Amós 6:3 - Bible in Tzeltal Bachajón

³ ¡Ha'ex te yac ac'anic te namal ya xhil te chopol sc'ahc'alel, yac awaq'uic nohpojuc tal te cuentahinel yu'un te tulan uts'inele!

Bible in Tzeltal de Oxchuc y Tenejapa

³ Te ja'exe ma x'ac'anic te ya sta yorail te bila amene; ja'uc me to, ja' ya amulanic te ya xmandalajic te j'uts'inwanejetique.

Amós 6:3 Referans Kwoze

Amós 9:10

Spisil te jmulawiletic ta pueblo cu'un ya xlajic ta espada, te hich ya yalic: Ma ba ya xnohpoj tal, ma ba ya stahotic te bin chopol, te xhihique.

Isaías 56:12

Hich ya yalic: Conic, ya cuch'tic vino, ya xyacubotic yu'un tulan uch'balil. Hich nix ya jpastic pajel, o c'ax lec to xan a, xchihic.

Ezequiel 12:27

Snich'an winic, hich ya yal te sna Israel: Te nahalsitil te ya yil te winic ini bayel to c'ahc'al te ya xc'oht ta pasele; namal to te bin ya yal ta sc'op-jalwanej, xchihic.

2 Pedro 3:4

soc hich me ya yalic: ¿Banti ay te yalojix te ya xtale? C'alal way sbaq'uetalic te antiguo me'iltatiletic stalel ay spisil, hich te bin ut'il c'alal shahchibal te bin pasbile, xchihic.

1 Tesalonicenses 5:3

Te c'alal hich ya yalic: Lamal q'uinal, lec ay spisil, repente nax ya xtal jinel ta stojolic, hich te bin ut'il ya xhahch sc'uxul c'alal ya x'ayin yal te antse, ma ba ya xhu' ya x'ahnic loq'uel.

San Mateo 24:48

Yan teme hich ya yal ta yo'tan te mach'a ma lequil a'batuc: Ma orahuc ya xtal te cajwal, teme xchihe,

Amós 3:10

Ma sna'ic spasel bin toj, xchi te Jehová; ya stsobic ta tulan ts'ahquetic yu'unic bintic elc'ambil soc te bintic pojbile.

Ezequiel 12:22

Snich'anat winic, ¿bin a te tsahbil c'op ini te ay awu'unic ta sq'uinal Israel te hich ya yal: Yac ta c'axel c'ahc'al, soc spisil te nahalsitiletic ma xc'oht ta pasel, te xchihe?

Apocalipsis 18:17

como ta junax ora laj hich yipal c'uhlejalil, xchihic. Spisil te mach'atic ya stijic barco soc te ya xbehenic ta barco, te mach'atic ya x'a'tejic ta barco, soc te mach'atic cuxajtic tey ta mar, namal ya stehc'an sbahic.

Amós 6:12

¿Ya bal x'ahnimajic ta tontiquil te cawuhetique? ¿Ya bal stuquic lum tey a soc j'a'tel-wacaxetic? Pero ha'ex la ac'atp'unic ta veneno te stojil chahpanel, soc la ac'atp'unic ta bin ch'a te sit te bin stojil ta pasele.

Amós 5:18

¡Obol sbahic te mach'atic ya sc'anic te sc'ahc'alel yu'un Jehová! ¿Bin yu'un yac ac'anic te sc'ahc'alel yu'un Jehová? ha sc'ahc'alel yihc'al q'uinal, ma sacal q'uinaluc.

Amós 5:12

Como ya jna' te bayel bin chopol apasojic soc te bayel amulique; yac awuts'inic te mach'a toj yo'tan, yac awich'ic taq'uin te la achon abahic a, soc ta chapajibaletic yac awac' ch'ayuc te bin ya sc'an te pobre.

Isaías 47:7

Hich la awal: Sbahtel q'uinal ajwalil-antson, xchihat, pero ma ba la ana' ini ma ba la anop bin ut'il ya xc'ohat ta loq'uel.

Eclesiastés 8:11

Teme ma ba ya x'a'bot castigo ta ora yu'un te bin chopol la yich' pasele, te ants-winiquetic ya xbaht ta yo'tanic spasel te bin chopole.

Salmos 94:20

¿Ya bal xpas te jun awo'tan soc te jmulawil huctajibal te ya spas te bin chopol ta scuenta te ley yu'une?

Lamentaciones 4:5

Te mach'atic la swe'ic lequil we'elil ya xlajiquix ta wi'nal ta callehetic; te mach'atic muc'ubic ta banti ay chi'in-yaxal pac' ayiquix ta sch'ayojibal tsa'.

Ezequiel 23:42

Chicnaj aw yu'un bayel ants-winiquetic ta stojol; soc ic'otic tal sabeohetic te talemic ta jochol taquin q'uinal soc yantic winiquetic; la sch'albeyic sc'abic te antsetic soc la ya'beyic t'ujbil coronahetic ta sjolic.

Miqueas 6:12

Te jc'ulejetic bayel ya x'uts'inwanic, te mach'atic nahinemic tey a ya xc'opojic ta lot, ya xlo'loywan te yehique.

Amós 3:9

Pucahic ta halel ta tulan ts'ahquetic yu'un Asdod soc ta tulan ts'ahquetic yu'un te sq'uinal Egipto, hich me xawalbeyic: Tsoba abahic ta witsiltic yu'un Samaria, ilawilic te bayel c'op ta yohlil soc te uts'inel tey a.