Amós 4:10 - Bible in Tzeltal Bachajón

¹⁰ La jticombeyex tal jmilawal-chamel hich te bin ut'il ta Egipto; la jmil ta espada te queremetic awu'unic, chucotic bahel te acawuhic, la jcac' mohuc ta ani'ic stuhil te campamento awu'unic, pero ma ba suhtex tal ta jtojol yu'un, xchi te Jehová.

Bible in Tzeltal de Oxchuc y Tenejapa

¹⁰ —La jticunbeyex tel te bila la yac'beyex awocolic, jich bit'il la jticunbey tel ta stojol te egipcioetic. La cac' te ya xlajic ta guerra te queremetic awu'unic; soc la cac'bey yu'uninbeyex acaballoic te acontroique. La cac'beyex awaiybeyic stuil te mach'atic lajem awu'unique. Ja'uc me to, ma ba la asujt'es awo'tanic ta jtojol yu'un —xi' ta tulan te Cajwaltique.

Amós 4:10 Referans Kwoze

Deuteronomio 28:60

ya me yac' tal ta atojol spisil te tulan wocol te chicnaj ta Egipto, te la ya'bat axiwel soc te ma ba ya yihquitayat.

Joel 2:20

Ya cac' namijuc bahel ta atojolic te soldadohetic talemic ta norte, ya jticon bahel ta jochol taquin q'uinal: te nahil ay yu'unic ya x'ochic bahel ta mar ta stojol sloq'uib c'ahc'al, te patil ay yu'unic ya x'ochic ta mar ta stojol smahlib c'ahc'al. Ya xc'a'ic soc ya xmo stuhil, muc' bintic spasticlanejic.

2 Reyes 13:7

Mayuquix hil winiquetic yu'un Joacaz, ha xanix lajuneb yoxwinic (50) jmoheletic ta cawu, lajuneb carretahetic yu'un guerra, soc jpic soc ho'bahc' (10,000) soldadohetic te ayic ta behel ta yoquic, como ha la yich'ic lajnel yu'un te ajwalil yu'un Siria, hich hilic yu'un te bin ut'il ts'u'lum yu'un tec'ticlanel.

Levítico 26:25

Ya cac' taluc espada ta atojolic scuenta spacol sc'axuntayel te chapbil-c'op. Teme yac ale awahnibic ta apueblohic, ya jticon tal jmilawal-chamel ta atojolic soc ya x'ochex ta sc'ab te acontrahique.

Deuteronomio 7:15

Te Jehová ya me sloq'uesbat spisil chameletic; soc spisil te jmilawal-chameletic yu'un Egipto te la awile, ma ba ya yac' c'ohtuc ta atojol, ha ya ya'be ta stojol spisil mach'atic ya yihlayat.

Amós 8:3

Ta hich ora te c'ayojetic ta templo ya sutp'ijic ta ahcan, xchi te Jehová te Ajwalil. Bayel chamen baq'uet ya xc'oht, ya yich'ic ch'ojel loq'uel ta bayuc, mayuc mach'a ya xc'opoj.

Amós 4:6

Ho'on la jcac' taluc wi'nal ta stojol spisil te muc'ul pueblohetic awu'unic, soc te mayuc we'elil ta spisil te pueblohetic awu'unique, pero ma ba suhtex tal ta jtojol yu'un, xchi te Jehová.

Jeremías 18:21

Ha yu'un ac'a ta wi'nal te yal-snich'nabic; ac'a hiluquic ta stojol te espada. Ac'a te mayuc yalatac te yihnamic soc te me'ba' ya xhilic, ac'a yich'ic milel te smamalalic, soc te queremetic yu'unic ac'a lajuquic ta espada ta guerra.

Jeremías 11:22

Ha yu'un hich ya yal te Jehová te scuentahinej spisil: Ya me ca'be castigo: ya xlajic ta espada te jcolel winiquetic, ya xlajic ta wi'nal te squerem-nich'nabic soc yantsil-nich'nabic.

2 Reyes 13:3

Ha yu'un ilin yo'tan ta stojol Israel te Jehová. Bayel ha'bil la ya'be ta sc'ab Hazael ajwalil yu'un Siria soc ta sc'ab Ben-adad snich'an Hazael.

Deuteronomio 28:22

Te Jehová ya me sticombat tal sac-obal, c'ahc', siht'el, sc'uxul c'ahc'al, taquin q'uinal, wocol te repente nax ya xtal, soc stotol ats'unub-awawal; ya me snutsat ha to c'alal ya xch'ayat bahel.

Levítico 26:16

hich me ya jpasbeyex ta atojolic: ya jticombeyex tal ta atojolic tulan xiwel, tulan chamel soc c'ahc' te ya sjin sitil soc te ya yac' pich'il-o'tanil. Tojol yac awa'iyic ts'umbajel, yu'un ha ya swe'ic te acontrahique.

Éxodo 8:19

Ha yu'un te j'ilojeletic hich la yalbeyic te faraón: Ha'ix te yal sc'ab Dios ini, xchihic. Pero te faraón tulanub yo'tan, ma ba la ya'iybe sc'opic, hich te bin ut'il la yal te Jehová.

Jeremías 48:15

La yich'ix jinel te Moab, la yich'ic ochintayel te pueblohetic yu'une; te tsahbil ach'ix-queremetic yu'un cohemic bahel ta milel, xchi te Ajwalil te ha Jehová te scuentahinej spisil te sbihile.

Jeremías 16:4

ya me xchamic yu'un tulan chameletic; mayuc mach'a ya x'oq'uetayotic yu'un soc mayuc mach'a ya xmucotic yu'un; hich ya xhilic te bin ut'il stsa' chambahlam ta sba te lumq'uinale. Ya xlajic ta espada soc ta wi'nal, soc te schamen baq'uetalic ya me xlajic ta ti'el ta mutetic te ya xwihlic ta toyol soc ti'awal chambahlametic ta q'uinal, xchi te Jehová.

Jeremías 15:3

Ya jticon ta stojolic chanchahp castigo, xchi te Jehová: ha te espada te ya xmilawan, ts'i'etic te ya xti'awanic, mutetic te ya xwihlic ta toyol soc chambahlametic ta q'uinal yu'un ya xti'awanic soc ya xlajinwanic.

Jeremías 9:22

Hich me xawal: Hich ya yal te Jehová: Te schamen baq'uetalic te ants-winiquetic limilic ya xhil ta lum, hich te bin ut'il stsa' chambahlam ta sba aquiltic, hich te bin ut'il tohmoltohm ya xhil ta spat te jset'-trigo, te mayuc mach'a ya stsob, xchihat me.

Jeremías 6:11

Ha yu'un nojel co'tan ta yilimba Jehová, luhbenonix yu'un scomel jba. La yal te Jehová: Mala bahel ta stojol te alaletic ta calle soc ta stojol te queremetic banti stsoboj sbahic; como ya me yich'ic chuquel te winiquetic soc yihnamic, te mamaletic soc te mach'atic c'ax mamalixe.

Isaías 9:13

Pero te pueblo ma ba la suhtes yo'tanic ta stojol te mach'a a'bot castigo yu'une, ma ba la slehic te Jehová te scuentahinej spisil.

2 Reyes 10:32

Ha yorahil a te Jehová hahch stutubtes te sq'uinal Israel. Te Hazael la stsalticlan ta spisil sti'il sq'uinalic:

2 Reyes 8:12

¿Bin yu'un ya x'oc' te cajwal? xchi te Hazael. La yal te Eliseo: Yu'un ya jna' te bin chopol yac apasbe te Israel. Yac achic'be te pueblohetic yu'unic te joybilic ta ts'ahc, yac amilticlambe ta espada te ach'ix-queremetic yu'unic, yac amajticlambe ta lum te alaletic yu'unic soc yac ajamticlambe sch'uhtic te antsetic swoloj yalic, xchi.

Éxodo 15:26

hich la yal: Teme yac awa'iybe ta lec te sc'op Jehová te Dios awu'unic, teme yac apas te bin toj ta pasel ta stojol, teme yac awich' ta cuenta te mandariletic yu'un soc teme yac ach'uhun spasel spisil te chahpambil mandariletic yu'une, ma ba ya ca'bat junuc te chamel te la jca'be te egipciohetic, como ho'on Jehovahon te jpoxtaywanejon awu'unic, xchi.

Éxodo 14:4

Ya jtulanubtesbe yo'tan te faraón yu'un ya snutsex. Ya xtohy jc'oblal ta scuenta faraón soc spisil te soldadohetic yu'un, soc ya me sna'ic te egipciohetic te ho'on Jehovahon, xchi. Hich la spasic.

Éxodo 10:27

Pero te Jehová la stulanubtesbe yo'tan te faraón, ma ba la sc'an la yac' bahel.

Éxodo 10:3

Ha yu'un te Moisés soc Aarón bahtic ta stojol faraón, hich la yalbeyic: Te Jehová te Dios yu'un te hebreohetic, hich la yal: ¿Bin to ora yac apehc'an aba ta jtojol? Ac'a loq'uel te pueblo cu'un, yu'un ya xbaht sch'uhuntayonic.

Éxodo 9:17

Pero ya to atoy xan aba ta scontrahinel te pueblo cu'un te ma xawac' loq'uele.

Éxodo 9:12

Pero te Jehová la stulanubtesbe yo'tan te faraón, hich ma ba la ya'iybe sc'opic te Moisés soc Aarón, hich te bin ut'il halbot yu'un Jehová te Moisés.

Deuteronomio 28:21

Te Jehová ya me sticombat tal jmilawal-chamel ta atojol ha to c'alal ya slajinat tey ta q'uinal te banti ya x'ochat yu'un yac awu'untay.

Isaías 9:17

Ha yu'un te Jehová ma ba lec yo'tan yu'un te ach'ix-queremetic yu'unic, soc ma ba ya sna'be yo'bolil sbahic te me'ba' alaletic soc te me'ba' antsetic, como ta spisilic ma lecuc yo'tanic soc chopolic, spisilic mayuc scuentahil bin ya yalic. Ta spisil ini, ma ba lahmaj yilimba te Jehová, shachoj to te sc'ab ta yaq'uel castigo.

Isaías 34:3

Te mach'atic lajemic yu'un ya me yich'ic ch'ojel bahel, te schamen baq'uetalic ya xhahchic ta tuhubel; te witsiltic ya xt'ux yu'un te sch'ich'elique.

Isaías 50:11

Pero apisilic te yac atsunic ac'ahq'uic, te yac achahpan tsumbil c'ahc' awu'unic: behenanic ta sacal q'uinal yu'un te c'ahc' awu'unic, soc ta yohlil te tsumbil c'ahc' awu'unique. Hich ay te bin yac awich'ic ta jc'ab: ta scuenta tulan wocol yac awich'ic muquel.

Jeremías 49:26

Ha yu'un te queremetic yu'un ya xyahlic ta callehetic, soc spisil te soldadohetic yu'un ya me xlajic ta hich ora, xchi te Jehová te scuentahinej spisil.

Isaías 9:12

ha te siriahetic ta banti ya xloc' tal c'ahc'al soc te filisteohetic ta smahlib c'ahc'al; jamal yehic ya me sbiq'uic cohel te Israel. Ta spisil ini, ma ba lahmaj yilimba te Jehová, shachoj to te sc'ab ta yaq'uel castigo.

Jeremías 5:3

Jehová, ¿ma bal yacuc yil asit te bin melele? La amajticlan, pero ma ba c'ux la ya'iyic; la alajinlan, pero ma ba la sc'anic tojobtesel. La stulantes sit yelawic c'ax hich a te bin ut'il ton, ma ba la sc'an la suhtes yo'tanic.

Oseas 11:5

Ma ba ya suhtic bahel ta sq'uinal Egipto, ha ajwalil ya xc'oht yu'unic te Asiria, como ma ba la sc'anic suhtic tal ta jtojol.

Hageo 2:17

La jlajimbeyex ta scuenta q'uixin ic', stotol soc bat spisil ya'tel ac'abic, pero ma ba la asuhtes awo'tanic ta jtojol, xchi te Jehová.