Apocalipsis 14:1 - Bible in Tzeltal Bachajón

¹ Patil la jquil teq'uel ta wits Sión te Jcolel Tuminchij, joquimbil yu'un waxaclajunpic (144,000) ta tuhl te ts'ihbalambil ta sti'bahic te sbihil soc te sbihil te State.

Nuevo Testamento Tzeltal de Amatenango

¹ La kil te chꞌin karnerae, te kotol te ba ay te wits Sione. Sjoyinej te siento kuarenta y kuatro mil ta jtul genteetike te yichꞌojlan tsꞌibayel ta stiꞌsbaik te sbiil te Chin Karnera y sok te State.

Bible in Tzeltal de Oxchuc y Tenejapa

¹ Patil ay yan la quil. Ja' te Alalchij teq'uel ta bay sba te wits Sione. Sjoinej tey a te waxaclajunwinic ta jbajc' (144,000) ta jtul te ts'ibubil ta stibaic sbiil te Alalchije soc sbiil te State.

Apocalipsis 14:1 Referans Kwoze

Joel 2:32

Spisil te mach'atic ya sc'opon Jehová ta scuenta sbihil ya me xcolic; como ta wits Sión soc ta Jerusalén ay me colel, hich te bin ut'il yaloj te Jehová, ta yohlil te mach'atic cuxulic hilel ay mach'atic ya x'ic'otic yu'un Dios.

Apocalipsis 3:12

Te mach'a ya ya'iy tsalaw, ya cac' te ha yoyal ya xc'oht ta templo yu'un te Dios cu'un, soc mayuc bin ora ya xloc' tey a. Tey nix ta stojol ya me jts'ihbabe te sbihil te Dios cu'un soc te sbihil te muc'ul pueblo yu'un te Dios cu'un, ha te yach'il Jerusalén te ya xco tal ta ch'ulchan ta stojol te Dios cu'un; soc ya jts'ihbay te yach'il jbihile.

San Lucas 12:8

Ya calbeyex te spisil mach'a jamal ya yal ta stojol ants-winiquetic te ya sna'bon jba, ha nix hich te Nich'anil ay ta scuenta winic jamal me ya yal ta stojol te ch'ul a'batetic yu'un Dios te ya sna'be sba ec.

Miqueas 4:7

Te coxo'etic ya cac' te ha'ic te mach'atic hilemic, te mach'atic puhquemic ya cac' te ha tulan nación ya xc'ohtic. Ya xcuentahinotic yu'un Jehová ta wits Sión, ta ora ini soc ta sbahtel q'uinal.

Romanos 9:33

hich te bin ut'il ts'ihbabil: Ilawil, ta Sión ya cac' jun ton scuenta c'ohchinojibal, soc muc'ul ton te ya xyahlteswan; te mach'a ha ya sch'uhun, ma ba ya sta q'uexlal yu'un, xchi.

Salmos 2:6

Ho'on la jcotses te ajwalil cu'un ta Sión, te ch'ul wits cu'un, xchi.

Apocalipsis 14:14

Patil la jquil saquil tocal. Ay mach'a hucul ta sba te tocal, sjel ta Snich'an winic, ay corona ta sjol te pasbil ta oro, soc ta sc'ab ay hoz te ay ye.

Apocalipsis 15:5

Patil la jquil ta ch'ulchan te jahm te nahilpac' templo yu'un te testigo-c'op.

Isaías 49:14

Pero hich la yal te Sión: La yihquitayon te Jehová, ch'ayon ta yo'tan te Cajwaltic, xchi.

Apocalipsis 6:8

Hich la jquil ay jcoht c'anal cawu. Te mach'a cajal tey a, Lajel te sbihile, ha t'umbil yu'un te Yawil mach'atic chamenic. A'bot ta scuenta jun ta schanxeht'el te bahlumilal yu'un ya smil ta espada, ta wi'nal, ta tulan chamel soc ta ti'awal chambahlametic.

Apocalipsis 4:1

Patil la jquil, ay jamal ti'nahil ta ch'ulchan. Te c'op la jca'iy ta nahil te sjel ta yoq'uel corneta, hich la yal: Mohan tal li'i, ya ca'bat awil bintic ya xc'oht ta pasel ta patil, xchi.

Zacarías 4:2

La sjoc'obon: ¿Bin yac awil? xchi. La jac'be: Ya quil jun scajtajib c'ahc' pasbil ta oro te ay yawil aceite ta yahc'olal soc huqueb yawil c'ahc', soc huqueb tubohetic yu'un te yawil c'ahc' ayic ta sba.

Amós 8:2

Hich la sjoc'obon: ¿Bin yac awil, Amós? xchi. Jun moch te nojel ta sit awal-ts'unubil te sc'analix, xchihon. La yalbon te Jehová: Talix yorahil slajibal te Israel te pueblo cu'une; ma ba ya jpasbeyix perdón.

Daniel 12:5

Ho'on te Daniel la jquil ay cha'tuhl yantic te tec'ajtic, jtuhl ta jehch muc'ul-ha', jtuhl ta yan jehch.

Ezequiel 44:4

La yic'on bahel ta ochibal ta stojol norte ta stojol te templo; la jquil te noj ta yutsilal Jehová te sna Jehová; la jpahcan jba c'alal ta lum.

Ezequiel 10:1

Patil la jquil te ta sba te bin limbil ta yahc'olal te sjolic te querubinetic ay bin chican te hich yilel te bin ut'il t'ujbil yaxal ton, te hich yilel te bin ut'il muc'ul huctajibal.

Ezequiel 8:7

La yic'on bahel ta yochibal te yamaq'uil, la jquil te ay banti hotol te sts'ahcule.

Ezequiel 2:9

Hich la jquil jun c'abal te yac'oj talel ta jtojol, stsacoj jun balbil hun.

Ezequiel 1:4

La jquil yac ta talel tulan ic'al-ha'al ta norte soc muc'ul tocal capal ta c'ahc' yac ta tihlel, soc tulan sacal q'uinal ta sjoyobal. Ta yohlil te c'ahc' ay bin ay tey a te pajal soc bronce te xlipet yilel;

Jeremías 1:11

Tal sc'op Jehová ta jtojol, hich la yal: Jeremías, ¿bin yac awil? xchi. Ya quil sc'ab almendro, xchihon.

Ezequiel 10:9

Ta sts'ehl te querubinetic la jquil ay chaneb yoc carretahetic, jun yoc carreta ta sts'ehl te jujun querubín. Hich yilel te yoc carretahetic te bin ut'il yax-el'el ton.

Ezequiel 9:4

hich la yalbe: C'axan ta yohlil te pueblo, ha te Jerusalén, a'beya seña ta sti'ba te mach'atic ya x'ahcanajic soc ya x'awonic ta scaj spisil te bintic ilobtic sba te ya yich' pasel tey a, xchi.

Apocalipsis 14:3

Yac sc'ayojtaybelic yach'il c'ayoj ta stojol te muc'ul-huctajibal soc ta stojol te chaneb bintic cuxajtic soc te mamaletic. Mayuc mach'a ya xhu' yu'un snopel te c'ayoj, ha nax stuquel te waxaclajunpic (144,000) ta tuhl te mambil scolelic ta yohlil te mach'atic ayic ta bahlumilale.

Apocalipsis 22:4

ya me yilbeyic sit yelaw, soc ay ta sti'bahic te sbihile.