Apocalipsis 11:2 - Bible in Tzeltal Bachajón

² Yan te yamaq'uil te templo ma me xap'is stuquel, como a'bibilix ta sc'ab te jyanlumetique. Cheb yoxwinic (42) u ya me sts'o'ts'o'teq'uic te ch'ul pueblo.

Nuevo Testamento Tzeltal de Amatenango

² Pero ma me apꞌis stukel te yamakꞌul te temploe, porke jaꞌa aꞌbotix ta skuenta te machꞌatik ma xchꞌuunejuk te Diose. Jaꞌ te machꞌatik ya xba sjuꞌik ta tekꞌel te chꞌul mukꞌul jtejklum te ya xjalaj oxeb jaꞌbil sok olile.

Bible in Tzeltal de Oxchuc y Tenejapa

² Ja'uc me to, ma me xap'is stuquel te yamac'ul te temploe, yu'un ac'botix ta swenta te jyanlumetique. Ya me xpajc'ub ta teq'uel yu'unic che'yoxwinic (42) u te muc'ul lume.

Apocalipsis 11:2 Referans Kwoze

Apocalipsis 12:6

Te ants ahn bahel ta jochol taquin q'uinal ta banti chahpambil yawil yu'un Dios, yu'un tey ya yich' mac'linel oxbahc' soc oxwinic (1,260) c'ahc'al a.

San Lucas 21:24

Ya xlajic ta espada soc ya xbahtic ta chuquel ta spisil nacionetic, soc te Jerusalén ya yich' ts'o'el ta teq'uel yu'un jyanlumetic ha to c'alal ya sts'acay te yorahil yu'un te jyanlumetique.

Daniel 7:25

Ya scontrac'optay te Mach'a mero toyol ay, ya me yuts'inlan te mach'atic ch'uhltesbilic te ha yu'unic te Mach'a mero toyol ay, soc ya snop te ya sjeltay te tiempohetic soc te Ley; te mach'atic ch'uhltesbilic ya x'a'botic ta sc'ab jun tiempo, cheb tiempo soc ohlil tiempo.

Apocalipsis 11:3

Ya calbe te cheb testigohetic cu'un te ya me xc'opojic ta sc'op-jalwanej oxbahc' soc oxwinic (1,260) c'ahc'al, slapojic pac' yu'un mel-o'tan a, xchi.

Daniel 12:7

Te winic sc'u'inej lino pac', te ay ta sba te muc'ul-ha', la shach mohel ta stojol ch'ulchan te swa'el-c'ab soc te sq'uexam-c'ab, la jca'iy te la yal ta jamal ta scuenta te mach'a cuxul sbahtel q'uinal, te ya xhalaj jun tiempo, cheb tiempo soc ohlil tiembo. Ha ya xc'oht ta pasel spisil ini te c'alal ya xquehchaj ta lajimbeyel yip te ch'ul pueblo, xchi.

Apocalipsis 21:2

La jquil te ch'ul pueblo, te yach'il Jerusalén, yac ta cohel tal ta ch'ulchan ta stojol Dios, chahpambil hich te bin ut'il ya sch'ahl sba jtuhl ach'ix ta stojol te mach'a ya xnuhpun soque.

Isaías 52:1

¡Wic'a asit, wic'a asit, ich'a awip, Sión! Lapa at'ujbil c'u', ha'at Jerusalén, te ch'ul pueblo; como mayuc bin ora ya xtal xan ta atojol te mach'a ma ba yich'oj circuncisión o te bohloben sc'oblal.

Apocalipsis 22:19

Soc teme ay mach'a ay bin ya sloq'ues ta bin ts'ihbabil ta libro yu'un te sc'op-jalwanej ini, ha nix hich ya xloq'uesot yu'un Dios, ma ba ya x'a'bot slo'be sit te te' scuenta cuxlejal soc ma ba ya x'och ta muc'ul ch'ul pueblo, te ts'ihbabil sc'oblalic ta libro ini.

San Mateo 27:53

soc te c'alal cha'cuxaj te Jesús, loq'uic tal ta muquenaletic, ochic bahel ta ch'ul pueblo, la yac' sbahic ta ilel ta stojol tsobolic.

San Mateo 5:13

Ha'ex yats'amulex te bahlumilal; pero teme laj schi'il te ats'am, ¿bin ut'il c'an chi'ubuc xan? Mayuc bin ya xtuhunix a, ha xanix ya yich' ch'ojel loq'uel soc ya yich' ts'o'el ta teq'uel yu'un ants-winiquetic.

San Mateo 4:5

Patil te pucuj la yic' bahel ta ch'ul muc'ul pueblo te Jesús, c'oht stehc'an ta jol templo,

Daniel 8:10

Muc'ub bahel ha to c'oht c'alal ta banti ay te tsobolic yu'un te ch'ulchane. Ay la sjin cohel c'alal ta lum j'ohlil te tsobolic yu'un te ch'ulchan soc te eq'uetic, la sts'o'ts'o'tec'ticlan.

Ezequiel 42:20

Ta schanxuhcul la sp'is; ay sts'ahcul ta sjoyobal, ho'winic scha'bahc' (500) xuhc'ubil snahtil soc ho'winic scha'bahc' (500) sjamalil. Te ts'ahc la yac' te parte ya xc'oht bin ch'ultesbil soc te bin ma ch'ultesbiluque.

Apocalipsis 11:11

Pero ta ohlil schanebal c'ahc'al slajelic a, a'bot xan yich'ic ic' scuenta cuxlejal te talem ta stojol Dios, hich la stehc'an hahchel sbahic, soc tojic xiwel yu'un te mach'atic la yilique.

Hebreos 10:29

¿Ma bal c'axemuc to xan hich castigo ya yich' a te mach'a ya sts'o'ts'o'tec' te Snich'an Dios, soc te chopol sc'oblal ya ya'iy te sch'ich'el te chapbil-c'op te yich'oj ch'ultesel a, soc te ya scontrac'optay te Espíritu yu'un yutsil-o'tanil?

Daniel 7:19

Co'tanuc te la jna' bin sc'oblal te schanebal chambahlam, te ma pajaluc soc te yantic, te c'ax xiweltic sba, te ha hierro te ye soc bronce te yehch'ac, te yac sbic'ticlambel soc sbutsticlambel, soc yac sts'o'ts'o'tec'ticlambel te bintic hilemique.

Lamentaciones 1:10

Te scontra la shach sc'ab ta stsaquel spisil te bintic bayel sc'oblal yu'une; la yil te ochic yantic nacionetic ta ch'ul awilal yu'un, ha te la awal mandar, Cajwal, te ma me x'ochic ta tsoblej awu'une.

Isaías 48:2

Pero yac awalic te ha alumalic te ch'ul pueblo soc te smuc'ulinej awo'tanic te Dios yu'un Israel, te ha sbihil te Jehová te scuentahinej spisil.

Salmos 79:1

¡Dios cu'un, te nacionetic la yochintaybatix te bintic ay awu'un! ¡La sbohlobtesbeyic sc'oblal te ch'ul Templo awu'un; busul hil yu'unic te Jerusalén!

Números 14:34

Hich te bin ut'il halajex cha'winic (40) c'ahc'al ta stsahtayel te q'uinale, hich nix yac atojic te amulique: cha'winic (40) ha'bil, jujun ha'bil ya xc'oht te jujun c'ahc'ale. Hich yac ana'ic a te castigo cu'une.

Isaías 5:5

Ya calbeyex bin ya jpasbe te jts'usubil: Ya jloq'uesbe scorralil-ton, hich ya xjihn; ya jch'ojbe cohel te sts'ahcul, hich ya yich' ts'o'ts'o' teq'uel.

Ezequiel 4:6

Te c'alal ya sts'acay awu'un, ya me acha'ts'ehan xan aba ta wa'el, ya me awich'be smul te sna Judá cha'winic (40) c'ahc'al, jujun c'ahc'al scuenta jujun ha'bil.

Daniel 8:13

Patil la jca'iy te c'opoj jtuhl mach'a ch'ultesbil, ay yan mach'a ch'ultesbil hich la sjoc'obe te mach'a c'opoj: ¿Bin to ora ya xlaj te nahalsitil sc'oblal te milbil mahtanil scuenta jujun c'ahc'al, sc'oblal te toybahil te ya yac' jinel, soc te ya x'ac'otic ta ts'o'ts'o'teq'uel te tsobolic soc te ch'ul awilal? xchi.

Daniel 8:14

Hich la yal: Ha to c'alal ts'acal ho'lajunwinic swacbahc' (2,300) tibiltic soc sahb; patil ya yich' lecubtesel te ch'ul awilal, xchi.

Apocalipsis 21:10

Hich ta scuenta te Espíritu la yic'on bahel ta muc'ul toyol wits, la ya'bon quil te muc'ul ch'ul pueblo Jerusalén te yac ta cohel tal ta ch'ulchan ta stojol Dios.