Apocalipsis 11:15 - Bible in Tzeltal Bachajón

¹⁵ Te shuquebal ch'ul a'bat la yoq'uesin te scorneta, ay mach'atic tulan c'opojic ta ch'ulchan, hich yacalic ta yalel: Te cuentahinel yu'un te bahlumilal, ha yu'unix te Cajwaltic Dios soc te Cristo yu'une, ha ya xcuentahinwan sbahtel q'uinal, xchihic.

Nuevo Testamento Tzeltal de Amatenango

¹⁵ Te sjukebal ángele la yokꞌesin te skornetae. Y la kaꞌiy tulan kꞌop ta chꞌulchan, te jich la yalike: “Te machꞌa ay ta skuenta te ya xꞌoch ta ajwalil ta sba te balmilale jaꞌ japubil yuꞌun te Kajwaltike y sok te Cristo yuꞌune. Y ya xꞌoch ta ajwalil ta sbajtel kꞌinal”, xchiik.

Bible in Tzeltal de Oxchuc y Tenejapa

¹⁵ Te sjuquebal ch'ul abat la yoq'uesin te oq'uese. Ay mach'atic tulan c'opojic ta ch'ulchan la caiy te jich la yalique: “Spisil te muc' ajwaliletic ta balumilal soc te bila ay ta swentaique, ayix ta swenta stuquel te Cajwaltique soc te Cristo yu'une. Ja' me ay ta ajwalinel sbajt'el q'uinal stuquel”, xiic la caiy.

Apocalipsis 11:15 Referans Kwoze

Daniel 7:14

A'bot ya'tel ta cuentahinwanej, a'bot yutsilal soc te banti ya xcuentahinwan, scuenta yu'un spisil pueblohetic, nacionetic soc c'opiletic ya yac' sbahic ta a'batinel yu'un; sbahtel q'uinal te ya'tel ta cuentahinwanej, mayuc bin ora ya xc'ax bahel; soc te banti ya xcuentahinwan mayuc bin ora ya yich' jinel.

Daniel 7:27

Soc te cuentahinel, te yip soc te yutsilal spisil ta chahp ban c'alal ayic ta cuentahinel ta ye'tal ch'ulchan ya x'a'bot te mach'atic ch'uhltesbilic te ha yu'unic te Mach'a mero toyol ay. Sbahtel q'uinal ay te cuentahinel yu'unic, soc spisil te ajwaliletic ya me yac' sbahic ta a'batinel yu'unic soc ya me sch'uhumbeyic smandar.

Apocalipsis 12:10

Patil la jca'iy ay mach'a tulan c'opoj ta ch'ulchan, hich la yal: Yorahilix te colel, te yu'el soc te cuentahinel yu'un te Dios cu'untic, soc te ya yich' ya'tel te Cristo yu'une. Como ch'ojotix loq'uel te mach'a yac slehbebel smul te quermanotactic, te c'ahc'al ahc'abal yac ta slehbeyel smul ta stojol te Dios cu'untique.

Apocalipsis 10:7

pero te bin ora ya yoq'uesin te corneta te shuquebal ch'ul a'bat, ya xc'oht ta pasel te bin muquen ay yu'un Dios, hich te bin ut'il la yalbe ya'iyic te a'batetic yu'un, ha te jalwanejetique.

Zacarías 14:9

Ha ajwalil ya xc'oht te Jehová ta swohlol bahlumilal. Ta hich ora stuquel ay te Jehová, soc stuquel ay te sbihile.

Apocalipsis 19:1

Patil la jca'iybe tulan sc'op tsobol mach'atic ayic ta ch'ulchan te hich yacalic ta yalel ta aw: ¡Aleluya! Te colel, yutsilal soc te yu'el, ha yu'un te Diose,

San Lucas 1:33

Sbahtel q'uinal ay ta ajwalil yu'un te patil al-nich'anetic yu'un Jacob; mayuc slajibal te cuentahinel yu'une, xchi sc'oblal.

Éxodo 15:18

¡Te Jehová ya me ya'iy pasaw ta mandar ta spisil ora soc ta sbahtel q'uinal! xchihic ta c'ayoj.

Daniel 7:18

Patil, te mach'atic yu'un te Mamal te ch'uhltesbilic ya me yich'ic te ban c'alal ay ta cuentahinel, ha yu'unic ya xc'oht ta sbahtel q'uinal.

Apocalipsis 16:17

Te shuquebal ch'ul a'bat la smal ta ic' te sbahl te copa yu'un, loc' tulan c'op ta templo, ta stojol te muc'ul-huctajibal, hich la yal: Hu'ix, xchi.

Hebreos 1:8

Pero hich ya yalbe sc'oblal te Nich'anil: Dios, te muc'ul-huctajibal awu'un sbahtel q'uinal ay. Te bastón yu'un te cuentahinel awu'un, ha bastón yu'un bintic toj ta pasel.

Miqueas 4:7

Te coxo'etic ya cac' te ha'ic te mach'atic hilemic, te mach'atic puhquemic ya cac' te ha tulan nación ya xc'ohtic. Ya xcuentahinotic yu'un Jehová ta wits Sión, ta ora ini soc ta sbahtel q'uinal.

Salmos 86:9

Spisil te nacionetic te apasoj ya me xtalic ta atojol soc ya me sch'uhuntayat, Cajwal, soc ya me yalbat yutsil sc'oblal te abihile,

Isaías 9:7

Te ya xmuc'ub te cuentahinel yu'un soc te lamal q'uinal yu'une, mayuc slajibal ta shuctajib David soc ta ban c'alal scuentahinej; ha ya shach soc ya ya'be yip ta scuenta stojil chahpanel soc toj bin ay ta pasel ta ora ini soc ta sbahtel q'uinal. Ha ya sc'ohtes ta pasel ini te xut'et yo'tan te Jehová te scuentahinej spisil.

Apocalipsis 19:6

Soc la jca'iy hich te bin ut'il sc'op tsobol ants-winiquetic, hich te bin ut'il sc'op bayel ha'etic soc hich te bin ut'il tulan st'ohmel chahwuquetic, te hich yac yalbelic ta aw: ¡Aleluya! ¡Como hahchix ta cuentahinwanej te Cajwaltic Dios te spisil ya xhu' yu'une!

Apocalipsis 15:4

¿Mach'a a te ma ba ya xi'at, Cajwal, soc te ma ba ya yalbe yutsilal te abihile? como atuquel nax Ch'ul Diosat; spisil te nacionetic ya me xtal sch'uhuntayat, como chicanix te stojil chahpanel, xchihic ta c'ayoj.

San Lucas 15:10

Ya calbeyex te hich nix ay yutsil yo'tanic te ch'ul a'batetic yu'un Dios teme ya suhtes yo'tan jtuhl jmulawil, xchi te Jesús.

Zacarías 2:11

Ta hich ora bayel nacionetic jun ya xc'ohtic soc te Jehová, ha pueblo cu'un ya xc'ohtic, soc ya xnahinon ta awohlil, xchi. Hich yac ana'ic a te ticombilon yu'un te Jehová te scuentahinej spisil.

Ezequiel 37:25

Ya xnahinic ta q'uinal te la jca'be te ca'bat Jacob, te banti nahinic te ame'atatique. Stalel me ya xnahiniquix tey a soc te yal-snich'nabic soc te smamataque; soc ha príncipal yu'unic ya xc'oht sbahtel q'uinal te ca'bat David.

Isaías 27:13

Soc ta hich ora ya me yich' oq'uesinel muc'ul corneta, te mach'atic ch'ayemic ta sq'uinal Asiria, soc te mach'atic la yich'ic loq'uesel bahel ta Egipto, ya xtal sch'uhuntayic te Jehová ta ch'ul wits ta Jerusalén.

Salmos 146:10

Te Jehová ay ta ajwalil sbahtel q'uinal, ha te Dios awu'un, Sión, ta cajalcaj ts'umbalil. ¡Aleluya!

Salmos 110:4

Hich yaloj ta jamal te Jehová, ma ba ya suhtes sc'op: Ha'at sacerdotehat sbahtel q'uinal, hich te bin ut'il te Melquisedec, xchi.

Salmos 72:11

Spisil te ajwaliletic ya me squejan sbahic ta stojol; spisil te nacionetic ya me yac' sbahic ta a'batinel yu'un.

Salmos 2:2

Ya xhahchic te ajwaliletic ta q'uinal, soc te príncipaletic junax ya yac' sbahic ta schapel scontrahinel te Jehová soc te mach'a tsahbil yu'une.

Apocalipsis 20:4

La jquil muc'ul-huctajibaletic, soc huculic tey a te mach'atic a'bot ya'telic ta chahpanwanej. Soc la jquilbe sch'uhlelic te mach'atic xot'bot sjolic ta scaj te testigo-c'op yu'un Jesús soc ta scaj te sc'op Dios, ha te mach'atic ma ba la sch'uhuntayic te chambahlam te xiweltic sba o te sloc'ombahil, soc ma ba la yich'beyic smarca ta sti'bahic o ta sc'abic; la yich'ic scuxlejalic soc la sjoquinic Cristo ta cuentahinwanej lajunwinic yoxbahc' (1,000) ha'bil.

Apocalipsis 17:14

Ya me ya'beyic guerra te Jcolel Tuminchij, pero ya me xtsalotic yu'un, como ha principal yu'un principaletic soc ha Ajwalil yu'un ajwaliletic; soc te mach'atic sjoquinejic, ha'ic te mach'atic ic'bilic, tsahbilic soc te jun yo'tanic ta stojol, xchi.

Apocalipsis 9:13

Te swaquebal ch'ul a'bat la yoq'uesin te scorneta; la jca'iy ay loc' c'op ta yohlil te chaneb xulubiletic yu'un te scajtajib ta chiq'uel pom pasbil ta oro te ay ta stojol te Diose.

Apocalipsis 9:1

Te yo'ebal ch'ul a'bat la yoq'uesin te scorneta; la jquil ay ec' ch'ay cohel tal ta ch'ulchan, hul ta bahlumilal. A'bot te llave yu'un te xahabe.

Apocalipsis 8:12

Te schanebal ch'ul a'bat la yoq'uesin te scorneta; ehchenaj jun ta yoxeht'el te c'ahc'al, u soc eq'uetic scuenta yu'un ya x'ihc'ub jun ta yoxeht'elic. Hich ma ba sacub q'uinal jun ta yoxeht'el te c'ahc'al, soc ha nix hich te ahc'abal.

San Mateo 6:13

Ma me xawac'otcotic ta sujel ta mulil, ac'awotcotic ta libre yu'un te bin chopol, como ha'at awu'un te cuentahinwanej, te ay awu'el soc awutsilal sbahtel q'uinal. Hichuc.

Oseas 2:23

Ya jts'un ta q'uinal yu'un cu'un ya xc'oht; ya jna'be yo'bolil sba te Lo-ruhama, hich ya calbe te Lo-ami: Ha'at pueblohat cu'un, xchihon, soc hich ya yalbon: Ha'at Diosat cu'un, xchi.

Daniel 7:22

ha to c'alal tal te jtuhl Mamal, la schahpan ta stojil te mach'atic ch'uhltesbilic yu'un te Mach'a mero toyol ay, soc c'oht yorahil te mach'atic ch'uhltesbilic la yu'untayic te ban c'alal ay ta cuentahinel.

Isaías 55:5

Ya me awic' tal nacionetic te ma na'biluc awu'un, soc pueblohetic te ma sna'bat aba, ahnimal ya xtalic ta atojol, ta scaj te Jehová, te Dios awu'un, te Ch'ul Dios yu'un Israel, te la yac'at ta ich'el ta muc'.

Isaías 44:23

Ha'at ch'ulchan, c'ayojinan soc yutsil q'uinal yac awa'iy, yu'un hich spasoj te Jehová; awonanic, sc'ubulil bahlumilal. Hahchanic ta c'ayoj, ha'ex witsetic, tohyem te'etic soc spisil te'etic ayic tey a, como te Jehová la yac' ta libre Jacob, soc ya xchicnaj yutsilal ta scuenta Israel.

San Lucas 15:6

soc te c'alal ya xc'oht ta sna, ya stsob tal yamigotac soc spat xuhc, hich ya yalbe: Pajaluc me ay yutsil co'tantic, yu'un la jtahix te jcoht jtuminchij te ch'aye, xchi.

Malaquías 1:11

Como c'alal banti ya xloc' tal c'ahc'al c'alal banti ya xmahl c'ahc'al muc' te jbihil ta yohlil te nacionetique, ta bayuc ya yich' chiq'uel pom ta scuenta jbihil soc ya yich' aq'uel mahtaniletic te mayuc yabacul. Muc' te jbihil ta yohlil te nacionetic, xchi te Jehová te scuentahinej spisil.

Jeremías 16:19

Jehová, ha'at quipat soc toyol ts'ahcat cu'un, soc j'ahnibalat cu'un ta yorahil wocol, ya me xtal ta atojol te nacionetic c'alal ta sti'il bahlumilal, hich me ya yalic: Ha nax lotil te a'bot yich'ic te jme'jtatic, ha te bin ma xtuhun, te mayuc bin la stahic a.

Salmos 82:8

¡Hahchan, Dios cu'un, chahpana te mach'atic ayic ta q'uinal, como ha'at awu'un spisil te nacionetique!

Abdías 1:21

Te jcoltaywanejetic ya xmohic bahel ta wits Sión yu'un ya scuentahinic te wits yu'un Esaú. ¡Yu'un Jehová ya xc'oht te ban c'alal ay ta cuentahinele!

San Mateo 24:31

Soc ya me sticonlan bahel te ch'ul a'batetic yu'un soc tulan yoq'uel corneta, ya stsobic tal ta schanebal ic' te mach'atic tsahticlambil yu'un, c'alal ta jehch ta jehch sti'il te ch'ulchane.

Hechos 4:26

Ya xhahchic te ajwaliletic ta q'uinal, soc te principaletic junax ya yac' sbahic ta schapel scontrahinel te Cajwaltic soc scontrahinel te Cristo yu'une, xchihat.

Ezequiel 47:5

La scha'p'is xan ohlil yoxbahc' (1,000) xuhc'ubil, muc'ul-ha'ix c'oht, ma ba hu'ix jc'axel a, como noj mohel te ha' te ma xhu' c'axel a, ha nax ta nuxel.