Amós 2:3 - Bible in Tzeltal Bachajón

³ Ya jloq'uesbe te jtsobaw yu'un, ya jmil soc spisil te príncipaletic yu'un, xchi te Jehová.

Bible in Tzeltal de Oxchuc y Tenejapa

³ Ya me jloq'uesbey ta yolil te lum te muc' ajwalile; ya me jmil, soc te winiquetic te muc' sc'oplalic yu'une —xi'.

Amós 2:3 Referans Kwoze

Jeremías 48:7

Te bin ut'il ha smuc'ulinej awo'tanic te awa'telic soc ac'ulejalic, ha nix hich ya me awich' tsaquel. Te Quemos ya x'ic'ot bahel ta chuquel soc te sacerdotehetic soc te príncipaletic yu'une.

Números 24:17

Ha ya quil, pero ma ta orahuc; ha ya jna'ulan, pero ma nopoluc ay; ya xloc' tal ec' ta Jacob, ya xchicnaj bastón ta yohlil Israel; ya me swuybe sti'ba te Moab, soc ya me slajinlan spisil te sts'umbal Set.

Jeremías 48:25

Hich ya yal te Jehová: Lajix yip te Moab soc waq'uix sc'ab, xchi.

Isaías 40:23

Ha ya sutp'in ta bin mayuc sc'oblal te mach'atic ay yipic, soc ya yac' te mayuc scuentahil ya xc'ohtic te jcuentahinwanejetic ta bahlumilal.

Salmos 2:10

Ha yu'un, ajwalilex, p'ijanic me; ich'ahic ta cuenta te tsitsel, jcuentahinwanejex ta q'uinal.

Job 12:21

Ya yac' te mayuc sc'oblal ya xc'oht te mach'a ich'bilic ta muc', soc ya stilbe schuhquil sch'uht te mach'atic ay yipique.

Salmos 141:6

Te jcuentahinwanejetic yu'unic ya me yich'ic ch'ojel cohel ta xuhc tonetic, ya me ya'iyic te ha smelelil te jc'ope.

Amós 5:7

¡Ay me awocol ha'ex te yac ac'atp'unic ta bin ch'a te stojil chahpanel, soc te yac ach'ojic ta lum te bin stojil ta pasele!

Amós 5:12

Como ya jna' te bayel bin chopol apasojic soc te bayel amulique; yac awuts'inic te mach'a toj yo'tan, yac awich'ic taq'uin te la achon abahic a, soc ta chapajibaletic yac awac' ch'ayuc te bin ya sc'an te pobre.

Amós 6:12

¿Ya bal x'ahnimajic ta tontiquil te cawuhetique? ¿Ya bal stuquic lum tey a soc j'a'tel-wacaxetic? Pero ha'ex la ac'atp'unic ta veneno te stojil chahpanel, soc la ac'atp'unic ta bin ch'a te sit te bin stojil ta pasele.