Abdías 1:9 - Bible in Tzeltal Bachajón

⁹ Te mach'atic awu'un te ay yipic, Temán, ay me tulan xiwelic, spisil ants-winiquetic ta witsiltic yu'un Esaú ya yich'ic lajinel.

Bible in Tzeltal de Oxchuc y Tenejapa

⁹ Te soldadoetic yu'un Temán te ma xiwique ya me xnijq'uic yu'un xiwel; soc ta witstiquil yu'un Esaú ma me ayuc mach'a cuxul ya xjil tey a —xi'.

Abdías 1:9 Referans Kwoze

Amós 1:12

Ya ca'be sc'ahc'al te Temán, ha ya slajinlan te tulan ts'ahquetic yu'un Bosra, xchi.

Ezequiel 25:13

ha yu'un hich yaloj te Jehová, te Ajwalil: Ya me jach jc'ab ta stojol Edom, ya jlajimbe te winiquetic soc te chambahlametic yu'une, jochol ya xhil cu'un; c'alal Temán c'alal ta Dedán ya me xlajic ta espada.

Jeremías 49:22

Ya me xwihl bahel hich te bin ut'il jxic, ya sjam te xic' ta stojol Bosra. Ta hich ora, te yo'tan te mach'atic ay yipic yu'un Edom hich ya xc'oht te bin ut'il te yo'tan ants te ya x'alaj, xchi.

Génesis 36:11

Te snich'nab Elifaz: ha Temán, Omar, Zefo, Gatam soc Cenaz.

Jeremías 49:20

Ha yu'un a'iya awa'iyic te bin schapoj Jehová ta stojol Edom, te bin snopoj te ya spasbe te mach'atic nahinemic ta Temán. Ya me stasic bahelte mero tut tuminchijetic yu'un te jtsob tuminchijetic, pajal ya slajinic soc te yaxal aquiltic yu'unique.

Jeremías 49:7

Hich ay sc'oblal te Edom. Hich yaloj te Jehová te scuentahinej spisil: ¿Ma bal ayuquix p'ijil-o'tanil ta Temán? ¿Laj balix te j'ac'-o'tanil yu'un te mach'atic p'ijique? ¿Jihn balix te sp'ijilique?

Job 2:11

Ay oxtuhl yamigotac te Job, ha te Elifaz te talem ta Temán, Bildad te talem ta Súa, soc Zofar te talem ta Naamat. Te c'alal la ya'iyic spisil te bin wocol c'oht ta stojol, jujutuhl hahchic tal ta slumalic, como schapojic te pajal ya xtal sjoquinic ta sc'asesel swocol soc ta smuc'ubtesbeyel q'uinal ya'iy.

Abdías 1:21

Te jcoltaywanejetic ya xmohic bahel ta wits Sión yu'un ya scuentahinic te wits yu'un Esaú. ¡Yu'un Jehová ya xc'oht te ban c'alal ay ta cuentahinele!

Amós 2:16

Te mach'a jc'axel ma xiw watal ya xloc' ta ahnel ta hich ora, xchi te Jehová.

1 Crónicas 1:45

Te c'alal cham Jobab, ha hil ta sjelol ta ajwalil te Husam te talem ta sq'uinal Temán.

Nahúm 3:13

Te soldadohetic awu'un hich ayic te bin ut'il antsetic. Te ochibaletic yu'un aq'uinal ya yich'ic jamel ta stojol te acontratac, soc te c'ahc' ya slajin te sc'atal-te'eletic awu'une.

Deuteronomio 2:5

Ma me xawa'beyic guerra, yu'un ma ba ya ca'beyex te sq'uinalic, ni jxuht'uc ta banti ya xc'oht stahn awoc; como la jca'be yich' Esaú te witsiltic yu'un Seir.

Abdías 1:5

Te ha'uc tal j'eleq'uetic ta atojol, te ha'uc tal yelc'ambat ta ahc'abal, (¡mero jimbil c'ohat!) ¿ma bal yacuc yelc'anic te ban c'alal ya sc'anic? Te ha'uc talic ta atojol te mach'atic ya stulic ts'usub, ¿ma bal yacuc yihquitayic hilel cha'oxchej?

Habacuc 3:3

Ya xloc' tal Dios ta Temán, ya xloc' tal te Ch'ul Dios ta wits Parán. Te yutsilal la snojes te ch'ulchan, noj te bahlumilal ta halbeyel yutsil sc'oblal.