Amós 8:2 - Bible in Tzeltal Bachajón

² Hich la sjoc'obon: ¿Bin yac awil, Amós? xchi. Jun moch te nojel ta sit awal-ts'unubil te sc'analix, xchihon. La yalbon te Jehová: Talix yorahil slajibal te Israel te pueblo cu'une; ma ba ya jpasbeyix perdón.

Bible in Tzeltal de Oxchuc y Tenejapa

² la sjojc'obon: —¿Bi ya awil, Amós? —la yuton. —Ay moch te nojel ta sit awalts'unubil te lequix ta lo'ele —la cut. La yalbon te Cajwaltique: —Jich c'oem te Israel; ma ba ya jpasbeyix perdón ta jc'axel.

Amós 8:2 Referans Kwoze

Amós 7:8

Hich la sjoc'obon te Jehová: ¿Bin yac awil, Amós? xchi. Jun plomo yu'un albañil, xchihon. Hich la yalbon: Ilawil, ya cac' te plomo yu'un albañil ta yohlil te pueblo Israel cu'un; ma ba ya jpasbeyiquix xan perdón.

Lamentaciones 4:18

La stsahtay yilic te jujujihm coctic hich ma ba hu' ya xbehenotic ta callehetic. Nohpoj tal te slajibal cu'untic, ts'acay te corahiltic, c'ohtix te jlajibaltique.

Miqueas 7:1

¡Obol jba! yu'un hich c'ohemon te bin ut'il c'alal tsobilix sit a ta yorahil snahtil c'ahc'al, c'alal c'axemix ta lehel a te bintic hilem yu'un te ts'usubil, mayuc hilem jchejuc ta we'el, mayuc hilem te sit te bayel ya jmulan.

Zacarías 5:2

La sjoc'obon te ch'ul a'bat: ¿Bin yac awil? xchi. La jac'be: Ya quil balbil hun te yac ta wihlel, te ha jtahb xuhc'ubil snahtil soc lajuneb xuhc'ubil sjamalil, xchihon.

Ezequiel 12:23

Ha yu'un halbeya: Hich yaloj te Jehová, te Ajwalil: Ya ca'be slajibal te tsahbil c'op ini, ma ba ya yich'ix xan halel ta Israel, xchihat. Halbeya: Nopolix te sc'ahc'alel soc nopolix te ya xc'oht ta pasel spisil te nahalsitiletique.

Ezequiel 8:17

Hich la yalbon: ¿La bal awil, snich'anat winic? Ma tic'uc a te yac spasbelic te bintic ilobtic sba te sna Judá. Ya snojesic ta uts'inwanej te q'uinal, bayel ya yac' ilinucon. Ilawil, ya yaq'uic ta sni'ic te jchej ya'binal sc'ab te'.

Ezequiel 8:12

Hich la yalbon: Snich'anat winic, ¿awiloj bal te bin muquen yac spasbelic te mamaletic ta sna Israel, ta tuhlultuhl bombil ta lop'tayel sloc'ombahic ta stsalul snahic? Yu'un hich ya yalic: Ma ba ya yilotic te Jehová, la yihquitayix te q'uinale, xchi.

Ezequiel 8:6

Hich la yalbon: Snich'anat winic, ¿ma bal yacuc awil te bin yac spasbelic, ha te bintic bayel ilobtic sbahic te yac spasbelic te sna Israel, te ya yac' te ya xnamijon bahel ta stojol te ch'ul awilal cu'une? Pero ya to awil yan te c'ax to xan hich ilobtic sbahic a, xchi.

Ezequiel 7:6

¡Ya xtal slajibal, ya xtal te slajibale; hahchix scontrahimbelat, ya me xtal!

Ezequiel 3:10

Hich la yalbon: Snich'anat winic, ac'a ta awo'tan spisil te bin ya calbat, a'iya me awa'iy ta lec.

Ezequiel 3:7

Pero te sna Israel ma ba ya sc'an ya ya'iybat ac'op, como ma sc'an ya ya'iybonic te jc'ope; como spisil te sna Israel tulan sit yelawic soc macal yo'tanic.

Jeremías 40:10

Te ho'one ya xhilon ta Mizpa scuenta yu'un ya xc'opojon awu'unic ta stojol te caldeohetic te ya xtalic ta jtojoltic. Te ha'exe tsobahic te vino, te sit te'etic yu'un te yorahil ha'alel q'uinal, soc te aceite, ac'ticlanahic ta yawil, nahinanic ta pueblohetic te awich'ojique, xchi.

Jeremías 5:31

Te jalwanejetic ya yalic lot, te sacerdotehetic ya xcuentahinwanic ha chican bin ya sc'an yo'tanic. ¡Hich ya sc'an te pueblo cu'une! Pero ¿bin yac apasic c'alal ya xtal slajibal? xchi te Jehová.

Isaías 28:4

Te snich te yac ta taquijel, ha te t'ujbil yutsilal, te ay ta shahchibal te spamlej te lec slumil, hich ya xc'oht te bin ut'il sba sit higuera te ma to yorahiluc ta tsobel: teme ay mach'a ya yile, ya stul, ya slo' ta ora.

Ezequiel 29:8

Ha yu'un hich yaloj te Jehová, te Ajwalil: Ya cac' scontrahinat te espada, soc ya jmilticlambat te ants-winiquetic soc chambahlametic,

Génesis 6:13

Ha yu'un Dios la yalbe te Noé: La jnopix te ya jlajin spisil bintic cuxajtic, yu'un ha ta scuentahic te nojel ta uts'inwanej te q'uinale. Ha yu'un pajal ya jlajin te q'uinal soc spisil bintic cuxajtic.

Amós 8:1

Ha la ya'bon quil ini te Jehová te Ajwalil: jun moch te nojel ta sit awal-ts'unubil te sc'analixe.

Oseas 9:7

C'ohtix sc'ahc'alel te castigo, c'ohtix sc'ahc'alel te ya x'a'bot stojolic. ¡Ya me sna' Israel! Cuyot ta sonso te jalwanej soc te sohquem sjol te winic te ay bin a'bot sna' yu'un Dios, ta scaj bayel achopolil soc bayel slab awo'tanic.