1 Samuel 9:3 - Bible in Tzeltal Bachajón

³ Ay ch'ayem burrahetic yu'un te Cis te stat Saúl. Ha yu'un te Cis hich la yalbe Saúl te snich'an: Ic'a bahel jtuhluc a'bat, bahan, leha te burrahetique, xchi.

Bible in Tzeltal de Oxchuc y Tenejapa

³ Te Cis ay ch'ay burraetic yu'un. Ja' yu'un jich la yalbey te snich'an, ja' te Saule: —Chajbana aba, baan, lea te burraetique. Ic'a bael jtuluc abat —la yut.

1 Samuel 9:3 Referans Kwoze

1 Samuel 10:2

Yo'tic te c'alal ya xloc'at bahel ta jtojol, ya me ata cheb winiquetic nopol ta smuquenal Raquel te ay ta Selsa, ta sq'uinal Benjamín, hich me ya yalbat: Chicnajix te burrahetic yac alehbel; mayuquix sc'oblal ta yo'tan atat, yaquix ta mel-o'tan ta acuentahic, hich ya yal te atate: ¿Bin ya jpas yu'un te jnich'ane? xchihic.

Jueces 10:4

Ay lajuneb scha'winic (30) ta tuhl snich'nab te mohic ta lajuneb scha'winic (30) ta coht burro; soc ay lajuneb scha'winic (30) pueblohetic yu'unic ta sq'uinal Galaad, te ha ‘pueblohetic yu'un Jair’, xchi sbihilic c'alal ora.

Jueces 5:10

Ha'ex te ya xmohex ta saquil burrahetic, ha'ex te huculex ta chahpanwanej, soc ha'ex te ya xbehenex ta awoquic, c'opojanic.

1 Samuel 9:2

Ay jtuhl snich'an, Saúl sbihil, buen t'ujbil jcolel winic. Ta yohlil te snich'nab Israel mayuc mach'a c'ax hich st'ujbilal a; ha toyol mohel snehquel c'ax hich snahtil a te bin ut'il yantic.

1 Samuel 9:4

Hich te Saúl c'ax bahel ta witsiltic yu'un Efraín soc c'ax bahel ta sq'uinal Salisa, ma ba la sta te burrahetique. Soc c'axic xan bahel ta sq'uinal Saalim, ma ba tey ayic a. Patil c'axic bahel ta sq'uinal Benjamín, ma ba la stahic.

1 Samuel 9:20

Te burrahetic te ayix oxeb c'ahc'al sch'ayel, ma xamel awo'tanic yu'un, como tahbiliquix. Soc ¿mach'a a te ya sc'anic spisil mach'atic ayic ta Israel, ma bal ha'ucat soc spisil mach'atic ay yu'un te atate? xchi.

1 Samuel 10:14

Jtuhl stajun te Saúl la sjoc'obe soc te ya'bat: ¿Banti c'ohex? xchi. C'ohotcotic ta slehel te burrahetic. Te c'alal la jquilcotic te ma ba chican, baht quilcotic te Samuel, xchi te Saúl.