Apocalipsis 1:5 - Bible in Tzeltal Bachajón

⁵ soc yu'un te Jesucristo, te testigo te stalel jun yo'tan, te ba-nich'anil te cha'cuxaj tal ta yohlil mach'atic chamenic soc te ha jcuentahinwanej yu'un te ajwaliletic ayic ta bahlumilal. Ayuc me yutsilal soc yu'el sbahtel q'uinal te mach'a la sc'uxultayotic soc te la yac'otic ta libre yu'un te jmultic ta scuenta sch'ich'el,

Nuevo Testamento Tzeltal de Amatenango

⁵ y sok euk te Jesucristoe, te jun yoꞌtan ay ta testigoe. Jaꞌ stukel primero a chaꞌkux tal te ba animaetike, y yichꞌoj tulan yaꞌtel te mas mukꞌ ay yuꞌun te ajwaliletik ta balmilale. Kꞌuxotik ta yoꞌtan te Cristoe, sok la yakꞌotikix ta libre yuꞌun te jmultik te la smal te xchꞌichꞌele.

Bible in Tzeltal de Oxchuc y Tenejapa

⁵ soc uuc te Jesucristoe te jun yo'tan ay ta testigoe, te ja' sbabial cha'cux tel yu'un te mach'atic lajemique, te ja' Muc' Ajwalil te cajal yat'el yu'un te muc' ajwaliletic ta balumilale. Ja' te mach'a c'uxotic ta yo'tan, soc te la spocbotiquix loq'uel spisil jmultic ta xch'ich'ele,

Apocalipsis 1:5 Referans Kwoze

Salmos 89:27

Soc ya cac' te ha ba-nich'anil cu'un ya xc'oht, ha toyol xan ay yu'un te ajwaliletic ta bahlumilal.

Hebreos 9:14

¿ha'uc to balix a te sch'ich'el te Cristo, te ha ta scuenta te Espíritu sbahtel q'uinal ay la yac' sba ta lajel ta stojol Dios scuenta milbil mahtanil te mayuc bin jihnem, ya spocbeyex awo'tanic yu'un awa'telic scuenta lajel, scuenta yu'un yac awac' abahic ta a'batinel ta stojol te cuxul Diose?

1 Juan 1:7

Yan teme yacotic ta behel ta sacal q'uinal, hich te bin ut'il ay ta sacal q'uinal stuquel te Diose, talel c'axel jun co'tan jbahtic, soc ha ya spocbotic loq'uel spisil jmultic te sch'ich'el Jesús, te Snich'ane.

Apocalipsis 17:14

Ya me ya'beyic guerra te Jcolel Tuminchij, pero ya me xtsalotic yu'un, como ha principal yu'un principaletic soc ha Ajwalil yu'un ajwaliletic; soc te mach'atic sjoquinejic, ha'ic te mach'atic ic'bilic, tsahbilic soc te jun yo'tanic ta stojol, xchi.

Colosenses 1:18

Ha jolal yu'un te iglesia, te ha sbaq'uetal; ha shahchibal, ha nahil cha'cuxaj ta yohlil te mach'atic chamenic, scuenta yu'un ha toyol ya xc'oht yu'un spisil bintic ay stuquel,

1 Pedro 1:19

pero ta scuenta sch'ul sch'ich'el te Cristo, te hich c'ohem te bin ut'il tuminchij te mayuc yabaquil soc mayuc bin jihnem yu'un.

Hechos 26:23

Ha te ya xc'ax swocol te Cristo soc te ha nahil ya xcha'cuxaj tal ta yohlil te mach'atic chamenic, scuenta yu'un ya yalbe sc'oblal te sacal q'uinal ta stojol te pueblo soc te jyanlumetic, xchi te Pablo.

Apocalipsis 19:16

Ay sbihil ts'ihbabil ta smuc'ul-c'u' soc ta scub: Ajwalil yu'un ajwaliletic soc principal yu'un principaletic, xchi.

1 Juan 4:10

Hich ay te sc'uxul-o'tanile: Ma ha'uc te c'ux la jca'iy ta co'tantic te Diose, ha te c'ux la ya'iyotic ta yo'tan stuquel soc te la sticon tal te Snich'an yu'un ya stojbotic jmultic.

San Juan 18:37

La yal te Pilato: ¿Melel bal hiche te ajwalilat? xchi. La sjac' te Jesús: Ha'at nix yac awal te ajwalilon. Ha scuentahil te ayinon soc ha scuentahil te talon ta bahlumilal, yu'un ya cal ta jamal te smelelil c'ope. Spisil te mach'atic ayic ta scuenta te smelelil c'op, ya ya'iybonic jc'op, xchi.

Apocalipsis 3:14

Ts'ihbabeya te ch'ul a'bat yu'un te iglesia ta Laodicea: Hich ya yal te mach'a Hichuc, ha te testigo te stalel jun yo'tan soc te melel, te shahchibal te bintic pasticlambil yu'un Dios:

Apocalipsis 7:14

La jcalbe: Tatil, ha'at yac ana', la jcut. Hich la yalbon: Ha'ic ini te c'axem yu'unic te tulan uts'inel; sac'ojiquix sc'u' spaq'uic, ha la sacubtesic te ta sch'ich'el te Jcolel Tuminchij.

San Mateo 28:18

Nohpoj tal te Jesús, hich la yalbe: A'botonix quich' tulan ca'tel ta ch'ulchan soc ta bahlumilal.

Salmos 72:11

Spisil te ajwaliletic ya me squejan sbahic ta stojol; spisil te nacionetic ya me yac' sbahic ta a'batinel yu'un.

1 Timoteo 6:15

te ha ya xc'oht ta pasel ta yorahil yu'un te Dios te ay yutsil soc te stuquel ay ta ajwalil, ha Ajwalil yu'un ajwaliletic soc Yajwal principaletic,

Efesios 2:4

Pero Dios, te bayel ya xc'uxultaywan, ta scuenta smuc'ul sc'uxul yo'tan ta jtojoltic

Efesios 5:2

C'ux me xawa'iy abahic spisil ora, hich te bin ut'il c'ux la ya'iyotic te Cristo soc te la yac' sba ta lajel ta jcuentatic, te ha milbil smahtan Dios te sumet yic' c'ohem ta stojol.

Hechos 20:28

Ha yu'un canantaya abahic soc canantayahic spisil te tuminchijetic te awich'oj awa'telic ta obispo ta scuenta te Ch'ul Espíritu, scuenta yu'un yac amac'linic te iglesia yu'un te Cajwaltic, te ha la sman ta scuenta sch'ich'el,

Daniel 7:14

A'bot ya'tel ta cuentahinwanej, a'bot yutsilal soc te banti ya xcuentahinwan, scuenta yu'un spisil pueblohetic, nacionetic soc c'opiletic ya yac' sbahic ta a'batinel yu'un; sbahtel q'uinal te ya'tel ta cuentahinwanej, mayuc bin ora ya xc'ax bahel; soc te banti ya xcuentahinwan mayuc bin ora ya yich' jinel.

Gálatas 2:20

Pajal lajon ta cruz soc Cristo, hich ma ba cuxulonix te ho'one, ha cuxulix Cristo ta co'tan; soc te jcuxlejal ta ora ini ta scuenta ch'ich'-baq'uet, ha ya xcuxajon ta scuenta sch'uhunel co'tan ta stojol te Snich'an Dios, te c'uxon ta yo'tan soc te la yac' sba ta jcuenta.

Zacarías 13:1

Ta hich ora ya yich' jamel sloq'uib-ha' yu'un te sna David soc te mach'atic nahinemic ta Jerusalén scuenta spoquel mulil soc te bin bohloben sc'oblale.

Isaías 55:4

Ilawil, la jcac' te ha testigo ya xc'oht ta stojol te pueblohetic, ha jtsobaw soc jp'ijubteswanej ta stojol te nacionetique.

Apocalipsis 11:15

Te shuquebal ch'ul a'bat la yoq'uesin te scorneta, ay mach'atic tulan c'opojic ta ch'ulchan, hich yacalic ta yalel: Te cuentahinel yu'un te bahlumilal, ha yu'unix te Cajwaltic Dios soc te Cristo yu'une, ha ya xcuentahinwan sbahtel q'uinal, xchihic.

1 Timoteo 6:13

Ya calbat mandar ta stojol Dios, te ha ya ya'be scuxlejal spisil bintic ay, soc ta stojol te Jesucristo, te la yal lequil testigo-c'op ta stojol te Poncio Pilato,

1 Corintios 6:11

Ay hich ayex ta namey, pero pocbilexix, ch'ultesbilexix soc halotix te toj ayex ta scuenta sbihil te Cajwaltic Jesucristo soc ta scuenta te Espíritu yu'un te Dios cu'untique.

San Juan 15:9

Hich te bin ut'il c'uxon ta yo'tan te Jtate, ha nix hich c'uxex ta co'tan; jc'axel ayinanic ta stojol te sc'uxul co'tane.

San Juan 13:1

Ma to sta yorahil Q'uin Pascua a, te Jesús sna'oj te c'ohtix yorahil te ya yihquitayix hilel te bahlumilal soc te ya xbahtix ta stojol te Tatile. C'ux la ya'iy ta yo'tan te mach'atic ay yu'un ta bahlumilal, c'ux la ya'iy ta yo'tan ha to c'alal ta slajibal.

Deuteronomio 7:8

Pero ha ta scaj te c'uxex ta yo'tan te Jehová soc la sc'an te la sc'ohtes ta pasel te bin jc'axel la yalbe ta jamal te ame'atatique; hich la sloq'uesex tal ta scuenta yu'el sc'ab soc la scoltayex loq'uel ta mosohil ta sc'ab faraón te ajwalil yu'un Egipto.

Romanos 8:37

Ta spisil ini, ho'otic jc'axel ya ca'iytic tsalaw ta scuenta te Mach'a c'ux la ya'iyotic ta yo'tane

San Juan 13:34

Ay jun yach'il mandaril ya calbeyex: Talel c'axel c'ux xawa'iy aba ta awo'tanic; hich te bin ut'il c'ux la jca'iyex ta co'tan, ha nix hich talel c'axel c'ux xawa'iy abahic ta awo'tanic.

San Juan 3:32

soc yac yalbel te bin yiloj soc te bin ya'iyej, pero mayuc mach'a ya sch'uhumbe te testigo-c'op yu'une.

San Juan 3:11

Tulan sc'oblal ya calbat, ha yac calbelcotic te bin jna'ojcotic, soc ha ya calcotic ta jamal te bin quilojcotic, pero ma xawich'ic ta cuenta te bin ya calcotique.

Deuteronomio 23:5

Pero te Jehová te Dios awu'un ma ba la yich'be ta cuenta te sc'op Balaam. Te Jehová te Dios awu'un la sc'atp'umbat ta bendición te chopol c'oblalil c'anot ta atojol, como c'uxat ta yo'tan te Jehová te Dios awu'une.

Daniel 2:2

Hich te ajwalil la sticonlan ta iq'uel tal te jpas-señahetic, jna'ojeletic, jmonawetic soc te mach'atic ay sp'ijilic, yu'un ya yalbeyic sc'oblal te swayiche. Hich c'oht stehc'an sbahic ta stojol te ajwalile.

Salmos 51:2

¡Pocbon loq'uel spisil te bin chopol jpasoj, lecubtesawon yu'un te jmule!

Proverbios 14:5

Te mach'a testigo ta melel, ma xya'iy lot, yan te lotil testigo ya yal lot stuquel.

San Mateo 20:28

como te Nich'anil ay ta scuenta winic ma ba tal ta a'batinwanej, ha tal yac' sba ta a'batinel, soc tal yac' sba ta lajel scuenta yu'un ya xweht scolel bayelic, xchi.

San Juan 3:16

Como hich c'ux ta yo'tan Dios te bahlumilal te la sticon tal te hip jtuhl Snich'an, scuenta yu'un spisil te mach'atic ya sch'uhunic ma ba ya xch'ayic, ay scuxlejalic sbahtel q'uinal yu'un.

Romanos 3:25

Dios la yac' te ha la stojbotic jmultic te Jesús teme jch'uhunejtic te la smal sch'ich'el cu'untic. Tey la yac' ta ilel a te stojil bin ya spas, como cuhch yu'un te ma ba la yich' ta cuenta te muliletic ta namey,

Hebreos 10:29

¿Ma bal c'axemuc to xan hich castigo ya yich' a te mach'a ya sts'o'ts'o'tec' te Snich'an Dios, soc te chopol sc'oblal ya ya'iy te sch'ich'el te chapbil-c'op te yich'oj ch'ultesel a, soc te ya scontrac'optay te Espíritu yu'un yutsil-o'tanil?

Apocalipsis 2:13

Ya jna' banti nahinemat, ta banti ay te shuctajib te Satanás. Pero stalel jun awo'tan ta jtojol, ma ba amucoj ta awo'tan te ach'uhunejon, ni ha'uc te c'alal laj ta awohlilic te Antipas te testigo cu'un te jun yo'tan ta jtojol, tey ta banti nahinem te Satanás.

Apocalipsis 11:3

Ya calbe te cheb testigohetic cu'un te ya me xc'opojic ta sc'op-jalwanej oxbahc' soc oxwinic (1,260) c'ahc'al, slapojic pac' yu'un mel-o'tan a, xchi.

Apocalipsis 19:11

La jquil jamal te ch'ulchan, soc ay saquil cawu. Te mach'a cajal tey a, ha Stalel Jun Yo'tan soc Smelelil, xchi te sbihile; stojil ya x'ich'awan ta c'op soc ya yac' guerra.

Levítico 13:58

Pero te c'u'ul, jalbil pac', o biluc a te pasbil ta nuhcul te ch'ay stotol c'alal la yich' saq'uele, ya me yich' saq'uel yu'un schebal buelta, hich me lecubenix sc'oblal ya xhil, xchi te Jehová.

Deuteronomio 18:2

Mayuc bin ya x'a'bot yu'untayic ta yohlil te yermanotac; ha sq'uinalic c'ohem te Jehová, hich te bin ut'il halbotic yu'un.