Apocalipsis 1:15 - Bible in Tzeltal Bachajón

¹⁵ Te yoc hich yilel te bin ut'il xlipet huxbil bronce te tsajubtesbil ta c'ahc' ta horno, soc te sc'op hich ya'iyel te bin ut'il xculet ya xc'opoj snojel ha'.

Nuevo Testamento Tzeltal de Amatenango

¹⁵ Te yoke xlemet jachik tutꞌil bronse-takꞌin te pasbilix tal ta kꞌajkꞌe. Y te skꞌope kꞌax lom tulan jachik tutꞌil skꞌop jaꞌ te lom bayale.

Bible in Tzeltal de Oxchuc y Tenejapa

¹⁵ Te yacane pajal soc bronce te xlememet nax te lecubtesbilix ta c'ajq'ue. C'ax tulan te sc'ope, jich bit'il ya xc'opoj bayal te snojel ja'etique.

Apocalipsis 1:15 Referans Kwoze

Ezequiel 43:2

La jquil te yac ta talel ta stojol banti ya xloc' tal c'ahc'al te yutsilal te Dios yu'un Israel. Te sc'op pajal soc te sc'op bayel ha'etic, soc ay sts'anabul te lumq'uinal ta scaj te yutsilale.

Daniel 10:6

Te sbaq'uetal hich te bin ut'il yaxcancan ton, te sit yelaw hich yilel te bin ut'il tsantsehwal, te sit hich yilel te bin ut'il tsumbil c'ahc', te sc'ab soc te yoc hich yilel te bin ut'il ch'ulbil bronce, soc te sc'op pajal soc sc'op tsobol ants-winiquetic.

Apocalipsis 14:2

Soc la jca'iy xlamlon c'op ta ch'ulchan hich te bin ut'il ya xc'opoj swihlib ha' soc hich te bin ut'il tulan ya xc'opoj chahwuc. Hich la jca'iy te bin ut'il mach'atic yac stijbelic arpa yu'unic.

Apocalipsis 19:6

Soc la jca'iy hich te bin ut'il sc'op tsobol ants-winiquetic, hich te bin ut'il sc'op bayel ha'etic soc hich te bin ut'il tulan st'ohmel chahwuquetic, te hich yac yalbelic ta aw: ¡Aleluya! ¡Como hahchix ta cuentahinwanej te Cajwaltic Dios te spisil ya xhu' yu'une!

Apocalipsis 2:18

Ts'ihbabeya te ch'ul a'bat yu'un te iglesia ta Tiatira: Hich ya yal te Snich'an Dios, te sjel ta yat c'ahc' te sit soc hich yilel yoc te bin ut'il xlipet huxbil bronce:

Salmos 93:4

Te Jehová te ay ta toyol c'ax hich yip a te bin ut'il te sc'op bayel ha'etic, c'ax hich a te bin ut'il te tulan stselajan mar.

Ezequiel 1:7

Toj ay te yoquic, soc te stahn yoquic hich te bin ut'il slots' tut toro te xlipet hich te bin ut'il ch'ulbil bronce.

Ezequiel 40:3

Tey la yic'on bahel a, la jquil jtuhl winic te pajal soc bronce yilel. Teq'uel ta sti'il ochibal, yich'oj ta sc'ab jun p'is pasbil ta lino soc ay jalal-p'is.

Isaías 17:13

Te pueblohetic hich ay yawic te bin ut'il xnilet ha'etic, pero Dios tulan me ya yutic, hich namal ya xloq'uic ta ahnel; ya xlichotic ta ic' hich te bin ut'il suhlil trigo ta witsiltic, hich te bin ut'il ts'u'lum ta stojol sutu-ic'.

Ezequiel 1:24

La jca'iybe sc'op te xiq'uic te c'alal ya xhahchic bahel, pajal soc sc'op bayel ha'etic, pajal soc sc'op te Mach'a spisil ya xhu' yu'un, pajal soc xjuyet bayel soldadohetic. Te c'alal ya stehc'an sbahic, ya scohtesic te xiq'uique.

Apocalipsis 10:1

La jquil co tal ta ch'ulchan yan ch'ul a'bat te bayel yip, potsol ta tocal, soc ay xojob ta yahc'olal te sjole. Hich sit yelaw te bin ut'il c'ahc'al, soc hich yacan te bin ut'il bahlal c'ahc'.