Amós 2:8 - Bible in Tzeltal Bachajón

⁸ Ta sts'ehl biluc scajtajib ta chiq'uel mahtanil ya smehtsan sbahic ta c'u'ul te yich'ojic scuenta prenda, soc ta sna te diosetic yu'un ya yuch'ic vino te mambil tal ta multa te ma stojiluc ta pasele.

Bible in Tzeltal de Oxchuc y Tenejapa

⁸ Tey ya sliman sbaic ta we'el ta bay c'u'il te la yich'ic ta prendal, jich ya yac' sbaic ta we'el ta swenta yich'jibal ta muc'te yajcananique. Ja' taq'uin yu'un multa te ma'yuc swentail la sc'anic te ya smanic vino a, te ya yuch'ic ta bay templo yu'un te bila sdiosinejique.

Amós 2:8 Referans Kwoze

Amós 6:6

yac awuch'ic vino ta muc'ul vasohetic, soc yac amal abahic ta lequil perfumehetic, pero ma ba yac amel awo'tanic yu'un te jinel yu'un José.

1 Corintios 10:21

Ma xhu' yac awuch' te copa yu'un Cajwaltic soc te copa yu'un te pucujetique; ma xhu' ya xwe'at ta smesa te Cajwaltic soc ta smesa te pucujetique.

1 Corintios 10:7

Ma me xach'uhunic loc'ombahetic, hich te bin ut'il ay la spasic stuquelic; hich te bin ut'il ts'ihbabil: Te pueblo la shuhcan sbahic ta we'el uch'el, patil hahch spasic q'uin, te xchihe.

1 Corintios 8:10

como te mach'a mayuc yip yo'tan teme ya yilat te yacat ta we'el ta mesa yu'un loc'ombahetic ha'at te ana'beyej scuentahil, ¿ma bal yacuc snop te ha nix hich ya swe' te bin ac'bil ta stojol te loc'ombahetique?

Amós 6:4

Ya xwayex ta wayibaletic pasbilic ta marfil, soc yac acux awo'tanic ta huctajibaletic yu'un cux-o'tanil; yac awe'ic te tut tuminchijetic te talemic ta jtsohb tuminchijetic, soc yac awe'ic te tut wacaxetic te talemic ta banti q'uejbilique;

Amós 4:1

A'iya awa'iyic te c'op ini, ha'ex wacaxetic yu'un Basán, te nahinemex ta wits yu'un Samaria, te yac awa'beyic swocol te pobrehetic soc yac awuts'inic te mach'atic mayuc bin ay yu'unique; te hich yac awalbeyic te amamalalic: Ich'ahic tal bin ya cuch'tic, te xchihexe.

Oseas 4:8

Ya xwe'ic ta scuenta smulic te pueblo cu'un, soc ya sc'an yo'tanic te ya sle smulic.

Ezequiel 23:41

la ahuhcan aba ta buen t'ujbil wayibal, chapalix mesa ta stojolic, soc tey la awac' a te pom soc te aceite cu'une.

Ezequiel 18:12

ya yuts'in te pobre soc te mach'a mayuc bin ay yu'un, ya ya'iy elec' soc ma ba ya sutbe te bin yich'beyej, ya stoy mohel sit ta stojol te loc'ombahetic soc ya spas te bintic ilobtic sba,

Ezequiel 18:7

te mayuc mach'a ya x'uts'inwan, ya sutbe te bin yich'beyej; ma ba ya ya'iy elec', ya ya'be swe'el te mach'a ay swi'nal soc ya ya'be sc'u' te mach'a mayuc sc'u';

Jueces 9:27

Loq'uic bahel ta ts'usubiletic, la stulbeyic sit soc la stec'ticlanic, la spasic q'uin. Patil ochic bahel ta templo yu'un te diosetic yu'unic; c'alal yacalic ta we'el uch'el a hahch sbohlc'optayic te Abimelec.

Isaías 57:7

La awac' awayib ta sba toyol wits, soc tey mohat bahel a ta yaq'uel milbil mahtaniletic.

Oseas 7:14

Ma ba la yawtayon soc spisil yo'tanic te c'alal oq'uic ta swayibic; la stsob sbahic ta scuenta trigo soc vino, la stoy sbahic ta jtojol.

Amós 3:14

Te bin c'ahc'alil ya ca'be castigo yu'un smul te Israel, ya jinticlan te scajtajib ta chiq'uel mahtaniletic ta Bet-el; ya yich' set'el loq'uel te xulubiletic yu'un te scajtajib ta chiq'uel mahtanil, ya xch'ay cohel ta lum.

Éxodo 22:25

Teme yac awa'be smajan ataq'uin jtuhl te ay ta yohlil te pueblo cu'un, ha te pobre sjoquinejat, ma me hichucat te bin ut'il mach'a ya sc'an sjol staq'uin, ma me xac'ambe sjol.