Amós 8:12 - Bible in Tzeltal Bachajón

¹² Xmeletic ta behel ta mar c'alal ta yan mar, c'alal ta norte c'alal ta banti ya xloc' tal c'ahc'al; ya xbehenic ta slehel te sc'op Jehová, pero ma ba ya stahic.

Bible in Tzeltal de Oxchuc y Tenejapa

¹² Te ants-winiquetic ya me xbajt'ic ta meletel, yu'un ya slebonic te jc'ope. Ya me xbajt'ic ta mar soc ta yan mar, soc c'alal ta norte soc ja' to ta sloq'uib c'aal; ja'uc me to, ma ba ya staic.

Amós 8:12 Referans Kwoze

San Mateo 12:30

Te mach'a ma ba jun yo'tan ta jtojol, ha scontrahinejon abi; soc te mach'a ma ba ya sjoquinon ta stsobel, ha yac spucbel.

Daniel 12:4

Pero ha'at, Daniel, maca te c'opetic, a'beya sello te libro ha to c'alal yorahil slajibal. Ay tsobolic te ya xtal xbahtic ta bayuc, soc ya xp'ohl te bintic ay ta na'el, xchi te Gabriel.

Proverbios 14:6

Te jlabanwanej ya sle p'ijil-o'tanil, pero ma ba ya sta ta lehel, yan te mach'a ya sna' q'uinal, ma ba wocol ya sta te p'ijil-o'tanile.

Ezequiel 20:31

Como te c'alal yac awac' te mahtaniletic awu'unic, ha te yac ac'ases ta c'ahc' te awal-anich'nabic, la abohlobtes abahic ta scuenta spisil te loc'ombahetic awu'unic c'alal ora. ¿Ya bal sc'an te ya jac'beyex ac'opic, ha'ex sna Israel? ¡Ho'on cuxulon, xchi te Jehová te Ajwalil, ma ba ya jac'beyex!

Ezequiel 20:3

Snich'anat winic, c'opona te mamaletic yu'un Israel, hich me xawalbe: Hich yaloj te Jehová te Ajwalil: ¿Ay bal bin tal ajoc'obonic? Ho'on cuxulon, ma ba ya jac'beyex, xchi te Jehová, te Ajwalil.

1 Samuel 3:1

Te querem Samuel la yac' sba ta a'batinel yu'un Jehová ta stojol Elí. Ha yorahil a te ma ba nopic tal te sc'op Jehová soc te bin ya x'a'bot yil ta nahalsit.

Proverbios 29:18

Te banti mayuc jal-c'op, ma ba ya scom sba te pueblo; pero bayel yutsil te mach'a ya sch'uhun spasel te Ley.

Proverbios 1:28

Ta hich ora ya sc'opononic, pero ma ba ya jac'be; ya me slehonic, pero ma ba ya stahonic;

Oseas 5:6

Ya xbahtic soc te tuminchijetic soc wacaxetic yu'unic ta slehel te Jehová, pero ma ba ya stahic, ¡como ihquitayotic yu'un!