Apocalipsis 12:9 - Bible in Tzeltal Bachajón

⁹ La yich' ch'ojel cohel te muc'ul dragón, ha te antiguo chan, te Pucuj soc Satanás sbihil, ha te ya slo'loy spisil te bahlumilale. Ch'ojot cohel ta bahlumilal soc te a'batetic yu'une.

Nuevo Testamento Tzeltal de Amatenango

⁹ Jich a yichꞌik chꞌojel lokꞌel te mukꞌul chane. Jaꞌ te antibo chan te pukuj sbiil, sok Satanas sbiil ekꞌa. Jaꞌ te ya sloꞌlay spisil te genteetik ta balmilale. Te pukuje y sok te angeletik yuꞌune chꞌojtalanot tal koel ta balmilal.

Bible in Tzeltal de Oxchuc y Tenejapa

⁹ Jich la yich' ch'ojel loq'uel ta fuera te muc'ul chan te xi'bantic sbae. Ja' te namey q'uinal muc'ul chan te Pucuj sbiil soc Satanás sbiil te ya slo'lay spisil te mach'atic ainemic ta balumilale. Te Pucuje soc te abatetic yu'une, la yich'ic ch'ojel coel ta balumilal.

Apocalipsis 12:9 Referans Kwoze

San Lucas 10:18

Hich halbotic yu'un te Jesús: La jquil te hich ch'ay cohel tal ta ch'ulchan te Satanás te bin ut'il tsantsehwal.

San Juan 12:31

La stahix yorahil te ya x'och ta ich'el ta c'op te mach'atic ayic ta bahlumilal; la stahix yorahil te ya yich' loq'uesel te principal yu'un te bahlumilal ini.

Apocalipsis 20:10

Soc te pucuj, te lo'loyotic yu'un, ch'ojot ochel ta banti yac ta tihlel pamal c'ahc' soc azufre, te banti ay te chambahlam te xiweltic sba soc te lotil jalwanej; c'ahc'al ahc'abal ya xc'ax swocolic sbahtel q'uinal tey a.

1 Juan 5:19

Jna'ojtic te ho'otic yu'unotic Dios, soc te ay ta sc'ab pucuj swohlol te bahlumilale.

2 Corintios 4:4

ha te mach'atic ma xch'uhunic, te macbibil spensaric yu'un te dios yu'un te bahlumilal ini, scuenta yu'un ma ba ya yilic te sacal q'uinal yu'un te lec yach'il c'op yu'un te yutsilal te Cristo, te ha slop'tayej sba a te Diose.

Isaías 14:12

¡Ilawil bin ut'il ch'ayat cohel tal ta ch'ulchan, ha'at te sacubel ec', yal-snich'anat sacubel q'uinal! La awich' ch'ojel cohel tal ta lumq'uinal, ha'at te la alajimbe yip te nacionetique.

Génesis 3:1

Te chan ha bayel xan sp'ijil yu'un lo'loywanej a te bin ut'il spisil yantic chambahlametic ta q'uinal te pasticlambil yu'un Dios. Hich la yalbe te antse: ¿Hich bal la yalbat te Diose: Ma me xalo'be sit spisil te te'etic ayic ta ts'umbil q'uinal, xchi bal te Diose? xchi.

Apocalipsis 12:7

Hahch guerra ta ch'ulchan: te Miguel soc te ch'ul a'batetic yu'un la stsal sbahic soc te dragón. Te dragón soc te a'batetic yu'un la ya'beyic guerra,

San Juan 8:44

Te ha'exe, ha yu'unex te atatic, ha te pucuje, soc yac apasbeyic te bin ya sc'an yo'tan te atatique. Stalel jmilaw c'alal shahchibal, mayuc bin ora melel te sc'ope, como stalel mayuc smelelil c'op yu'un. C'alal ya ya'iy lot, ha nix sc'op ya yal, como mero jlot stuquel soc ha tatil yu'un lot.

Isaías 65:25

Te ha'mal-ts'i' soc te alal-tuminchij ya me sjoquin sbahic ta we'el, te choj ya me swe' ac hich te bin ut'il j'a'tel-wacax, yan te chane ya me swe'elin ts'u'lum. Ma ba ya yuts'inic soc ma ba ya sjinic ta spisil te ch'ul wits cu'un, xchi te Jehová.

Apocalipsis 20:8

ya xloc' slo'loylan te nacionetic ayic ta schanxuhcul bahlumilal, ha te Gog soc Magog, yu'un ya stsob tal ta guerra. Hich yipalic te bin ut'il shi'al mar.

Apocalipsis 12:3

Ay yan seña chicnaj ta ch'ulchan: jun tsajal dragón te ay huqueb sjol soc lajuneb xulub, soc jujun corona ta jujun sjol.

Apocalipsis 9:1

Te yo'ebal ch'ul a'bat la yoq'uesin te scorneta; la jquil ay ec' ch'ay cohel tal ta ch'ulchan, hul ta bahlumilal. A'bot te llave yu'un te xahabe.

Apocalipsis 2:24

Yan te jayeb xan ayex ta Tiatira, te ma hichuc ay snopojibal awu'unic soc ma ba anopbeyejic te bin muquen ay yu'un te Satanás te ya yalic, hich ya calbeyex: Mayuc yan ihcatsil ya ca'beyex acuchic;

Apocalipsis 2:13

Ya jna' banti nahinemat, ta banti ay te shuctajib te Satanás. Pero stalel jun awo'tan ta jtojol, ma ba amucoj ta awo'tan te ach'uhunejon, ni ha'uc te c'alal laj ta awohlilic te Antipas te testigo cu'un te jun yo'tan ta jtojol, tey ta banti nahinem te Satanás.

1 Pedro 5:8

P'ijanic me soc wic'sitaya me abahic, como te acontrahic, ha te pucuj, bayuc yac ta behel, hich te bin ut'il choj, ta slehel mach'a ya slajin.

2 Corintios 11:14

Ma me yanuc yac awa'iyic a, como ha nix hich te Satanás ya sp'is sba ta ch'ul a'bat yu'un sacal q'uinal.

2 Corintios 2:11

scuenta yu'un ma ba ya stsalotic a te Satanás, como jna'ojtic te bin ya spas ta lo'loywanej stuquel.

Romanos 16:18

como te mach'atic hich ya spasic, ma ha'uc yac'oj sbahic ta a'batinel yu'un te Cajwaltic Jesucristo, ha nax ya spasic te bin ya sc'an yo'tanic stuquel. Ta scuenta t'ujbil c'opetic soc te bintic lec ta a'iyel ya slo'loybe yo'tanic te mach'atic ma sna'ic stsahtayel.

Hechos 26:18

yu'un yac ajambe sitic scuenta yu'un ya xloq'uic ta yihc'al q'uinal, ya x'ochic ta sacal q'uinal, soc te ma ba ya x'ayiniquix ta scuenta yu'el te Satanás, te ha ya xtalic ta stojol Dios; scuenta yu'un ya xpasbotic perdón yu'un smulic ta scuenta sch'uhunel yo'tanic ta jtojol soc pajal ay bin ya yich'ic soc te mach'atic ch'ultesbilique, xchi jc'oblal.

San Lucas 22:31

Soc la yal xan te Cajwaltic: Simón, Simón, la sc'anexix te Satanás yu'un ya yic'ayex hich te bin ut'il trigo;

2 Corintios 11:3

Pero hich te bin ut'il te chan la smombe yo'tan ta lo'loyel te Eva, ya jxi' te ay wan bin ut'il ya showiytesbeyex te snopojibal awu'unic, te hich ma junuquix awo'tanic ta stojol Cristo.

San Lucas 22:3

Och Satanás ta yo'tan te Judas, te Iscariote yan sbihil, te ha jtuhl ta slahchaytuhlulic;

San Lucas 8:12

Te c'oht ta ti'be, ha sc'oblal te mach'atic ya ya'iyic, pero ora ya xtal te pucuj, ya sloq'uesbe ta yo'tanic te c'op scuenta yu'un ma ba ya sch'uhunic soc ma ba ya xcolic yu'un.

San Mateo 25:41

Soc hich me ya yalbe te mach'atic ayic ta q'uexam: Loc'anic ta jtojol, ha'ex te ma lecuc ac'oblalic, bahanic ta c'ahc' te sbahtel q'uinal ay, te chahpambil yu'un te pucuj soc te a'batetic yu'une,

San Mateo 4:10

La yal te Jesús: Loc'an, Satanás, como hich ts'ihbabil: Ha nax me xach'uhuntay soc ha nax me xawac' aba ta a'batinel yu'un te Cajwaltic te Dios awu'un, la yut.

San Mateo 4:8

Yan buelta cha'ic'ot xan bahel yu'un te pucuj ta toyol wits, la ya'be yil spisil ta chahp nacionetic ayic ta bahlumilal soc te yutsilalic,

San Mateo 4:5

Patil te pucuj la yic' bahel ta ch'ul muc'ul pueblo te Jesús, c'oht stehc'an ta jol templo,

San Mateo 4:1

Te Jesús ic'ot bahel yu'un te Espíritu ta jochol taquin q'uinal scuenta yu'un tey ya xbaht ta tsajel yu'un a te pucuje.

Isaías 27:1

Ta hich ora te Jehová ya me ya'be castigo ta espada yu'un te ha muc' soc te ay yip, ya me ya'be castigo te Leviatán, te chan te ya x'ahn bahel, te Leviatán, te chan te xotoj sba, ya me smil te dragón te ay ta mar.

Génesis 3:13

Ha yu'un te Jehová Dios la sjohc'obe te antse: ¿Bin a te la apas? la yut. La yal te antse: Ha la slo'loyon te chane, hich la jlo', xchi.

Apocalipsis 19:20

La yich' tsaquel te chambahlam te xiweltic sba soc te lotil jalwanej te la yac'ticlan ta ilel señahiletic ta stojol, te ha la slo'loylan a te mach'atic la yich'beyic te marca yu'un te chambahlam te xiweltic sba soc te la sch'uhuntayic te sloc'ombahil. Schebalic cuxul a la yich'ic ch'ojel ochel ta pamal c'ahc' te yac ta tihlel soc azufre.

Apocalipsis 16:14

Ha'ic espírituhetic yu'un pucujetic te ya spasic señahiletic soc ya xbahtic ta stojol te ajwaliletic te ayic ta swohlol bahlumilal yu'un ya stsobic ta guerra ta yorahil te muc' sc'ahc'alel yu'un Dios te spisil ya xhu' yu'une.

Apocalipsis 13:14

Ya slo'loylan mach'atic nahinemic ta bahlumilal ta scuenta te señahiletic ya x'a'bot spas ta stojol te chambahlam te xiweltic sba, ya spasticlan ta mandar te ya me spasbeyic sloc'ombahil te chambahlam te xiweltic sba te ehchentesot ta espada pero cuxaj.

Apocalipsis 9:20

Te jayeb xan mach'atic ma ba lajic yu'un te wocoletic ini, ma teyuc la suhtes yo'tanic yu'un a te bin spasoj ta sc'abic, soc ma ba la yihquitayic sch'uhunel te pucujetic soc te yahcananic pasticlambil ta oro, plata, bronce, ton, soc te', te ma xyilic q'uinal, ma xya'iyic c'op soc ma xbehenic.

Apocalipsis 3:9

Te mach'atic ta sinagoga yu'un Satanás, te ha judío ta sc'opic, pero ma ha'uc, ya me cac' taluc squejan sbahic ta ye'tal awoc soc ya me sna'ic te c'ux la jca'iyat ta co'tane.

Apocalipsis 2:9

Ya jna' bin yilel awa'tel, ya jna' te awocol, soc te pobre ayat (aunque c'uhlejat); ya jna' bin ut'il ayat ta labanel yu'un te mach'atic judíohetic ta sc'opic pero ma ha'uquic, ha sinagoga yu'un Satanás.

Judas 1:9

Pero te Miguel, te jtsobaw yu'un te ch'ul a'batetic, te c'alal la stij sba ta c'op soc te pucuj yu'un te sbaq'uetal te Moisés, la xi' te la yalbe chopol sc'oblal, hich la yal: Ha me ac'a yutat ta c'op te Cajwal, xchi.

Hebreos 2:14

Te bin ut'il ch'ich'-baq'uet te al-nich'anetic, ha nix hich la yac' sba te Jesús scuenta yu'un, ta scuenta te laj stuquel, tey ya slajin a te mach'a scuentahinej te lajele, ha te pucuje,

2 Timoteo 3:13

Yan te mach'atic chopolic soc te jlo'loywanejetic behbe bohlobelic stuquel, ya xlo'loywanic soc ha nix lo'loybilic.

1 Timoteo 2:14

soc ma ha'uc lo'loyot te Adán, ha lo'loyot te ants, hich la sta smul a.

2 Tesalonicenses 2:3

Ma me ayuc mach'a ya slo'loyex ta biluc nax ut'il, como ma ba ya xtal ha to teme c'ohtix ta pasel te tsobol ya yihquitayic sch'uhunel Dios soc te ya xchicnaj te winic yu'un mulil, ha te mach'a ch'ayel ya xbaht,

Efesios 4:14

Hich ma ba alalotiquix te xyal xmo te co'tantic, te bayuc ya x'ic'ototic bahel yu'un biluc nohptesel soc te lo'loyel yu'un winiquetic te yac slo'loybelic ta scuenta te lo'loywanej yu'unique;

2 Corintios 12:7

Soc scuenta yu'un ma ba jc'axel ya jtoy jba yu'un te bintic muc' a'bibilon quilticlan, a'boton c'uxul wocol ta jbaq'uetal, ha ya'bat Satanás te ya yuts'inone.

Romanos 16:20

Te Dios yu'un lamal q'uinal nopolix ya ya'beyex ats'o'ic ta teq'uel te Satanás. Ac'a sjoquinex te yutsil yo'tan te Cajwaltic Jesucristo.

Hechos 5:3

La yal te Pedro: Ananías, ¿bin yu'un noj ta awo'tan te Satanás yu'un yac alotiy te Ch'ul Espíritu, te la awich' j'ohlil te stojol te q'uinale?

San Juan 16:11

soc ya ya'be sna'ic bin ut'il ay sc'oblal schahpanel mulil, como chahpambilix te principal yu'un te bahlumilale.

San Juan 14:30

Mayuquix bayel c'ahc'al ya jc'oponex, como yaquix ta talel te principal yu'un te bahlumilal. Mayuc bin yochelon a;

San Lucas 13:16

Te ants ini te ha sts'umbal Abraham te ayix ta waxaclajuneb (18) ha'bil chucbil yu'un Satanás, ¿ma bal yacuc xhu' ta tilbeyel schuhquil ta sc'ahc'alel cux-o'tan? xchi.

San Mateo 24:24

Como ya xchicnaj hahchel lotil cristohetic soc lotil jalwanejetic soc ya spasic muc' señahiletic soc jchahp a'teliletic yu'un ya slo'loyic te mach'a tsahbilic, te yacuc xhu' yu'unique.

San Mateo 13:39

Te jcontra te la sts'un te ac, ha te pucuje; te yorahil tsob-trigo, ha te slajibal c'ahc'al, soc te jtsob-trigohetic, ha te ch'ul a'batetique.

1 Crónicas 21:1

Te Satanás hahch ta scontrahinel te Israel, la stijbe yo'tan te David te ya yahtay te Israel.

Apocalipsis 18:2

Hich tulan la yal ta aw: ¡Jihnemix, jihnemix te muc'ul Babilonia! Ha sna pucujetic c'ohem, ha yawil spisil ta chahp bohl pucujetic, soc sluhtstajibix spisil ta chahp bohl mutetic te ilobtic sbahe.

Ezequiel 28:16

Ta scaj te bayel mambajel chombajel awu'un, noj ta awo'tan uts'inwanej, la ata amul; ha yu'un la jloq'uesat ta wits yu'un Dios, la jloq'uesat ta yohlil te tonetic te ay sc'ahc'al, ha'at jcanantaywanejat querubín.

Apocalipsis 18:23

Mayuquix tsumbil c'ahc' ta awohlil, soc ma ba ya x'a'iybotix sc'op jnuhpuneletic ta awohlil; te jchombajeletic awu'un ha'ic te ich'bilic ta muc' ta bahlumilal ta nahilal, soc ta scuenta te ilojel awu'un lajic ta lo'loyel spisil te nacionetique.

Salmos 109:6

Ac'a te ya xcontrahinot yu'un mach'a chopol; ac'a stehc'an jle-mulil ta swa'el-c'ab.

Apocalipsis 12:8

pero ma ba hu' yu'unic, soc mayuquix lugar yu'unic ta ch'ulchan.

Apocalipsis 12:12

Ha yu'un tse'eluc me awo'tan, ha'at ch'ulchan, soc ha'ex te nahinemex tey a. ¡Pero ay me swocolic te mach'atic nahinemic ta bahlumilal soc ta mar! Como te pucuje, soc bayel yilimba cohemix tal ta atojolic, yu'un ya sna' te nopol ya xlaj ora yu'un, xchi.

2 Crónicas 18:21

La yal te espíritu: Ya xloc'on bahel, ho'on espíritu yu'un lot ya xc'ohon ta yehic te jalwanejetique, xchi. La yal te Jehová: Ha'at ya xhu' awu'un yac alo'loy. Bahan, hich me xapas, xchi.