Apocalipsis 14:10 - Bible in Tzeltal Bachajón

¹⁰ ha nix hich ya me yuch' te vino scuenta yilimba Dios te mayuc scahp a ya xcohcombot ta stasahil te yilimba Dios. Ya x'a'bot swocolic ta c'ahc' soc azufre ta stojol te ch'ul a'batetic soc ta stojol te Jcolel Tuminchij.

Nuevo Testamento Tzeltal de Amatenango

¹⁰ ya me yichꞌ te tulan kastigo yuꞌun Dios, te jich chapalix te maꞌyuk skꞌap te ayix ta yawil yuꞌun te kastigo yuꞌun Diose. Y ya me xꞌaꞌbot kꞌaxuk bayal swokolik ta kꞌajkꞌ y sok asufre ta stojol te chꞌul angeletik y sok te Chꞌin Karnerae.

Bible in Tzeltal de Oxchuc y Tenejapa

¹⁰ ya me x'ac'bot yuch'ic te vino, ja' te yilimba Dios te xujt' ma'yuc scape, te nojel yu'un a te vasoe. Ya me x'ac'bot c'axuc bayal swocolic ta c'ajc' te yac ta tilel ta azufre ta sitic te ch'ul abatetic yu'un te Diose soc ta sit te Alalchije.

Apocalipsis 14:10 Referans Kwoze

Isaías 51:17

Wic'a asit, wic'a asit, hahchan, Jerusalén, ha'at te la awuch'be yilimba ta copa te ay ta sc'ab te Jehová, te la awuch' spisil te copa te ya yac' te xhanlajanic ya xbehenic yu'une.

Apocalipsis 16:19

Oxeht' loc' a te muc'ul pueblo soc hemts'uj cohel te muc'ul pueblohetic yu'un te nacionetic. Dios la sna' te muc'ul Babilonia, la ya'be yuch' te vino yu'un yilimba te ay ta copahe.

Salmos 75:8

Ay copa ta sc'ab te Jehová, pajubenix te vino soc capbilix; ha ya smal cohel, spisil mach'atic chopolic ta bahlumilal ya me slajinic yuch'el.

Salmos 11:6

Ta stojol te mach'atic chopolic ya me yac' cohuc tal wocoletic hich te bin ut'il ha'al; ya x'a'bot yich'ic ac'al, azufre soc c'ahc'al ic'.

Apocalipsis 20:10

Soc te pucuj, te lo'loyotic yu'un, ch'ojot ochel ta banti yac ta tihlel pamal c'ahc' soc azufre, te banti ay te chambahlam te xiweltic sba soc te lotil jalwanej; c'ahc'al ahc'abal ya xc'ax swocolic sbahtel q'uinal tey a.

Apocalipsis 19:20

La yich' tsaquel te chambahlam te xiweltic sba soc te lotil jalwanej te la yac'ticlan ta ilel señahiletic ta stojol, te ha la slo'loylan a te mach'atic la yich'beyic te marca yu'un te chambahlam te xiweltic sba soc te la sch'uhuntayic te sloc'ombahil. Schebalic cuxul a la yich'ic ch'ojel ochel ta pamal c'ahc' te yac ta tihlel soc azufre.

Apocalipsis 18:6

Sutbeyahic spacol hich te bin ut'il spasbeyej yantic; cheb buelta a'beya stoj te bintic spasoje. Tey nix ta copa banti la schahpan ta uch'el, chahpanahic cheb buelta te bin ya yuch'e.

Apocalipsis 21:8

Yan te mach'atic ay xiwel ta yo'tanic, te ma sch'uhunic, te chopolic, jmilawetic, j'antsiwejetic, j'antsineletic, j'ilojeletic, mach'atic sch'uhunejic loc'ombahetic soc spisil jlotetic ha yu'unic ya xc'oht te banti yac ta tihlel pamal c'ahc' soc azufre. Ha te schebal buelta lajel abi, xchi te Diose.

San Mateo 25:41

Soc hich me ya yalbe te mach'atic ayic ta q'uexam: Loc'anic ta jtojol, ha'ex te ma lecuc ac'oblalic, bahanic ta c'ahc' te sbahtel q'uinal ay, te chahpambil yu'un te pucuj soc te a'batetic yu'une,

Job 21:20

Ac'a yil ta sitic te sjinel, ac'a yuch'be te yilimba te Mach'a spisil ya xhu' yu'une.

Deuteronomio 29:23

Spisil te q'uinal ha azufre soc ats'am, c'ahq'uem spisil te lum, mayuc bin ya yich' ts'unel soc mayuc bin ya sitin, ni junuc ha'mal ya xch'ihy tey a, hich te bin ut'il c'oht ta pasel c'alal laj te Sodoma, Gomorra, Adma soc Zeboim, te la slajinlan te Jehová ta scuenta sc'ahc'al yo'tan soc yilimba.

Génesis 19:24

Hich te Jehová la yac' tal ta ch'ulchan azufre soc c'ahc' ta stojol Sodoma soc Gomorra.

Judas 1:7

Hich te bin ut'il te Sodoma soc Gomorra soc te pueblohetic ta sjoyobal, ha nix hich la ya'iyic chijil-o'tanil soc la spasic te bin ya scontrahin te stalel te baq'uete. Yich'oq'uehlic c'oht te bin ut'il c'ax swocolic yu'un castigo ta c'ahc' sbahtel q'uinal.

Isaías 30:33

Como ayix c'ahc'al chapal te Tofet, chapalix yu'un te ajwalile. Jamal soc c'ubul la yich' pasel te yawil c'ahc' yu'un, soc bayel c'ahc' soc si'. Te yic'al Jehová ya schic' te si' hich te bin ut'il bayel azufre te ya xmal bahel.

Apocalipsis 18:3

Como spisil te nacionetic yuch'ojic te vino yu'un te yajmule. Te ajwaliletic ta bahlumilal spasojic mulil soc te antse, soc c'uhlejubenic te jchombajeletic ta bahlumilal yu'un te bayel bintic mulambil yu'une, xchi sc'oblal.

Habacuc 2:16

Yac awac' te bayel yac ata q'uexlal, ma ha'uc ich'el ta muc'; ha nix hich yac awuch' ha'at soc ya xchicnaj abaq'uetal, te copa ay ta swa'el sc'ab Jehová ya xc'oht ta atojol, soc ya sutp'in ta q'uexlal te awutsilale.

Ezequiel 20:48

Spisil bintic cuxajtic ya me yilic te ho'on Jehovahon la jtsumbe sc'ahc'al, soc ma ba ya xtup', xchi.

Jeremías 25:27

Soc hich me xawalbe: Hich yaloj te Jehová te scuentahinej spisil, te Dios yu'un Israel: Uch'anic, yacubanic soc xehenanic, yahlanic, ma xhahchexix, ta scaj te espada te ya jticon tal ta atojolique.

Isaías 34:9

Te uc'umetic yu'un Edom ya xc'atp'ujic ta xuch', te sts'ubilum ya xc'atp'uj ta azufre; te sq'uinal ya xc'atp'uj ta xuch' te stsacoj c'ahc'.

Isaías 29:9

¡Coma abahic, xchamuc awo'tanic, mahcuc asitic, ts'o'situc ya xhilex! ¡Yacubenic, pero ma yu'unuc vino, xhanlajanuquex, pero ma yu'unuc tulan uch'balil!

San Mateo 26:39

Jihts xan bahel stuquel, c'oht spahcan sba ta lum ta sc'oponel Dios, hich la yal: Jtat, ayuc bin ut'il ma ba ya cuch' te copa ini; pero ma me ha'uc ya xc'oht ta pasel te bin ya sc'an co'tan, ha me ac'a c'ohtuc ta pasel te bin ya sc'an awo'tan te ha'ate, xchi.

San Mateo 20:22

La sjac' te Jesús: Ma xana'ic bin yac ac'ambelic. ¿Ya bal xhu' awu'unic yuch'el te vaso te ho'on ya xbaht cuch', soc ya bal xcuhch awu'unic teme hich ya xc'oht ta acuentahic te bin ya xc'oht ta jcuenta te ho'one? xchi sc'oblalic. Yac, ya xhu' cu'uncotic, xchihic.

Lamentaciones 4:21

¡Tse'eluc me awo'tan, ayuc me yutsil awo'tan, yantsil-nich'anat Edom; ha'at te ya xnahinat ta sq'uinal Uz! Ha nix ya xc'oht ta atojol te copa, ya me xyacubat soc watal ya xhilat.

Jeremías 51:57

Ya jyacubtesbe te príncipaletic soc te p'ijil winiquetic yu'un, te jtsobawetic, te mach'atic ich'bilic ta cuenta soc te soldadohetic yu'une. Ya xwayic sbahtel q'uinal, ma ba ya xcuxix yo'tanic, xchi te Ajwalil, te Jehová te scuentahinej spisil te sbihile.

Jeremías 49:12

Hich yaloj te Jehová: Te mach'atic ma ba a'botic yuch' te copa yu'un castigo, ya me yuch'ic. ¿Yu'un bal libre ya xhilat yu'un spisil? ¡Ma ba ya xhilat ta libre, ya me awuch'!

Salmos 91:8

Yac awil ta asit, yac awil ya x'a'bot stojic te mach'atic chopolic.

Salmos 60:3

La awa'be yil tulan pruebahetic te pueblo awu'un; la awa'botcotic vino te ya x'ahlajanotcotic yu'une.

Salmos 37:34

Mahliya te Jehová soc t'umbeya sbe; ha me ya yac' tohyuc ac'oblal yu'un yac awich' hilel te q'uinale. Ya me awil te ya yich'ic lajinel te mach'atic chopol yo'tanique.

Job 18:15

Ya xnahinic ta nahilpac' te ma ha'uquix yu'un, ya yich' puhquel asufre ta sba sna.

Salmos 73:10

Ha yu'un te pueblo yu'un Dios ya st'unic, soc ya sch'uhunic bintic ya xhalbotic yu'un.

Salmos 52:6

Te mach'atic toj yo'tanic ya me yilic soc ya me xi'ic; ya me stse'layic, hich me ya yalic:

Ezequiel 38:22

Ya ca'be castigo te Gog ta jmilawal-chamel soc malel ch'ich'; ya cac' tulan ha'al te ay yic'al, ay bat, c'ahc' soc azufre ta stojol Gog, ta stojol te soldadohetic yu'un soc te bayel pueblohetic te sjoquineje.

San Marcos 8:38

Teme ay mach'a ya xq'uexaw ta jcuenta soc ta scuenta te jc'op ta yohlil te jcaj ts'umbalil ini te ha j'antsiwejetic soc jmulawiletic, ha nix hich te Nich'anil ay ta scuenta winic ya me xq'uexaw yu'un te c'alal ya xtal soc yutsilal te Stat soc te ch'ul a'batetique, xchi.

Hechos 10:22

La sjaq'uic: Te Cornelio, te capitán-soldado te lec yo'tan ta winiquil soc yich'oj ta muc' te Dios, soc te lec sc'oblal ta stojol spisil te nación yu'un te judíohetic, pasot ta mandar yu'un jtuhl ch'ul a'bat te ya me xtalat ta sna scuenta yu'un ya ya'iybat ac'op, xchihic.

2 Tesalonicenses 1:7

soc te ha'ex te ay awocolic ya ya'beyex acux awo'tanic soc ho'otcotic te c'alal ya xchicnaj cohel tal ta ch'ulchan ta yohlil yat c'ahc' te Cajwaltic Jesús soc te ch'ul a'batetic yu'un te ay yipic,

Apocalipsis 15:7

Jun ta schanebal bintic cuxajtic la yac'ticlambe te huqueb ch'ul a'batetic huqueb copahetic pasticlambil ta oro nojelic ta yilimba Dios te stalel cuxul sbahtel q'uinal.

Apocalipsis 19:15

Ta ye yac ta loq'uel espada te ay ye te ya yehchentes a te nacionetic, soc tulan me ya scuentahinlan soc sbaston-taq'uin. Ya sp'e' te ya'lel ts'usub ta sp'e'ojibal te yilimba Dios te spisil ya xhu' yu'une.

Apocalipsis 20:14

Te lajel soc te stsobojibal mach'atic chamenic ch'ojotic ochel ta banti yac ta tihlel pamal c'ahc'. Ha schebal buelta lajel abi.

San Marcos 9:44

ta banti ma xcham shahulic soc mayuc bin ora ya xtup' te sc'ahc'ale.