Amós 4:8 - Bible in Tzeltal Bachajón

⁸ Ha yu'un talic che'oxeb pueblohetic ta yan pueblo yu'un ya yuch'ic ha', pero ma ba ch'ay staquinti'il; pero ma ba suhtex tal ta jtojol yu'un, xchi te Jehová.

Bible in Tzeltal de Oxchuc y Tenejapa

⁸ Te ants-winiquetic cotlajanel c'axic ta lumlumtic ta sleel ja' yuch'ic, ma tic'uc la staic yu'un te taquinti'il la yaiyique. Ja'uc me to, ma ba la asujt'es awo'tanic ta jtojol yu'un —xi' ta tulan te Cajwaltique.

Amós 4:8 Referans Kwoze

Amós 4:6

Ho'on la jcac' taluc wi'nal ta stojol spisil te muc'ul pueblohetic awu'unic, soc te mayuc we'elil ta spisil te pueblohetic awu'unique, pero ma ba suhtex tal ta jtojol yu'un, xchi te Jehová.

Hageo 1:6

Bayel bintic yac ats'unic, pero jtep nax yac atsobic; ya xwe'ex, pero ma ba ya xnoj ach'uhtic; ya x'uch'ex, pero ma ba ya xc'ax ataquinti'ilic; yac alap ac'u' apaq'uic, pero ma ba ya xq'uixnajex yu'un; te mach'a ya yich' tojel ta a'tel, ya yich' te stojol ta hotol yawil.

1 Reyes 18:5

Te Acab hich la yalbe te Abdías: Bahan ta spahmal te q'uinal ta spisil sloq'uib-ha'etic soc ta spisil uc'umetic ta yilel teme ya jtahtic ha'mal te hich ya xcuxajic a te cawuhetic soc te mulahetic, scuenta yu'un hich ma ba ya xlaj a te chambahlametic cu'untic, xchi.

Miqueas 6:14

Ya xwe'at, pero ma xnoj ach'uht yu'un, stalel ay awocol ta wi'nal; yac atsob, pero mayuc bin ya xhil awu'un, soc te bin q'uejbil awu'un ya cac' ta lajel ta espada.

Oseas 7:10

Te stoybahil Israel ha nix ya xhalot yu'un; pero ma ba ya suhtic tal, ma ba ya slehic te Jehová te Dios yu'unique.

Jeremías 23:14

Soc ta yohlil te jalwanejetic ta Jerusalén, quiloj bintic ilobtic sba: ya ya'iyic antsiwej soc ya ya'iyic lot, ya ya'beyic yip yo'tanic te mach'atic chopolic, scuenta yu'un mayuc mach'a ya suhtes yo'tanic yu'un te bin chopol ya spase. Hich c'ohemic ta co'tan te bin ut'il Sodoma, te mach'atic nahinemic tey a hich c'ohemic te bin ut'il Gomorra.

Jeremías 3:7

Hich la jcal: C'alal pasbilix yu'un spisil ini, ya me suht tal ta jtojol, xchihon; pero ma ba suht talel. Te yihts'in, ha te toyba Judá,

Isaías 9:12

ha te siriahetic ta banti ya xloc' tal c'ahc'al soc te filisteohetic ta smahlib c'ahc'al; jamal yehic ya me sbiq'uic cohel te Israel. Ta spisil ini, ma ba lahmaj yilimba te Jehová, shachoj to te sc'ab ta yaq'uel castigo.

Jeremías 3:3

Ha scuentahil te la yich' comel te ha'ale, te ma ba la yac' ha'al ta yorahil te ya xyaxub te q'uinale. Pero hich awelaw te bin ut'il jmulawil ants, ma ba la ac'an ya xq'uexawat yu'un.

Jeremías 5:3

Jehová, ¿ma bal yacuc yil asit te bin melele? La amajticlan, pero ma ba c'ux la ya'iyic; la alajinlan, pero ma ba la sc'anic tojobtesel. La stulantes sit yelawic c'ax hich a te bin ut'il ton, ma ba la sc'an la suhtes yo'tanic.

Oseas 11:5

Ma ba ya suhtic bahel ta sq'uinal Egipto, ha ajwalil ya xc'oht yu'unic te Asiria, como ma ba la sc'anic suhtic tal ta jtojol.

Hageo 2:17

La jlajimbeyex ta scuenta q'uixin ic', stotol soc bat spisil ya'tel ac'abic, pero ma ba la asuhtes awo'tanic ta jtojol, xchi te Jehová.