Amós 2:4 - Bible in Tzeltal Bachajón

⁴ Hich yaloj te Jehová: Ta scuenta oxchahp mulil yu'un Judá, ta scuenta chanchahp, ma ba ya jcom te castigo yu'une; como la sp'aj te ley yu'un Jehová, ma ba la sch'uhumbe te mandariletic yu'un, howiyic yu'un slotic, te ha nix la st'unic te sme'statique.

Bible in Tzeltal de Oxchuc y Tenejapa

⁴ Jich ya yal xan te Cajwaltique: —Te mach'a ayic ta Judá bayal buelta spasojic te bila amene. Ma me jichuc nax ya xjil, ya me cac'bey castigo yu'un. Melel ma la sc'an yo'tanic te p'ijubtesel yu'un Cajwaltic, soc ma la xch'uunbeyic te mandaliletic yu'une. Ja' la xch'uunic te yajcananic te la xch'uunic te sme'-statique.

Amós 2:4 Referans Kwoze

Ezequiel 20:24

como ma ba la spasbonic te halbil mandariletic cu'un, la sp'ajic te chahpambil mandariletic cu'un soc la sbohlobtesbonic sc'oblal te sc'ahc'alel cux-o'tan cu'un, soc baht sitic ta stojol te loc'ombahetic yu'un te sme'statique.

Ezequiel 20:16

como la sp'ajic te mandariletic cu'un, ma ba la st'unic te chahpambil mandariletic cu'un, soc la sbohlobtesbonic sc'oblal te sc'ahc'alel cux-o'tan cu'un, como baht yo'tanic ta stojol te loc'ombahetic yu'unique.

Ezequiel 20:13

Pero la stoy sbahic ta jtojol ta jochol taquin q'uinal te sna Israel; ma ba la st'unic te mandariletic cu'un soc la sp'ajic te leyetic cu'un te ha ta scuentahic te ya xcuxajic te mach'atic ya sch'uhunique; soc jc'axel la sbohlobtesbonic sc'oblal te sc'ahc'alel cux-o'tan cu'une. Ha yu'un la jcal te ya jmal cohel quilimba ta stojolic ta jochol q'uinal yu'un ya jlajinlan.

Habacuc 2:18

¿Bistuc te loc'omba te pasbil yu'un te mach'a ya sna' spasel, te uhltesbil loc'omba te ya yac' ta nopel lot, yu'un ha ya smuc'ulin yo'tan te ya'tel ta spasel loc'ombahetic te ma xc'opojique?

Oseas 12:2

Te Jehová ay c'op yu'un soc Judá, ya ya'be castigo te Jacob ha chican bin yilel te stalele; ya ya'be stoj ha chicn bin ya sc'an te ya'tele.

Isaías 28:15

Hich la awalic: Jchapoj jc'optic soc te lajele, jchapoj jc'optic soc te muquenale. Te c'alal ya xtal tulan wocol ma ba ya stahotic; como ha cac'ojtic ta ahnibal cu'untic te lote, ya jnac' jbahtic ta stojol te bin ma meleluque, xchihex.

Romanos 1:25

La sjelic ta lotil te bin smelelil yu'un Dios, la sch'uhuntayic soc la yac' sbahic ta a'batinel yu'un te bintic pasticlambil, ma ha'uc yu'un te Jpaswanej, te ay ta ich'el ta muc' sbahtel q'uinal stuquel. Hichuc.

Amós 3:2

Ta yohlil spisil te pueblohetic ta bahlumilal; ha'ex nax atuquelic te la jtsahex ha yu'un ya ca'beyex castigo yu'un spisil te bin chopol apasojique.

Ezequiel 20:18

Hich la jcalbe te yal-snich'nabic ta jochol taquin q'uinal: Ma me xat'unic te halbil mandariletic yu'un te ame'atatic, ma me xach'uhunic spasel te leyetic yu'unic, soc ma me xabohlobtes abahic ta scuenta te loc'ombahetic yu'unique.

Jeremías 9:14

Ha la st'unic te bin la snop ta yo'tanic soc la st'unic bahel te baaletic, hich te bin ut'il a'bot snopic yu'un te sme'statique.

Jeremías 8:9

Ya x'ac'otic ta q'uexlal te mach'atic ay sp'ijilic, ya xlaj yip yo'tanic soc ya x'ochic ta yaquil. La sp'ajic te sc'op Jehová, ¿banti ay te sp'ijilique?

Nehemías 1:7

C'ax chopol te bin la jpascotic ta atojol. Ma ba la jch'uhuncotic te mandariletic soc te bintic la awalbe te awa'bat Moisés.

2 Reyes 17:19

Pero ni ha'uc Judá la sch'uhun te mandariletic yu'un Jehová te Dios yu'unique. Ha nix la st'unic te bintic la spas te Israel.

1 Pedro 1:18

como ana'ojic te ma ha'uc ta scuenta bin ya xlaj, hich te bin ut'il oro o plata, te mambilex loq'uel tal ta apoco' talelic te mayuc scuentahil, te awich'ojic yu'un te ame'atatique,

1 Tesalonicenses 4:8

Ha yu'un te mach'a ya sp'aj ini, ma ha'uc ya sp'aj te winic, ha ya sp'aj te Dios te ha nix ya'beyejex te Ch'ul Espíritu.

Oseas 6:11

Soc ha'at nix ta acuenta, Judá, chapalix te yac awich' tsobel, te c'alal ya cac' suhtic tal ta chuquel te pueblo cu'une.

Ezequiel 22:28

Te jalwanejetic yu'unic ya sbonic pahc' ta tan, ha te ya yalic sc'op-jalwanej te mayuc sc'oblal soc ya yalbeyic lotil jna'ojel, hich ya yalic: Hich yaloj te Jehová, te Ajwalil, xchihic, pero mayuc bin yaloj te Jehová.

Ezequiel 22:8

La ap'ajic te bintic ch'ultesbil cu'un soc la abohlobtesbe sc'oblal te sc'ahc'alel cux-o'tan cu'une.

Ezequiel 20:30

Ha yu'un hich xawalbe te sna Israel: Hich yaloj te Jehová: ¿Ma bal hichuc yac abohlobtes abahic te bin ut'il ame'atatic soc yac awac' abahic ta antsinel ta stojol te bintic ilobtic sba yu'unique?

Ezequiel 13:22

Te bin ut'il yac awa'beyic smel yo'tan ta scuenta lot te mach'a toj yo'tan, te ma ho'ucon la jca'be smel yo'tan, soc te la awa'beyic yip sc'ab te mach'a chopol yo'tan scuenta yu'un ma ba ya yihquitay te chopol be, ha te la awa'beyic xan yip yo'tan,

Jeremías 16:12

Pero te ha'exe c'ax hich chopol apasojic a te bin ut'il ame'atatique. Como ilawil, tuhlultuhlex la at'unic bahel te bin snopoj te achopol-o'tanic, ma ba la awa'iybonic te jc'ope.

Jeremías 8:2

Limil ya xhilic ta stojol te c'ahc'al, te u soc spisil te eq'uetic, te c'ux la ya'iyic ta yo'tanic soc te la yac' sbahic ta a'batinel yu'unic, te la st'unic bahel, te ay bin la sjoc'obeyic soc te la squejan sbahic ta stojolique. Ma ba ya yich'ic tsobel o muquel, hich ya xc'ohtic te bin ut'il stsa' chambahlam ta sba te lumq'uinale.

Jeremías 6:19

A'iya awa'iy, lumq'uinal: Ya quich' tal bin chopol ta stojol te pueblo ini, ha te sit te bin snopojic, como ma ba la ya'iybonic jc'op soc la sp'ajbonic te ley cu'une.

Isaías 44:20

Ya swe' stanul c'ahc', ya xhowiytesot yu'un te yo'tan te ya xlo'loywan; ma xhu' ya scoltay sba soc ma ba ya yal: ¿Ma bal ha'uc lotil te bin ay ta jwa'el-c'ab? ma xchihuc.

Nehemías 9:26

Pero la sc'axuntayic te mandariletic awu'un soc la stoy sbahic ta atojol, la swalac'patiyic te Ley awu'un, la smilticlanic te jalwanejetic awu'un te tsitsotic yu'unic te yacuc suhtic xan ta atojol; soc bayel la sbohlc'optayat.

2 Crónicas 30:7

Ma me hichuquex te bin ut'il ame'atatic soc te awermanotac te la stoy sbahic ta stojol Jehová te Dios yu'un te sme'static, te hich ac'otic ta jinel yu'un, hich te bin ut'il yac awilic ta ora ini.

Jueces 10:6

Pero te snich'nab Israel la scha'pasic xan te bin chopol ta stojol Jehová, la yac' sbahic ta a'batinel yu'un te baaletic soc te Astarot, te diosetic yu'un Siria, Sidón, Moab, Amón soc yu'un te filisteohetic. La yihquitay ta yo'tanic te Jehová, ma ba la yac' sbahic ta a'batinel yu'un.

Jeremías 16:11

Hich me yac ajac'be: Como la yihquitayon te ame'atatic, xchi te Jehová, soc la st'unic bahel yantic diosetic soc la yac' sbahic ta a'batinel yu'unic soc la sch'uhuntayic. La yihquitayonic soc ma ba la sch'uhunic spasel te Ley cu'une.

Amós 1:3

Hich yaloj te Jehová: Ta scuenta oxchahp mulil yu'un Damasco, ta scuenta chanchahp, ma ba ya jcom te castigo yu'une; como la swuyticlanic te Galaad ta swuyojibal pasbil ta hierro.

Miqueas 6:12

Te jc'ulejetic bayel ya x'uts'inwanic, te mach'atic nahinemic tey a ya xc'opojic ta lot, ya xlo'loywan te yehique.

2 Crónicas 25:14

Te c'alal suht tal te Amasías ta smilel te edometic, la yich'be tal te diosetic yu'un te sts'umbal Seir, ha diosetic yu'un c'ohtic, la sch'uhuntay soc la schic'be pom.

Jeremías 17:27

Yan teme ma ba yac ach'uhumbonic jc'op ta sch'ultesel te sc'ahc'alel cux-o'tan, te yac awich'ic ochel tal ihcatsil ta ochibaletic yu'un Jerusalén ta sc'ahc'alel cux-o'tan, ya ca'be sc'ahc'al te ochibaletic yu'un te ya slajinlan te muc'ul nahetic yu'un Jerusalén, mayuc mach'a ya xhu' yu'un stup'el, xchi.

Oseas 12:3

Ta yawil alal la stsacbe yit yoc te sbanquile, soc te c'alal muq'uix a la stsac sba soc te Diose.