Amós 4:1 - Bible in Tzeltal Bachajón

¹ A'iya awa'iyic te c'op ini, ha'ex wacaxetic yu'un Basán, te nahinemex ta wits yu'un Samaria, te yac awa'beyic swocol te pobrehetic soc yac awuts'inic te mach'atic mayuc bin ay yu'unique; te hich yac awalbeyic te amamalalic: Ich'ahic tal bin ya cuch'tic, te xchihexe.

Bible in Tzeltal de Oxchuc y Tenejapa

¹ Aiya awaiyic stojol, ja'ex antsetic te pajalex soc me' wacax ta Basán ta switsul Samaria, te ya atenic ta uts'inel te me'baetic, soc te c'axem to xan ya awilbeyic yo'tan yu'un te ma'yuc bila ay yu'unique; te ya awalbeyic te amamlalique: “Ich'aic tel vino ya cuch'tic”, te xaex ta stojolique.

Amós 4:1 Referans Kwoze

Salmos 22:12

Bayel torohetic sjoytayejonic; nohpojic tal ta jtojol torohetic yu'un Basán te ay bayel yipic.

Amós 6:1

¡Obol sbahic te mach'atic mayuc swocolic ta Sión soc te mach'atic jun yo'tan nahinemic ta wits Samaria, te mach'atic ich'bilic ta cuenta soc te príncipaletic ta nacionetic, ha te mach'atic ta sna Israel te ya xbahtic ta stojolic!

Amós 5:11

Te bin ut'il yac apehc'ambeyic sc'oblal te pobre soc yac ac'ambeyic spatanil te trigo, ma ba ya xnahinex ta nahetic la apasic ta walubil ton, soc ma ba yac awuch'beyic te vino yu'un te t'ujbil ts'usubiletic la ats'unique.

Ezequiel 39:18

Ya me ati'beyic sbaq'uetal te mach'atic ay yipic soc ya me awuch'beyic sch'ich'el príncipaletic ta q'uinal: hich c'ohemic te bin ut'il tat tuminchijetic soc tut tuminchijetic, tentsunetic soc torohetic, spisilic juhp'enic ta Basán.

Eclesiastés 4:1

La jquil yan buelta spisil te uts'inel te yac ta pasel ta ye'tal ch'ulchan: ha te ya'lel sitic te mach'atic uts'imbilic, mayuc mach'a ya xmuc'ubtesbot q'uinal ya ya'iyic yu'un; ay yip ta sc'abic te j'uts'inwanejetic yu'unic, mayuc jmuc'ubtesej q'uinal yu'unic.

Malaquías 3:5

Ya xtalon ta atojolic scuenta chahpanwanej; ora nax ya jcontrahin ta testigo-c'op te j'ac'-chameletic, te j'antsiwejetic, te mach'atic ya yalic ta jamal ta lot, te mach'atic ma ts'acaluc ya ya'be stojol ya'tel, te ya ya'beyic swocol te me'ba' antsetic soc te me'ba' alaletic, te mach'atic ma stojiluc bin ya spasbe te jyanlumetic, soc te mach'atic ma ba ya xi'onic, xchi te Jehová te scuentahinej spisil.

Joel 3:3

La spasic seña ta na'el ta stojol te pueblo cu'un, la sjelic tut queremetic ta j'antsinel ants, soc la schonic tut ach'ixetic yu'un ya smanic vino a te ya yuch'ique.

Ezequiel 22:29

Te swinquilel te q'uinal ya x'uts'inwanic soc ya x'elc'ajic; ya yuts'inic te mach'atic ay swocolic soc te mach'atic mayuc bin ay yu'unic, soc ya yuts'inic te jyanlumetic, ma stojiluc ya schahpanic.

Ezequiel 22:27

Te príncipaletic yu'unic hich c'ohemic te bin ut'il ha'mal ts'i'etic te ya stuch'ticlan swe'elic; ya smalic ch'ich' soc ya slajinic cuxlejaliletic scuenta yu'un ma stojiluc ay bin ya stahic a.

Ezequiel 22:12

Tey ta awohlil ay mach'atic la yich'ic taq'uin yu'un smalel ch'ich'; la ac'ambe sjol ataq'uin soc ma stojiluc la awac' ta majanel taq'uin, la awuts'in ta elc'anel te apat-axuhque. ¡Ch'ayonix ta awo'tanic! xchi te Jehová, te Ajwalil.

Ezequiel 22:7

P'ajbilic te me'iltatiletic ta awohlil; ya yuts'inic te jyanlumetic ta awohlil, soc ma ba toj bin ya spasbeyic te me'ba' alaletic soc me'ba' antsetique.

Jeremías 51:34

Te Nabucodonosor ajwalil yu'un Babilonia la slajinon, la sesenon. Jochol la yihquitayon hilel hich te bin ut'il vaso; la sbic'on hich te bin ut'il dragón, la snojes sch'uht ta bintic mulantic sba cu'un, la xetayon.

Jeremías 50:27

Milbeyahic spisil te torohetic yu'un, ac'a bahtuquic ta milojibal, ¡Obol sbahic! ¡C'ohtix yorahilic, yorahilix te castigo yu'unique!

Jeremías 7:6

teme ma ba yac awuts'inic te jyanlum, te me'ba' o te me'ba' ants, teme ma ba yac amalbe sch'ich'el ta lugar ini te mach'a mayuc smul, soc teme ma ba yac at'unic bahel jyanlum diosetic te yac ata awocolic yu'une,

Jeremías 6:6

Hich la yal te Jehová te scuentahinej spisil: Ts'etahic te'etic, busanahic mohel lum ta spat ts'ahc ta scontrahinel te Jerusalén. Te muc'ul pueblo ini ya sc'an ya x'a'bot castigo, como nojel ta uts'inel.

Isaías 58:6

Te lequil scomel we'elil te ya jc'an: ¿ma bal ha'uc te yac aloq'ues te scadenahil te pasel te bin chopol, te yac atihl te ihcatsiletic yu'un uts'inel, te yac awac' ta libre te mach'atic tembilic ta uts'inel, soc te yac awac'ticlan spisil yugohetic?

Isaías 5:8

¡Ay me swocolic te mach'atic ya slehticlan nahetic yu'unic, soc ya slehticlan q'uinaletic, ha to c'alal ya yich'ic spisil! ¿Atuquelic bal ya x'ayinex ha'ex ta q'uinal?

Eclesiastés 5:8

Teme yac awil te ay banti ayic ta uts'inel te pobrehetic, soc te ma stojiluc ya xchahpanotic, ma me xchamuc awo'tan yu'un; como ay mach'a muc' ya'tel te ya x'ilot yu'un mach'a toyol xan yu'une, soc ay mach'a toyol xan yu'un schebalic.

Salmos 140:12

Jna'oj te Jehová stojil ya schahpan te pobre soc ya scoltay te mach'a mayuc bin ay yu'un.

Salmos 12:5

Ya yal te Jehová: Ta scaj te uts'inel yu'un te pobrehetic soc te ahcan yu'un te mach'atic mayuc bin ay yu'unic, ya xhahchonix, ya jcoltay te mach'atic sc'anojic coltayel, xchi.

Job 20:19

Como la yuts'in soc la yihquitay hilel te pobrehetic, la spoj nahetic te ma ha'uc spasoj,

1 Reyes 16:24

Ha la smambe te Semer te wits yu'un Samaria, cheb talento plata la stoj. Tey la spas pueblo a, la ya'be sbihil Samaria te ha sbihil te Semer te yajwal te witse.

Deuteronomio 28:33

Te sit ats'unub-awawal ta aq'uinal soc spisil te bintic yac ata ta scuenta awa'tel, ha ya swe'ic te mach'atic ma xana'be sba; ayat ta uts'inel soc jimbil ya xc'ohat spisil ora.

Jeremías 50:11

Como tse'el awo'tanic soc ay yutsil q'uinal la awa'iyic a c'alal la apojic te bintic ay cu'un, wihlex hich te bin ut'il tut wacax ta aquiltic, soc x'ilajanex hich te bin ut'il cawuhetic,

Deuteronomio 24:14

Ma me xawa'be swocol te jle-a'tel te pobre ay te mayuc bin ay yu'une, teme ha nix awermanotac o jyanlumetic te nahinemic ta aq'uinal ta pueblohetic awu'un.

Ezequiel 18:12

ya yuts'in te pobre soc te mach'a mayuc bin ay yu'un, ya ya'iy elec' soc ma ba ya sutbe te bin yich'beyej, ya stoy mohel sit ta stojol te loc'ombahetic soc ya spas te bintic ilobtic sba,

Amós 6:6

yac awuch'ic vino ta muc'ul vasohetic, soc yac amal abahic ta lequil perfumehetic, pero ma ba yac amel awo'tanic yu'un te jinel yu'un José.

Números 21:33

Patil la yaq'uic buelta, mohic bahel ta sbehlal Basán. Te Og, ajwalil yu'un Basán, loc' bahel soc spisil te pueblo yu'un, baht ya'beyic guerra tey ta Edrei.

Job 24:4

Ya stenic loq'uel ta be te pobrehetic, soc spisil te pobrehetic ta q'uinal ya sc'an ya snac' sbahic.

Proverbios 22:7

Te jc'ulej ya ya'batin te pobre, soc te mach'a ay bin ya smajan, ha a'bat ya xc'oht yu'un te mach'a la yac' ta majanel.

Isaías 28:1

¡Ay me swocol te corona yu'un toybahil yu'un te jyacubeletic yu'un Efraín, soc te snich te yac ta taquijel, ha te t'ujbil yutsilal, te ay ta shahchibal te spamlej te lec slumil, ha te mach'atic tsalbilic yu'un te vino!

Isaías 56:12

Hich ya yalic: Conic, ya cuch'tic vino, ya xyacubotic yu'un tulan uch'balil. Hich nix ya jpastic pajel, o c'ax lec to xan a, xchihic.

Ezequiel 34:16

Ya jle te tuminchij te ch'ayem, ya jsuhtes tal te howiyemic bahel, ya jpotsbe te banti waq'uem soc ya ca'be yip te banti mayuc yip; pero ya jlajin te juhp'en soc te ay yipe. Stojil me ya jcanantay.

Amós 3:1

A'iya awa'iyic te bin ya yal te Jehová ta scontrahinelex, snich'nabex Israel, ta scontrahinel spisil mach'atic ay awu'unic te la jloq'ues tal ta sq'uinal Egipto:

Amós 3:3

¿Pajal bal ya xbehen te chebic teme ma ba pajal yo'tan sbahic?