Amós 3:2 - Bible in Tzeltal Bachajón

² Ta yohlil spisil te pueblohetic ta bahlumilal; ha'ex nax atuquelic te la jtsahex ha yu'un ya ca'beyex castigo yu'un spisil te bin chopol apasojique.

Bible in Tzeltal de Oxchuc y Tenejapa

² —Ja'ex nax atuquelic te la jtsaex ta yolilic spisil te lumetic ta balumilal. Jich yu'un ya cac'beyex castigo yu'un spisil te bila amen apasojique —xi'.

Amós 3:2 Referans Kwoze

Deuteronomio 7:6

Como te ha'ate, ch'ul pueblohat yu'un Jehová te Dios awu'une. Ha la stsahat ta yohlil spisil te pueblohetic ta swohlol bahlumilal scuenta yu'un mero pueblohat yu'un ya xc'ohat.

1 Pedro 4:17

Como yorahilix te ya xhahch ta ich'el ta c'op te mach'atic yu'un Dios; teme ha nahil ya xhahch ta jtojoltic, ¿bin ut'il ya xc'ohtic ta loq'uel te mach'atic ma sch'uhunic te lec yach'il c'op yu'un te Diose?

Deuteronomio 10:15

Pero te Jehová ha nax lec yo'tan ta stojol te ame'atatic soc c'ux la ya'iy ta yo'tan, soc ta patil la stsa te sts'umbalic, ha te ha'exe, ta yohlil spisil te nacionetic, hich te bin ut'il ta ora ini.

Romanos 2:9

Ay me swocol soc pich'il yo'tanic spisil mach'atic ya spasic te bin chopol: ha nahil te judío, soc ha nix hich te griego;

Daniel 9:12

Ha la sc'ohtes ta pasel te bin la yal ta jtojolcotic soc ta stojol te jcuentahinwanejetic cu'uncotic, ha te la yac' tal ta jtojolcotic bayel wocol; mayuc hich c'ohem ta pasel ta ye'tal ch'ulchan te bin ut'il c'oht ta stojol Jerusalén.

Ezequiel 9:6

Milticlanahic mamaletic, queremetic, ach'ixetic, alaletic soc antsetic, pero ma me xawuts'inic te mach'atic yich'oj te señahe. Ya me xhahchex ta ch'ul awilal cu'un, xchi. Ha yu'un nahil hahchic ta banti ay te mamaletic ta stojol te templo.

Jeremías 14:10

Te Jehová hich la yalbe sc'oblal te pueblo ini: Bayel la smulanic te bayuc nax ya xbahtic, ma ba la scom yoquic. Ha yu'un te Jehová ma lecuc yo'tan yu'unic; ya me sna'beyix te smulic soc ya me yac'ticlambe castigo yu'un, xchi.

Jeremías 13:21

¿Bin yac awal yu'un te c'alal Jehová ya yac' scuentahinat te mach'atic la anohptes te ha awamigo ya xc'ohtic? ¿Ma bal yacuc ya'beyex sc'uxul, hich te bin ut'il ants te ya x'ayin yale?

Jeremías 11:22

Ha yu'un hich ya yal te Jehová te scuentahinej spisil: Ya me ca'be castigo: ya xlajic ta espada te jcolel winiquetic, ya xlajic ta wi'nal te squerem-nich'nabic soc yantsil-nich'nabic.

Jeremías 10:25

Mala cohel awilimba ta stojol te nacionetic te ma sna'bat aba, ta stojol te pueblohetic te ma ba ya sc'oponat ta abihile; como la slajinic te Jacob, jc'axel la sbiq'uic soc la sjochambeyic hilel te slumale.

Jeremías 9:25

Ya me sta sc'ahc'alel, xchi te Jehová, te ya ca'be castigo spisil te mach'atic ha nax yich'ojic circuncisión ta scuenta sbaq'uetalic:

Jeremías 1:15

Yac quic'bel tal spisil ta chahp ants-winiquetic te ban c'alal ya xcuentahinwan ajwaliletic ta stojol norte, xchi te Jehová. Ya me xtalic te ajwaliletic yu'unic, ya me schahpan shuctajibic ta yochibal te Jerusalén ta stojol spisil sts'ahcul te ay ta sjoyobal soc ta scontrahinel spisil te pueblohetic yu'un Judá.

Isaías 63:19

Hich c'ohemotcotic te bin ut'il mach'atic mayuc bin ora la acuentahin, te mayuc bin ora la jquich'batcotic te abihile.

Salmos 147:19

La ya'be sna' Jacob te sc'op, la ya'be sna' Israel te mandariletic yu'un soc te bintic schapoj ta yo'tan.

Deuteronomio 26:18

Te Jehová la yalix ta jamal yo'tic te ha'at pueblohat yu'un, te ha mero yu'unat stuquel, hich te bin ut'il la yalbatix ta jamal, scuenta yu'un yac ach'uhumbe spisil te mandariletic yu'une;

Génesis 10:32

Hich ay te snich'nab Noé ta cajalcaj sts'umbal soc ta jujuchahp nacionetic. Tey hahchic tal a te jujuchahp nacionetic te la spuc sbahic bahel ta q'uinal te c'alal c'axix a te puhlele.

Hechos 17:26

Ta jtuhl nax winic la schicnajtes spisil ta chahp nacionetic yu'un ya xnahinic ta swohlol bahlumilal; soc la schahpambe yorahilic soc te banti ya xnahinic,

Nahúm 3:4

Spisil ini ha ta scaj te yantsinel te j'antsinel-ants te lec ta ilel soc t'ujbil, te ha jnohpteswanej yu'un j'ac'-chamel, te ya smombe yo'tanic te nacionetic ta scuenta te antsinel yu'un, soc te pueblohetic ta scuenta te j'ac'-chamel yu'une.

Oseas 9:9

Jc'axel la sbohlobtes sbahic, hich te bin ut'il ta sc'ahc'alel Gabaa. Te Jehová ya me sna'be schopolil soc ya me ya'be castigo yu'un te smulique.

Oseas 8:13

La ya'bonic chic'bil mahtaniletic soc la swe'beyic sti'balul, pero te Jehová ma ba lec yo'tan yu'un. Ya me sna'be te bin chopol spasojic, ya ya'be castigo yu'un smulic, ya me cha'suhtic bahel ta Egipto.

Oseas 2:13

Ya ca'be castigo yu'un te jayeb c'ahc'al te la schic'be pom te baaletic, te c'alal la sch'ahl sba ta ch'ocowiletic soc uhaletic soc la st'un bahel te mach'atic mulanot yu'un, te la sch'ayon ta yo'tan, xchi te Jehová.

Deuteronomio 32:9

Como te bin ay yu'un Jehová, ha te pueblo yu'un, ha te Jacob, te ha yu'un c'oht.

1 Corintios 8:3

Yan te mach'a c'ux ya ya'iy ta yo'tan te Diose, na'bibil sba yu'un stuquel.

Génesis 18:19

Como ya jna' te ya me spas ta mandar te yal-snich'nab soc te mach'atic ay yu'un ta patil te ya me st'unic te be yu'un Jehová, ha te ya spasic te bintic toj soc te bintic lec ta pasel, scuenta yu'un te Jehová ya yac' c'ohtuc ta pasel ta stojol Abraham te bin yalbeyej ta jamal.

Deuteronomio 4:32

Joc'oya awa'iy sc'oblal te bin c'axemix tal, te c'alal ma to ayucat a, te c'alal Dios la spas te ants-winic ta bahlumilal, teme ta jehch sti'il ch'ulchan c'alal ta yan sti'il, te hich c'ohem ta pasel te bintic muc' c'ohemix ta pasel, o teme ay hich ay ta a'iyele.

Ezequiel 5:9

Ya jpas ta atojol te mayuc hich jpasoj soc mayuc bin ora ya jpas yan buelta, ta scaj spisil te bintic ilobtic sba awu'une.

Oseas 5:3

Ya jna'be sba te Efraín; te Israel ma yu'unuc ma jna'be sba. Yo'tic, Efraín, awac'oj aba ta antsiwej, bohlobtesbil te Israel, xchi.

Amós 2:4

Hich yaloj te Jehová: Ta scuenta oxchahp mulil yu'un Judá, ta scuenta chanchahp, ma ba ya jcom te castigo yu'une; como la sp'aj te ley yu'un Jehová, ma ba la sch'uhumbe te mandariletic yu'un, howiyic yu'un slotic, te ha nix la st'unic te sme'statique.

Amós 3:3

¿Pajal bal ya xbehen te chebic teme ma ba pajal yo'tan sbahic?

Amós 6:1

¡Obol sbahic te mach'atic mayuc swocolic ta Sión soc te mach'atic jun yo'tan nahinemic ta wits Samaria, te mach'atic ich'bilic ta cuenta soc te príncipaletic ta nacionetic, ha te mach'atic ta sna Israel te ya xbahtic ta stojolic!

Miqueas 2:3

Ha yu'un hich yaloj te Jehová: Chapalix cu'un te ya ca'be te bin chopol ta stojol te ants-winiquetic ini te ma xhu' yac acoltay abahic yu'une; ma ba soc toybahil ya xbehenex, como ha yorahil wocol.

Éxodo 32:34

Bahan me hiche, ic'a bahel te pueblo ini ta banti la jcalbat; te ch'ul a'bat cu'un ha ya xnahilij bahel awu'un. Pero te c'alal ya sta yorahil castigo, ya cac'ticlambe castigo yu'un te smulique, xchi.