌun te yaꞌtelike, sok ya me xꞌichꞌbot jkuenta yuꞌun te tut spasoje.

Bible in Tzeltal de Oxchuc y Tenejapa

¹³ Soc la caiy stojol te ay mach'a c'opoj tel ta ch'ulchane. Jich la yalbon: —Ts'ibuya ta jun in to: “Bin nax me yutsilic ta ora to soc ta sbajt'el q'uinal te animaetic te xch'uunejic Cajwaltic te lajique”, xi' me —la yuton. La yal te Espiritue: —Melel nix a. Ya me yich'ic lewa yu'un te yat'elique, soc ya me sjoinic tey a te yat'elique —xi'.

Apocalipsis 14:13 Referans Kwoze

Apocalipsis 20:6

Bayel yutsilic soc ch'uhltesbilic te mach'atic ya xcha'cuxajic ta primera buelta cha'cuxajel; ma ba ya xcuentahinotic yu'un te schebal buelta lajel, sacerdotehetic yu'un Dios soc yu'un Cristo ya xc'ohtic soc ya sjoquinic ta cuentahinwanej lajunwinic yoxbahc' (1,000) ha'bil.

1 Tesalonicenses 5:10

ha te mach'a laj cu'untic scuenta yu'un teme cuxulotic o wayem jbaq'uetaltic a pajal ya xcuxajotic soc.

1 Tesalonicenses 4:16

Ha nix te Cajwaltic ya xco talel ta ch'ulchan ta scuenta tulan aw ta mandar, soc sc'op jtsobaw ch'ul a'bat, soc te oq'uel yu'un te corneta yu'un Dios. Ha nahil ya xcha'cuxajic tal te mach'atic chamenic te ayic ta scuenta Cristo.

1 Corintios 15:58

Ha yu'un, quermanotac te c'uxex ta co'tan, ayuc me yip awo'tanic soc junuc me awo'tanic, spisil ora behbehuc me ta muc'ubel awu'unic te ya'tel te Cajwaltic, como ana'ojic te ma tojoluc ya xc'oht te awa'telic yu'un te Cajwaltique.

Apocalipsis 19:9

Soc hich la yalbon te ch'ul a'bat: Ts'ihbaya ini: Bayel me yutsilic te mach'atic ic'bilic ta we'el ta nuhpunel yu'un te Jcolel Tuminchij, xchi. Soc hich la yalbon xan: Ha smelelil c'op yu'un Dios ini, xchi.

Apocalipsis 21:5

Hich la yal te mach'a hucul ta muc'ul-huctajibal: Ya jpas ta yach'il spisil, xchi. Soc hich la yalbon: Ts'ihbaya ini, como te c'op ini ay ta ich'el ta cuenta soc smelelil, xchi.

Apocalipsis 6:11

Hich ac'ticlambot slapic saquil pac' soc halbotic te ya me smahliyic jtebuc xan, ha to teme ts'acay spisil te smohloltac soc te yermanotac te ya to xlajic ta milel hich te bin ut'il lajic ta milele.

2 Corintios 5:8

Pero jun co'tantic, soc co'tanticuc te ma ba ayotiquix ta jbaq'uetaltic, te ha ya joquintiquix te Cajwaltique.

Apocalipsis 16:17

Te shuquebal ch'ul a'bat la smal ta ic' te sbahl te copa yu'un, loc' tulan c'op ta templo, ta stojol te muc'ul-huctajibal, hich la yal: Hu'ix, xchi.

Isaías 35:10

Te mach'atic colemic ta libre yu'un te Jehová yaquic ta c'ayoj a ya suhtic tal ta Sión; spisil ora tse'el yo'tanic. Ay yutsil q'uinal ya ya'iyic soc tse'el-o'tanil, ya x'ahn bahel te mel-o'tan soc ahcan.

Salmos 19:11

Ha ya yich' tsitsel a te a'bat awu'une; ay muc' bin ya sta yu'un te ya yich' canantayel.

Salmos 85:13

Te toj-o'tanil ya xnahilij bahel ta stojol, ya schahpambe te sbe te Diose.

1 Tesalonicenses 4:14

Como teme jch'uhunejtic te cham te Jesús soc te cha'cuxaj, ha nix hich te Dios ya me yic' tal soc Jesús te mach'atic sch'uhunejic Jesús te wayem sbaq'uetalique.

1 Corintios 15:18

Ha nix hich te mach'atic sch'uhunejic Cristo a te way sbaq'uetalic, jc'axel ch'ayic te hichuque.

Romanos 14:8

Teme cuxulotic, ha ta scuenta Cajwaltic te cuxulotic; teme ya xchamotic, ha ta scuenta Cajwaltic te ya xchamotique. Ha yu'un teme cuxulotic o teme ya xchamotic, ha yu'unotic te Cajwaltique.

San Lucas 16:9

Ho'on ya calbeyex, lehahic mach'atic yac ac'uxultay abahic soc ta scuenta te c'uhlejalil yu'un te bahlumilale, scuenta yu'un te c'alal ya xlaj, ya me x'ic'otat ochel te banti ya x'ayinat sbahtel q'uinal.

San Mateo 3:17

Ay c'op chicnaj ta ch'ulchan te hich la yal: Ha Jnich'an ini te c'ux ta co'tan, te bayel yutsil co'tan ta stojol, xchi.

Apocalipsis 11:19

Jahm te templo yu'un Dios te ay ta ch'ulchan, chican ta yutil te templo te scaxahul te chapbil-c'op. Xliplajan tsantsehwaletic, xjuyet hahchel c'opetic, stsanlajan ta t'ohmel chahwuc, xyuq'uinaj nihquel, soc co tal niwac bat.

Apocalipsis 11:15

Te shuquebal ch'ul a'bat la yoq'uesin te scorneta, ay mach'atic tulan c'opojic ta ch'ulchan, hich yacalic ta yalel: Te cuentahinel yu'un te bahlumilal, ha yu'unix te Cajwaltic Dios soc te Cristo yu'une, ha ya xcuentahinwan sbahtel q'uinal, xchihic.

Apocalipsis 10:4

C'alal t'ohm te huqueb chahwuc, c'an jts'ihbay; pero la jca'iy te ay mach'a c'opoj ta ch'ulchan te hich la yalbon: Maca te bin la yalic te huqueb chahwuquetic, ma me xats'ihbay, xchi.

Apocalipsis 2:1

Ts'ihbabeya te ch'ul a'bat yu'un te iglesia te ay ta Éfeso: Hich ya yal te mach'a ay huqueb eq'uetic ta swa'el-c'ab soc te ya xbehen ta yohlil te huqueb yawil c'ahc' pasbil ta oro:

Filipenses 2:17

Aunque ya yich' malel jcuxlejal hich te bin ut'il malbil mahtanil ta sba te milbil mahtanil soc ta sba te a'batinel yac awaq'uic ta scuenta sch'uhunel awo'tanic, tse'el co'tan yu'un soc pajal tse'el co'tantic ta jpisiltic.

San Lucas 16:25

Pero halbot yu'un te Abraham: Jnich'an, na'a me te bayel bin lec la awich' te c'alal cuxulat a, yan te Lázaro ay bayel swocol; pero yo'tic a'botix smuc'ul yo'tan li'i, yan te ha'ate, ayat ta wocol.

Apocalipsis 1:11

te hich la yal: Ho'on te Alfa soc te Omega, te shahchibalon soc te slajibalon. Ts'ihbaya ta hun te bin yac awil soc ticona bahel ta stojol te huqueb iglesiahetic: ha te Éfeso, Esmirna, Pérgamo, Tiatira, Sardis, Filadelfia, soc te Laodicea, xchi la jca'iy.

Daniel 12:13

Pero te ha'ate, ya xbahat c'alal ta slajibal acuxlejal, yac acux awo'tan, soc ta slajibal c'ahc'al ya xhahchat yu'un yac awich' te bin ya xc'oht ta acuenta, xchi.

1 Corintios 15:20

Pero cha'cuxajemix tal Cristo ta yohlil mach'atic chamenic, ha sba sit c'ohem yu'un te mach'atic wayem sbaq'uetalique.

1 Timoteo 5:24

Ay mach'atic chican ta ora te smulic te c'alal ma to x'ochic ta ich'el ta c'op yu'un a; pero ay yantic te patil to ya xchicnaj.

1 Timoteo 5:25

Ha nix hich ya xchicnaj te lequil a'teliletic, soc te lequil a'teliletic te mucul ayic ya me sta yorahil te ya xchicnaj.

Apocalipsis 2:7

Te mach'a ay schiquin, ac'a me ya'iy te bin ya xhalbot yu'un te Espíritu te iglesiahetique. Te mach'a ya ya'iy tsalaw, ya ca'be slo'be sit te te' scuenta cuxlejal te ay ta yutsil ts'unubil q'uinal yu'un Dios, xchi.

Apocalipsis 22:17

Te Espíritu soc te Jnuhpunel Ach'ix ya yalic: La' me, xchihic. Te mach'a ya ya'iybe sc'op, hich ac'a yal: La' me, xchihuc. Ac'a taluc te mach'a taquin yo'tan. Mach'ayuc a te ya sc'an, smahtan ac'a yuch' te ha' scuenta cuxlejal.