Biblia Todo Logo
Bib sou entènèt

- Piblisite -




Amós 8:8 - Bible in Tzeltal Bachajón

8 ¿Ma bal yacuc xnihc sba te q'uinal yu'un? ¿Ma bal yacuc x'oc' spisil mach'atic nahinemic tey a? Ya xmo bahel spisil te q'uinal hich te bin ut'il te muc'ul-ha' Nilo; ya syuc' sba soc ya xco bahel hich te bin ut'il te muc'ul-ha' yu'un Egipto.

Gade chapit la Kopi

Bible in Tzeltal de Oxchuc y Tenejapa

8 ¿Ma bal yacuc xtal nijq'uel ta lumq'uinal yu'un? ¿Ma bal ya x'oq'uic spisil te yajwale? Te lumq'uinal ya me syuq'uilay sba, jich bit'il ya xmo soc ya xco ya'lel te muc'ja' Nilo.

Gade chapit la Kopi




Amós 8:8
22 Referans Kwoze  

Te Ajwalil, te Jehová te scuentahinej spisil, ya stij te q'uinal, ya x'uhl yu'un, soc ya x'oq'uic spisil te mach'atic ya xnahinic tey a; spisil te q'uinal ya xnoj bahel hich te bin ut'il muc'ul-ha', soc ya xco bahel hich te bin ut'il te muc'ul-ha' yu'un Egipto.


Ha scuentahil te ya smel yo'tan te q'uinal soc te ya xlaj yipic spisil mach'atic nahinemic tey a; ya xlajic te ha'mal chambahlametic, te mutetic ya xwihlic ta ch'ulchan, soc ha nix hich te chayetic ta mar.


Ha te Egipto, te ya xnoj mohel hich te bin ut'il te Nilo hich te bin ut'il muc'ul-ha' te ya syuc' sba. Hich la yal: Ya xnojon mohel, ya jmuc te q'uinal, ya jinticlan pueblohetic soc te mach'atic nahinemic tey a, xchi.


La syuc' sba soc nihc te q'uinale, la syuc' sbahic te yich'o-ip te witsiltic; nihquic ta scaj te ilin te Jehová.


Ha scuentahil te tihl yilimba Jehová ta stojol te pueblo yu'un, soc te la shach sc'ab ta scontrahinel soc te la yehchentes; nihc te witsiltic, te schamen-baq'uetalic ch'ojbilic hilel ta callehetic. Ta spisil ini, ma ba quehchaj te yilimba Jehová, shachoj to te sc'ab ta yaq'uel castigo.


Tey ora ya xchicnaj tal ta ch'ulchan a te seña yu'un te Nich'anil ay ta scuenta winic, hich ya xhahch smel yo'tanic spisil te jaychahp mach'atic ayic ta bahlumilal, ya me yilic te Nich'anil ay ta scuenta winic te yac ta talel ta stocalil ch'ulchan soc yu'el soc bayel yutsilal.


Ya jsutp'in ta oq'uel te q'uinetic awu'unic soc spisil te c'ayojetic awu'unic ya jsutp'in ta mel-o'tan; ya cac' te yac alapic c'u'ul scuenta mel-o'tan soc ya yich' quits'el spisil stsotsel ajolic. Ya cac' te hich ya xc'oht te q'uinal te bin ut'il oq'uel yu'un te mach'a ch'ayem te hip jtuhl snich'an, soc te slajibal hich ya xc'oht te bin ut'il ch'a te sc'ahc'alele.


Te mach'atic nahinemic ta Samaria ya xiwic ta scaj te jcolel toro ta Bet-avén. Ya x'oc' te pueblo ta scaj te jcolel toro, ha nix hich te sacerdotehetic te tse'el yo'tanic yu'un te yutsilal, te ya xch'ay bahele.


C'alal ya xc'ax te cheb schanwinic (62) semana, ya yich' milel te mach'a malbil ta aceite, mayuc bintic ya xhil yu'un. Te ants-winiquetic yu'un te príncipal te ya xtal ya me sjinic te pueblo soc te ch'ul awilal; hich ya xtal slajibal te bin ut'il snojel ha', ya xhalaj te jinel ha to c'alal ya xlaj te guerrahe.


¿Bin to ora te jochol ya xhil te lumq'uinal soc te ya sayub te aquiltic ta spisil te q'uinale? Ta scaj schopolil te mach'atic nahinemic tey a te lajemiquix te chambahlametic soc te ha'mal mutetique, como hich ya yalic: Dios ma ba ya yil bin ut'il ya xc'ohotic ta loq'uel, xchihic.


¿Mach'a a te yac ta nojel mohel hich te bin ut'il te Nilo, hich te bin ut'il muc'ul-ha' te ya syuc' sbahe?


Te lumq'uinal ya xnihc soc ya syuc' sba, como ya me xc'oht ta pasel te bin schapoj te Jehová ta scontrahinel te Babilonia, ha te ya sjochobtesbe sq'uinal te Babilonia, mayuc mach'a ya xnahin tey a.


Pero hich te bin ut'il snojel ha' ya slajinlan te mach'atic ya xcontrahinot yu'un, ha ya snuts bahel ta yihc'al q'uinal te scontrataque.


Swiv nou:

Piblisite


Piblisite