Amós 1:2 - Bible in Tzeltal Bachajón

² Hich la yal: Ya x'awon Jehová c'alal ta Sión, ya yac' ta a'iyel sc'op c'alal Jerusalén, te aquiltic yu'un te jcanan-tuminchijetic ya xtaquij soc ya xtaquij te ba wits Carmelo.

Bible in Tzeltal de Oxchuc y Tenejapa

² Jich la yal: —C'alal ya xchicnaj tel sc'op Cajwaltic jichuc chawuc ta wits Sión, ta Jerusalén, ya sayub te aquiltic soc te sba wits Carmelo —xi'.

Amós 1:2 Referans Kwoze

Joel 3:16

Ya x'awon te Jehová c'alal Sión, ya yac' ta a'iyel sc'op c'alal Jerusalén, ya xnihc te ch'ulchan soc te lumq'uinale; pero te Jehová ha ahnibal yu'un te pueblo yu'un, ha toyol ts'ahc yu'un ahnibal yu'un te snich'nab Israel.

Jeremías 25:30

Ha'at, Jeremías, halbeya spisil te c'opetic ini: Te Jehová xnilet ya xc'opoj c'alal ta toyol, c'alal ta ch'ul awilal yu'un ya xc'opoj tal. Tulan xnilet ya xc'opoj ta scontrahinel te jtsohb tuminchijetic yu'une, ya me x'awon hich te bin ut'il mach'atic ya sp'e'ic ta teq'uel ts'usub, ta scontrahinel spisil mach'atic nahinemic ta q'uinal.

Amós 9:3

Teme ya snac' sbahic ta ba wits yu'un Carmelo, tey ya jle a soc ya jtsacticlan; aunque ya snac' sbahic ta jtojol c'alal ta sc'ubulil mar, tey ya calbe ta mandar te chan te ya sti'e.

Jeremías 12:4

¿Bin to ora te jochol ya xhil te lumq'uinal soc te ya sayub te aquiltic ta spisil te q'uinale? Ta scaj schopolil te mach'atic nahinemic tey a te lajemiquix te chambahlametic soc te ha'mal mutetique, como hich ya yalic: Dios ma ba ya yil bin ut'il ya xc'ohotic ta loq'uel, xchihic.

Isaías 42:13

Te Jehová ya xloc' tal hich te bin ut'il soldado, hich te bin ut'il jtuhl winic yu'un guerra ya shachbe xut'et yo'tan; ya stoy sc'op, ya x'awon yu'un guerra, ya stsal te scontrataque.

Nahúm 1:4

Ya yut te mar, ya yac' taquijuc, ya yac' taquijuc spisil te muc'ul-ha'etic. Te Basán soc te Carmelo ya xuch'ub, soc ya xluhbaj te nichim yu'un Líbano.

Joel 2:11

Te Jehová ya yal mandar ta stojol te soldadohetic yu'un, c'ax muc' te campamento yu'unic, soc bayel yipic ya sch'uhunic spasel te smandare. Muc' soc xiweltic sba te sc'ahc'alel yu'un Jehová; ¿mach'a ya xcuhch yu'un?

Oseas 13:8

Ya jta ta lehel hich te bin ut'il me' oso te pojbil yalatac, ya jlombe stahn, tey ya jwe' a hich te bin ut'il choj, ya xbutsticlanot yu'un ti'awal chambahlam.

Jeremías 50:19

Ya quic' xan suhtel tal ta sq'uinal te Israel, ya swe'be yacul ta Carmelo soc ta Basán, ya xnoj sch'uht ta witsiltic yu'un Efraín soc ta Galaad.

Jeremías 14:2

Yac ta oq'uel te Judá, te ochibaletic yu'un ya xlaj yipic; huculic ta lum ta mel-o'tan soc ya xtohy mohel yawic te Jerusalén.

Isaías 35:2

Bayel ya xnichin, tse'el yo'tan soc ya xc'ayojin soc yutsil q'uinal. Ya x'a'bot te yutsilal te Líbano, te st'ujbilal te Carmelo soc Sarón. Ya me yilbeyic te yutsilal te Jehová, te st'ujbilal te Dios cu'untique.

Isaías 33:9

Te lumq'uinal ya smel yo'tan soc ya xlaj yip, ya xq'uexaw te Líbano soc ya sayub; te Sarón sutp'ij ta jochol taquin q'uinal, te Basán soc Carmelo ya slihlinic cohel ya'binalic.

Proverbios 20:2

Te sc'ahc'al yo'tan te ajwalil hich c'ohem te bin ut'il yaw choj; te mach'a ya shachbe yilimba, ha nix ya yuts'in sba.

1 Samuel 25:2

Ay jtuhl winic ta Maón te ay sq'uinal ta Carmel. Mero jc'ulej, ay lajunwinic swaxacbahc' (3,000) tuminchijetic soc lajunwinic yoxbahc' (1,000) tentsunetic yu'un. Yac ta sloq'uesbeyel stsotsel stuminchij ta Carmel.

Salmos 46:6

Ya x'awonic te nacionetic, ya xnihquic ban c'alal scuentahinejic; tulan c'opoj te Diose, uhl bahel yu'un te q'uinale.

Jeremías 28:8

Te jalwanejetic te nahil c'axic cu'untic ta namey la yalic ta sc'op-jalwanej sc'oblal guerra, wocol soc jmilawal-chamel ta stojol bayel ta chahp nacionetic soc muc'ul ajwaliletic.

Oseas 11:10

Ya me st'unic bahel te Jehová, ha ya x'awon hich te bin ut'il choj; ya x'awon, hich te yal-snich'nab yaquic ta nihquel a ya xtalic ta stojol smahlib c'ahc'al.

Joel 1:19

Ha'at, Jehová, ya cawtayat; como lajix ta chiq'uel ta c'ahc' te ya'malel te jochol q'uinal, soc lajix ta c'ahq'uel spisil te te'etic ta q'uinal.

Salmos 29:4

Te sc'op Jehová ay yip; te sc'op Jehová ay yutsilal.