Apocalipsis 11:18 - Bible in Tzeltal Bachajón

¹⁸ Ilin yo'tanic te nacionetic, pero hulemix te awilimba; ha yorahilix te ya x'ochic ta ich'el ta c'op te mach'atic chamenic, yorahilix te ya x'a'bot stojol sc'abic te a'batetic awu'un, ha te jalwanejetic, te mach'atic ch'uhltesbilic, te ya yich'ic ta muc' te abihile, muc' biq'uit, soc yorahilix te yac ajinticlan te mach'atic ya sjinic te bahlumilale, xchihic.

Nuevo Testamento Tzeltal de Amatenango

¹⁸ Te nasionetike ilinemik. Pero la staix skꞌaalel te ya awaꞌbe kastigoe, sok yorailix te ya awichꞌ jkuenta te machꞌatik chamenike. Sok ya awakꞌtalanbe smajtan te awaj-aꞌteltak: jaꞌ te jꞌalwanejetike, sok te machꞌatik ayik ta jtejklum awuꞌune, y sok te machꞌatik ya yakꞌ ta jkuenta te abiile, chikan me chꞌin ta mukꞌ. Sok ya ajim te machꞌatik ya yixlan te balmilale”, xchiik.

Bible in Tzeltal de Oxchuc y Tenejapa

¹⁸ Ilinix yo'tanic te nacionetique. Ja'uc me to, c'otix yorail te awilimbae, soc c'otix yorail te ya awilbey yat'elic te mach'atic lajemique, soc te ya awac'bey stojol sc'abic te abatetic awu'un te yacalic ta yaiyel j'alwaneje, soc te jayeb te mach'atic ch'ul lum yu'un te Diose, soc spisil mach'atic yich'oj ta muc' te abiile, chican teme muc' biq'uite, soc c'otix yorail te ya awac' ta lajel te mach'atic ya sboltesic te balumilale”, xiic ta yalel.

Apocalipsis 11:18 Referans Kwoze

Apocalipsis 20:12

Soc la jquil te mach'atic chamenic, muc' biq'uitetic, tec'ajtic ta stojol te muc'ul-huctajibal. La yich' jamel te librohetic, soc ay yan libro la yich' jamel, ha te libro scuenta cuxlejal. La yich'ic ich'el ta c'op te mach'atic chamenic, ha chican te bintic ts'ihbalambil ta hunetic, ha chican bin la spasic.

Apocalipsis 19:5

Loc' tal c'op ta muc'ul-huctajibal te hich la yal: Halbeyahic yutsil sc'oblal te Dios cu'untic, apisilic te ayex ta a'batinel yu'un soc te axi'ojic, muc' biq'uit, xchi.

Apocalipsis 13:10

Te mach'a ya x'ic'awan bahel ta chuquel, ya me x'ic'ot bahel ta chuquel. Te mach'a ya yich' milel ta espada, ya me yich' milel ta espada. Ha ini ya sc'an te ay yip yo'tanic soc te ay sch'uhunel yo'tanic te mach'atic ch'ultesbilique.

Apocalipsis 22:12

Hich la yal te Jesús: ¡Nopol ya xtalon! Soc quich'oj ya xtal te stojol sc'abic, ya ca'be stojol ta jtuhlutuhl ha chican bin spasoj.

Salmos 103:11

Como hich te bin ut'il stoyolil ch'ulchan ta stojol te bahlumilal, hich smuc'ul te sc'uxul yo'tan ta stojol te mach'atic ya x'ich'ot ta muc' yu'une.

Apocalipsis 15:7

Jun ta schanebal bintic cuxajtic la yac'ticlambe te huqueb ch'ul a'batetic huqueb copahetic pasticlambil ta oro nojelic ta yilimba Dios te stalel cuxul sbahtel q'uinal.

Apocalipsis 15:1

La jquil yan seña ta ch'ulchan te muc' soc jchahp ta ilel: ha huqueb ch'ul a'batetic te yich'ojic te huqueb slajibal wocol, yu'un tey ya sts'acay a te yilimba te Diose.

Apocalipsis 14:10

ha nix hich ya me yuch' te vino scuenta yilimba Dios te mayuc scahp a ya xcohcombot ta stasahil te yilimba Dios. Ya x'a'bot swocolic ta c'ahc' soc azufre ta stojol te ch'ul a'batetic soc ta stojol te Jcolel Tuminchij.

Hebreos 9:27

Jmehl nax ya xchamic ants-winiquetic, patil ay ich'el ta c'op,

San Lucas 1:50

soc te sc'uxul yo'tan ya xc'oht ta stojol te cajalcaj mach'atic ya yich'ic ta muc'!

San Mateo 5:12

Tse'eluc me awo'tanic soc ayuc me yutsil awo'tanic yu'un, como muc' amahtan yac awich'ic ta ch'ulchan, como hich nix la yuts'inic te jalwanejetic te nahil ay awu'unique.

Salmos 110:5

Te Jehová ay ta swa'el ac'ab; ya me sjin ajwaliletic ta sc'ahc'alel yilimba.

Salmos 85:9

Melel nopol ay colel yu'un ta stojol te mach'atic ya yich'ic ta muc', scuenta yu'un ya xnahin ta jlumaltic te yutsilal.

Salmos 2:5

Ya me yuticlan soc yilimba, ya me xiwteslan ta yilimba, hich ya yal:

Apocalipsis 20:15

Te mach'a ma ba ts'ihbabil sbihil ta libro scuenta cuxlejal, ch'ojotic ochel ta banti yac ta tihlel pamal c'ahc'.

Apocalipsis 18:6

Sutbeyahic spacol hich te bin ut'il spasbeyej yantic; cheb buelta a'beya stoj te bintic spasoje. Tey nix ta copa banti la schahpan ta uch'el, chahpanahic cheb buelta te bin ya yuch'e.

Apocalipsis 11:2

Yan te yamaq'uil te templo ma me xap'is stuquel, como a'bibilix ta sc'ab te jyanlumetique. Cheb yoxwinic (42) u ya me sts'o'ts'o'teq'uic te ch'ul pueblo.

Daniel 8:25

Ta scuenta sp'ijil yo'tan ta lo'loywanej ya yac' te ya ya'iy tsalaw te lo'loyele; ya scuy sba ta muc', ya me smilticlan tsobolic te jun yo'tanic ayique. Ya xhahch scontrahin te Príncipal yu'un te príncipaletic, pero ya me yich' jinel, ma ha'uc ta sc'ab winic.

Daniel 7:26

Pero ya shuhcan sbahic ta chahpanwanej te jchahpanwanejetique, ya xloq'uesbot ya'tel ta cuentahinwanej, ya xjihnot soc ya xlajinot sbahtel q'uinal.

Eclesiastés 12:13

Te slajibal spisil te bin ay ta a'iyel, ha ini: Ich'a ta muc' te Diose soc ch'uhumbeya te mandariletic yu'une, como hich ay spisil te ay ta scuenta spasel te ants-winiquetique.

Eclesiastés 8:12

Aunque te jmulawil ya sta smul ho'winic (100) buelta, soc ya xnahtij scuxlejal, pero jna'oj te lec ya xc'oht te mach'atic ya yich'ic ta muc' te Diose, te mach'atic ya xiwic ta stojol;

Salmos 147:11

te Jehová ya smulan te mach'atic ya x'ich'ot ta muc' yu'unic, te mach'atic smuc'ulinej yo'tanic te sc'uxul yo'tane.

Apocalipsis 19:15

Ta ye yac ta loq'uel espada te ay ye te ya yehchentes a te nacionetic, soc tulan me ya scuentahinlan soc sbaston-taq'uin. Ya sp'e' te ya'lel ts'usub ta sp'e'ojibal te yilimba Dios te spisil ya xhu' yu'une.

Daniel 11:44

Pero ya xc'oht c'op ta stojol te ya xtal ta sloq'uib c'ahc'al soc ta norte te ya ya'be xiwel, ya me xloc' bahel soc bayel ilimba ta sjinel soc ta smilticlanel tsobolic.

Apocalipsis 10:7

pero te bin ora ya yoq'uesin te corneta te shuquebal ch'ul a'bat, ya xc'oht ta pasel te bin muquen ay yu'un Dios, hich te bin ut'il la yalbe ya'iyic te a'batetic yu'un, ha te jalwanejetique.

Apocalipsis 13:16

Soc ya yac'ticlan ta a'beyel marca ta swa'el-c'abic o ta sti'bahic spisil ants-winiquetic, muc' biq'uit, jc'uhlejetic, pobrehetic, te ayic ta mosohil o te ayic ta libre,

Apocalipsis 19:18

yu'un yac ati'beyic sbaq'uetal ajwaliletic, capitanetic soc mach'atic ay yipic, sbaq'uetal cawuhetic soc mach'atic cajajtic tey a, soc sbaq'uetal spisil ants-winiquetic, mosohetic soc mach'atic ayic ta libre, muc' biq'uit, xchi ta aw.