Amós 2:2 - Bible in Tzeltal Bachajón

² Ya ca'be sc'ahc'al te Moab te ya slajinlan te tulan ts'ahquetic yu'un Queriot; ya xlaj Moab ta yohlil xnilet, c'alal ay aw yu'un guerra soc oq'uesinel corneta.

Bible in Tzeltal de Oxchuc y Tenejapa

² Jich yu'un ya me cac'bey sc'aal te sq'uinal Moab, tan me ya xjil yu'un te muc'ul naetic ta Queriot te c'alal ay aw yu'un guerra soc te ya x'oq'uesinot oq'ues. Jich me ya xlajic te moabetique.

Amós 2:2 Referans Kwoze

Jeremías 48:41

Ya yich'ic ochintayel te pueblohetic, soc tsalbilic te toyol ts'ahquetic. Ta hich ora hich ya xc'oht te yo'tanic te soldadohetic yu'un Moab te bin ut'il te yo'tan ants te ya x'alaje.

Jeremías 48:24

Queriot, Bosra soc spisil te pueblohetic yu'un Moab te nopol soc namal ayique.

Amós 1:14

Ya ca'be sc'ahc'al te ts'ahc yu'un Rabá, ha ya slajinlan te tulan ts'ahquetic yu'un, soc xnilet ta yorahil guerra, soc tulan ic' ta yorahil ic'al-ha'al.

Jeremías 48:34

Te aw yu'un Hesbón ya xc'oht c'alal ta Eleale; c'alal Jahaza awonic, ta Zoar c'alal ta Horonaim soc Eglat-selisiyá, como taquijiquix te ha'etic yu'un Nimrim.

Isaías 9:5

Spisil te step slapojic te soldadohetic ta guerra soc spisil sc'u' spaq'uic mulbilic ta ch'ich', ya me yich'ic chiq'uel, ha si' ya xc'ohtic yu'un c'ahc'.

Jeremías 48:45

Ta axinal yu'un Hesbón mayuquix yipic a ya stehc'an sbahic te mach'atic loq'uic ta ahnel; como loc' c'ahc' ta Hesbón, soc yat c'ahc' ta yohlil Sehón; la schic'be yohlil sjol te Moab, soc te sbaquel sjol te mach'atic la shachic te c'opetique.

Ezequiel 25:8

Hich yaloj Jehová, te Ajwalil: Te bin ut'il hich la yal te Moab soc Seir: Ilawil, te sna Judá pajal soc spisil te nacionetic, te xchihique,

Amós 1:4

Ya ca'be sc'ahc'al te sna Hazael, ha ya slajinlan te tulan ts'ahquetic yu'un Ben-adad.