Apocalipsis 13:15 - Bible in Tzeltal Bachajón

¹⁵ A'bot te ya ya'be yich' ic' te sloc'ombahil te chambahlam te xiweltic sba, scuenta yu'un ya xhu' ya xc'opoj te loc'omba soc ya yac'ticlan ta milel spisil te mach'atic ma ba ya xch'uhuntayot yu'une.

Nuevo Testamento Tzeltal de Amatenango

¹⁵ Y te xchebal chanbalam te xiꞌbentik sbae aꞌbot spoder te ya yaꞌbe xkuxlejal te slokꞌol primero chanbalam te xiꞌbentik sbae. Yuꞌun te slokꞌol abi ya me xkꞌopoj, y ya me smil spisil te machꞌatik ma xyichꞌik ta mukꞌe.

Bible in Tzeltal de Oxchuc y Tenejapa

¹⁵ Soc ac'bot ta swenta te ya yac' cuxinuc sloc'omba te sbabial chambalam te xi'bantic sbae, swenta yu'un jich me ya xc'opoj te loc'ombae soc swenta yu'un jich ya yac' ta milel spisil te mach'a ma sc'an slajin sbaic ta stojole.

Apocalipsis 13:15 Referans Kwoze

Apocalipsis 20:4

La jquil muc'ul-huctajibaletic, soc huculic tey a te mach'atic a'bot ya'telic ta chahpanwanej. Soc la jquilbe sch'uhlelic te mach'atic xot'bot sjolic ta scaj te testigo-c'op yu'un Jesús soc ta scaj te sc'op Dios, ha te mach'atic ma ba la sch'uhuntayic te chambahlam te xiweltic sba o te sloc'ombahil, soc ma ba la yich'beyic smarca ta sti'bahic o ta sc'abic; la yich'ic scuxlejalic soc la sjoquinic Cristo ta cuentahinwanej lajunwinic yoxbahc' (1,000) ha'bil.

Apocalipsis 19:20

La yich' tsaquel te chambahlam te xiweltic sba soc te lotil jalwanej te la yac'ticlan ta ilel señahiletic ta stojol, te ha la slo'loylan a te mach'atic la yich'beyic te marca yu'un te chambahlam te xiweltic sba soc te la sch'uhuntayic te sloc'ombahil. Schebalic cuxul a la yich'ic ch'ojel ochel ta pamal c'ahc' te yac ta tihlel soc azufre.

Apocalipsis 16:2

Hich baht te primer ch'ul a'bat, la smal ta lumq'uinal te sbahl te copa yu'un, chicnaj chacaletic te chopol soc c'ux ta stojol te mach'atic yich'ojic te marca yu'un te chambahlam te xiweltic sba soc te la sch'uhuntayic te sloc'ombahile.

Apocalipsis 18:20

¡Tse'elucat me yu'un, ha'at ch'ulchan, soc ha'ex te ch'ultesbilex, jpuc-c'opex soc jalwanejex, como Dios la ya'be castigo ta acuentahic!

Apocalipsis 17:6

La jquil te ants yacuben yu'un te sch'ich'el te mach'atic ch'uhltesbilic soc te sch'ich'el te mach'atic lajemic ta milel ta scuenta Jesús. Mero xcham co'tan yu'un te c'alal la jquil te antse.

Apocalipsis 14:11

Sbahtel q'uinal xtomomet ya xmo sch'ahilel te swocolique. Ma ba ya scux yo'tanic c'ahc'al ahc'abal te mach'atic ya sch'uhuntayic te chambahlam te xiweltic sba soc te sloc'ombahil, soc te ya yich'be te marca yu'un te sbihile, xchi.

Apocalipsis 14:9

Tap'al tal ta spatic te yoxebal ch'ul a'bat te hich la yal ta tulan: Teme ay mach'a ya sch'uhuntay te chambahlam te xiweltic sba soc te sloc'ombahil, soc te ya yich'be smarca ta sti'ba o ta sc'ab,

Apocalipsis 13:14

Ya slo'loylan mach'atic nahinemic ta bahlumilal ta scuenta te señahiletic ya x'a'bot spas ta stojol te chambahlam te xiweltic sba, ya spasticlan ta mandar te ya me spasbeyic sloc'ombahil te chambahlam te xiweltic sba te ehchentesot ta espada pero cuxaj.

Daniel 7:25

Ya scontrac'optay te Mach'a mero toyol ay, ya me yuts'inlan te mach'atic ch'uhltesbilic te ha yu'unic te Mach'a mero toyol ay, soc ya snop te ya sjeltay te tiempohetic soc te Ley; te mach'atic ch'uhltesbilic ya x'a'botic ta sc'ab jun tiempo, cheb tiempo soc ohlil tiempo.

Apocalipsis 18:24

Tey ta Babilonia chicnaj te sch'ich'el jalwanejetic soc te mach'atic ch'uhltesbilic soc spisil te lajemic ta milel ta bahlumilal, xchi sc'oblal.

Apocalipsis 17:17

Como Dios la ya'be ta yo'tanic te ya spasic te bin la sc'an yo'tan stuquel, ha te ya schap sc'opic ta yajwalinel te chambahlam te xiweltic sba ha to c'alal ts'acal ya xc'oht te sc'op te Diose.

Jeremías 51:17

Ha sonso spisil ants-winiquetic, ma sna'ic q'uinal. Spisil te mach'atic ya spasic loc'ombahetic ya xq'uexawic yu'un, como lotil te loc'ombahetic, mayuc scuxlejal.

Jeremías 10:14

Spisil ants-winiquetic sonsohic, ma sna'ic q'uinal; spisil te j'ultesej-taq'uin ya xq'uexawanic yu'un te loc'omba yu'une; como lotil te bin spasoje, ma ba cuxul.

Jeremías 10:5

Te loc'ombahetic yu'unic ma xc'opojic hich te bin ut'il xutax ta banti ts'umbil melón; ya x'ich'otic bahel yu'un ma xhu' ya xbehenic. Ma me xaxi'ic, mayuc bin chopol soc mayuc bin lec ya xhu' ya spasic, xchi te Jehová.

Salmos 115:5

Ay yehic, pero ma xc'opojic; ay sitic, pero ma xyilic q'uinal;

Génesis 2:7

Dios la spas te winic ta ts'ubil lum, la shuhxibe sni' ta ic' yu'un cuxlejal, hich cuxaj.

Apocalipsis 17:14

Ya me ya'beyic guerra te Jcolel Tuminchij, pero ya me xtsalotic yu'un, como ha principal yu'un principaletic soc ha Ajwalil yu'un ajwaliletic; soc te mach'atic sjoquinejic, ha'ic te mach'atic ic'bilic, tsahbilic soc te jun yo'tanic ta stojol, xchi.

Apocalipsis 16:5

La jca'iy c'opoj te ch'ul a'bat te scuentahinej te ha'etic, hich la yal: Ha stojil te bin ut'il hich la awa'be stoj, Cajwal, ha'at te atalel ayat soc te atalel ayat ta namey, Ch'ul Diosat,

Santiago 2:26

Hich te bin ut'il chamen baq'uet teme mayuc sch'uhlel, ha nix hich chamen te sch'uhunel-o'tanil teme mayuc ya'telule.

Habacuc 2:19

¡Obol sba te mach'a hich ya yalbe te te': Cuxa awo'tan, soc te ya yalbe te ton te ma xc'opoj: Hahchan, te xchihe! ¿Ya bal xhu' ya xnohpteswan? Aunque potsbil ta oro soc ta plata, mayuc sch'uhlel.

Daniel 7:20

Soc ha nix hich co'tanuc la jca'iybe sc'oblal te lajunch'ix xulubil te ayic ta sjol, soc te yan tut xulubil te loc' talel, te yahlem oxch'ix xulubil ta stojol, ha te xulub te ay sit soc te ay ye te yac ta yalel bayel toyba-c'op, soc te ha muc' xan te bin ut'il te yantic xulubiletique.

Apocalipsis 13:1

La jtehc'an jba ta shi'al ti'mar, la jquil loc' tal ta mar jcoht chambahlam te xiweltic sba te ay huqueb sjol soc lajunch'ix xulub. Yahtalal scorona te jujuch'ix xulub, soc ta jujun sjol ay sbihil te ya xbohlc'optaywan.

Apocalipsis 13:12

Ta stojol te nahil chambahlam te xiweltic sba ya stuhun spisil te tulan ya'tel yich'oje. Spisil te mach'atic nahinemic ta bahlumilal ha ya ya'be sch'uhuntayic te shahchibal chambahlam te xiweltic sba te c'ax te yehchen scuenta lajel.