Amós 8:4 - Bible in Tzeltal Bachajón

⁴ A'iya awa'iyic ini, ha'ex te yac ats'o'ic ta teq'uel te mach'atic mayuc bin ay yu'unic soc te yac ajinic te pobrehetic ta q'uinal,

Bible in Tzeltal de Oxchuc y Tenejapa

⁴ Aiya awaiyic stojol, ja'ex te ya atenic ta uts'inel te alumalic te peq'uel ayique, soc te ya awuts'inic te me'baetic ta alumal;

Amós 8:4 Referans Kwoze

Amós 5:11

Te bin ut'il yac apehc'ambeyic sc'oblal te pobre soc yac ac'ambeyic spatanil te trigo, ma ba ya xnahinex ta nahetic la apasic ta walubil ton, soc ma ba yac awuch'beyic te vino yu'un te t'ujbil ts'usubiletic la ats'unique.

Proverbios 30:14

Ay mach'atic te ha espada c'ohem te yehic soc te scha'am hich c'ohem te bin ut'il cuchillo yu'un ya slajin a te pobrehetic soc te mach'atic mayuc bin ay yu'unic.

Salmos 14:4

¿Ma bal yacuc sna'ic stsahtayel spisil te mach'atic chopol bin ya spasic, te hich ya slajimbonic te pueblo cu'un te bin ut'il ya swe'ic pan, soc te ma ba ya sc'oponic te Jehová?

Salmos 140:12

Jna'oj te Jehová stojil ya schahpan te pobre soc ya scoltay te mach'a mayuc bin ay yu'un.

Salmos 12:5

Ya yal te Jehová: Ta scaj te uts'inel yu'un te pobrehetic soc te ahcan yu'un te mach'atic mayuc bin ay yu'unic, ya xhahchonix, ya jcoltay te mach'atic sc'anojic coltayel, xchi.

Santiago 5:6

La awaq'uic ta lajel soc la amilic te mach'a toj yo'tan, ma ba la scomex.

San Mateo 23:13

Pero ¡ay me awocolic, escribanohetic, fariseohetic, jchebal-o'tanex! como yac amacbelic ta stojol ants-winiquetic te cuentahinel yu'un te ch'ulchane. Ma ba ya x'ochex ha'ex, soc ma ba yac awaq'uic ochel te mach'atic ya sc'an ya x'ochic.

Jeremías 5:21

A'iya awa'iyic ini, ha'ex pueblohex te sonsohex soc mayuc awo'tanic, te ay asitic, pero ma xawilic q'uinal, te ay achiquinic, pero ma xawa'iyic q'uinal.

1 Reyes 22:19

La yal xan te Micaías: A'iya me awa'iy te sc'op Jehová: La jquil te Jehová hucul ta smuc'ul huctajib, spisil te mach'atic ayic ta ch'ulchan tec'ajtic ta stojol ta swa'el soc ta sq'uexam.

Amós 7:16

Ha yu'un, a'iybeya awa'iy te sc'op Jehová. Ha'at yac awal: Ma me xawal sc'op-jalwanej ta scontrahinel Israel, ma me xc'opojat ta scontrahinel te sna Isaac, xchihat.

Jeremías 28:15

Ha yu'un te jalwanej Jeremías hich la yalbe te Hananías: ¡A'iya awa'iy, Hananías! Ma ba sticonejat te Jehová, la awa'be smuc'ulin yo'tanic lot te pueblo ini.

Isaías 28:14

Ha yu'un a'iya awa'iy te sc'op Jehová, ha'ex jlabanwanejex te yac acuentahinic te pueblo ini te ay ta Jerusalén.

Isaías 1:10

¡Príncipaletic yu'un Sodoma, a'iybeya awa'iyic te sc'op Jehová! ¡Pueblo yu'un Gomorra, a'iybeya awa'iy te ley yu'un te Dios cu'untique!

Salmos 56:1

C'uxultayawon, Dios cu'un, yu'un ay mach'atic yac snutsbelonic; spisil ora ya ya'bonic guerra.

Job 24:4

Ya stenic loq'uel ta be te pobrehetic, soc spisil te pobrehetic ta q'uinal ya sc'an ya snac' sbahic.

Ezequiel 45:10

Ts'acaluc me sp'isol yalal awu'unic, soc ts'acaluc me te efa soc te bato.

Amós 5:12

Como ya jna' te bayel bin chopol apasojic soc te bayel amulique; yac awuts'inic te mach'a toj yo'tan, yac awich'ic taq'uin te la achon abahic a, soc ta chapajibaletic yac awac' ch'ayuc te bin ya sc'an te pobre.

Miqueas 2:2

Ya xbic'taj yo'tanic yu'un q'uinaletic, hich ya spojic; ya xbic'taj yo'tanic yu'un nahetic, hich ya yich'ic; ya stenic ta uts'inel te winic soc te mach'atic ay yu'un, ya stenic ta uts'inel te winic soc te bintic ay yu'une.

Salmos 10:7

Nojel ta ye bohlc'opetic, lotetic soc lo'loywanej; ta ye'tal yac' ay uts'inwanej soc bintic chopol.

Ezequiel 22:12

Tey ta awohlil ay mach'atic la yich'ic taq'uin yu'un smalel ch'ich'; la ac'ambe sjol ataq'uin soc ma stojiluc la awac' ta majanel taq'uin, la awuts'in ta elc'anel te apat-axuhque. ¡Ch'ayonix ta awo'tanic! xchi te Jehová, te Ajwalil.

Miqueas 3:3

soc yac ati'beyic sbaq'uetal te pueblo cu'un, yac ach'i'beyic snuhculel, yac awac'beyic sbaquelic; yac asesenic hich te bin ut'il ti'bal ya x'och ta caldero, hich te bin ut'il ti'bal ya x'och ta oxom.

Zacarías 5:6

La joc'obe: ¿Bin a ini? xchihon. Ha jun efa te ya xloc' talel, xchi. Soc la yal xan: Ha ini te schopolil spisil mach'atic ayic ta q'uinal, xchi.